قطع غيار القشقاي

**teefa_10** · 04-04-2012 01:27 AM

السلام عليكم أنا ان شاء الله ناوي أدخل في القشقاي المانيوال طبعا زي ما كلكم عارفين الأوتوماتيك فيها أوفر 15 و 20 عن السعر الأصلي في حالة التسليم الفوري و أنا شايف أن ده استغلال و نصب

المهم عندي سؤالين مهمين جدا:
1- ما هي أسعار قطع الغيار و الصيانات الدوريه و هل متوافره داخل التوكيل و خارجه

2 - هل يوجد عزل داخل الكابوت في المانيوال و لا صاج فقط من الداخل - الصراحه لو مفيش يبقي
عيب أوي و تبقي هي ديه الغلطه اللي في العربيه

3- حد عنده معلومات عن زجاج السقف (البانوراما ) الصراحه أنا خايف منه و من الظلط و الطوب اللي بيطير من العربيات النقل - و كمان الخدوش لو كلب أو قطه و سعره كام لا قدر الله و حبيت أغيره

**Dr'AhmZZong** · 04-04-2012 01:50 AM

اولا يا باشا ألف مبروووووووك مقدما على السيارة التحفة ديه ما شاء الله عليها يعني ..

موضوع السعر ده هو فعلا زيادة عشان أول حاجة اوتوماتيك و مش زي حاجة يعني ده < cvt xtronic > .. و تاني حاجة السيارات محدودة جدا القادمة من انجلترا و ده اللي عملهم عجز ..

اسعار قطع الغيار متوفرة داخل التوكيل قليلة خارجه و ده بسبب إن السيارة لسة جديدة .. و سعرها في المعقول و حتى لو غالية شوية بس بتديك عمر افتراضي محترم ..

و فيها يا باشا عزل الكبوت متقلقش ..

السقف يا باشا مقوي جداااااا و لو لاقدر الله حصل في حاجة .. التوكيل متوافر عنده إن شاء الله متقلقش ..

توكيل نيسان من احسن التوكيلات في مصر كلها .. متقلقش منه خالص ..

تحياتي لحضرتك و نورت القسم ..

**koshary** · 04-04-2012 11:08 AM

المشاركة الأصلية كتبت بواسطة ahmed1006

بردوا بيستغلوا الناس
لا تعليق علي افعالهم

هو ده حال بلدنا ياصديقى

**Ahmed.TV** · 04-04-2012 11:57 AM

http://www.nilemotors.net/Nile/270419-175.html

انا رديت على حضرتك فى رسائل الزورار ورديت على حضرتك قبل كدا فى استفسارك فى موضوع باشهمندس حاتم السباعى
ده اللينك فى صور للعربية .. وموضوح فيها عازل الكابوت .. هو موجود فى الاتوماتيك .. ومش موجود فى المانيول ..
والمانيول مش بتنزل بعازل كابوت .. زيها زى التيدا المكسيكى .. واللى عايز يركب عازل موجود فى التوكيل .. وسعره معقول جدا

اما بالنسبة لقطع الغيار خارج التوكيل .. العربية لسه نازلة مصر قريب .. وعشان يتوافر ليها قطع غيار خارج التوكيل .. من سنة الى سنتين .. وده بردوا بيتوقف على انتشار العربية فى مصر .. لان كل ما بتبيع اكتر .. بينتشر ليها قطع غيار خارج التوكيل .. من تايوانى وهكذا

والعربية انتشارها بسعرها الحالى حيكون كويس جدا .. وحتشد الدنيا

وقطع الغيار الاصلية حتلاقيها بره التوكيل عند منافذ البيع المعتمدة .. منها محمد جابر واحمد جابر .. دول موزعين معتمدين لنيسان .. واسمائهم موجودة فى كتيب الضمان لنيسان

موضوع الزجاج البانوراما سمك الزجاج على ما اتذكر كان 6 ملى او 8 ملى حاجة كدا .. وزجاج مقوى .. متقلقش .. ما لو حاجة وقت جامدة لقدر الله .. وكسرته .. اعتقد افضل من لو كان شقف وحاجة وقعت عليه .. واطبق .. وتفك بقا وتسمكر وشغلانة وترش .. وطبعا كل ده ساعتها بيقلل من تمن العربية

اما اسعار قطع الغيار الاصلية .. قريب باذن الله بجهز موضوع عنها وحنزله للاعضاء ان شاء الله

واخيرا بخصوص اسعار العربية
اللى بيغلى سعر العربية المعارض الخاصة .. مش الوكيل .. العربية بتيجى بالحجز .. ودلوقتى اللى عايز يحجز الاستلام مش اقل من شهر 7 .. والسعر ب175 الف جنيه

وحتى لو المعرض الخاص حجز واخد بكمية من الوكيل .. والوكيل خالا السعر غالى عليه .. او سقع العربيات عشان يبيعها براحته .. دى بترجع فى الاخر لينا احنا .. لان احنا اللى بنشجع على كدا .. انا عارف منا اللى مش حيقدر يصبر فبيضطر يشترى وبالسعر المفروض عليه .. لكن اللى مش عايز يحط رقبته تحت حد .. يبقا يصبر على الاستلام
وموضوع التسقيع .. دى لعبة المعارض الخاصة .. لان ده شغلتهم .. وبيتابعوا اخبار نيسان وطبعا ليهم مصادرهم .. وعارفين بيدخل كام كمية من العربية مصر من العربيات المستوردة فى نيسان .. وايه اللى عليه الطلب .. وحتى انتاج المصنع فى العربية المحلية زى الصنى .. عارفين امتى مصنع نيسان بياخد اجازة .. والاجازة السنوية دى امتى .. فبجيب مثلا عربيات ويسقعها عنده زى الصنى .. وزى التيدا .. والسنين اللى فاتت كانت بتشهد على كلامى ده .. لما كان في 2000 جنيه اوفر بريس على الصنى

فالقصة كبيرة جدا .. المهم اننا بنكون احد اطرافها بردوا

مشكلة القاشقاى .. انها كانت بتنزل ب2000 سى سى .. وابتدوا يتنجوا فى المصنع فى انجلترا .. 1600 عشان طلبات الشرق الاوسط .. وبتيجى فى مراكب شحن من انجلترا .. فبتاخد وقت

ان شاء الله الامور دى كلها تتحل مستقبلا

تحياتى

**Ahmed.TV** · 04-04-2012 03:15 PM

حضرتك بتجيب الكلام ده منين يا فندم
حضرتك لو بتسمع من حد بره بيفتى
حضرتك ممكن تدخل على الفهرس المثبت وتدخل على الموضوعات العامة .ز حتلاقى موضوع اسمه
أعرف الاسعار وتفاصيل الصيانة قبل الحجز
لاخونا العزيز الجميل احمد محسن .. اللى تعب فيه وعمله للاعضاء ..

وده لينكه
http://www.nilemotors.net/Nile/277698-a.html

ياريت تقرا الموضوعات .. لان انا معرفش .. وفى معلومات محدش يعرفها .. فبنجبها من الفهرس .. من الموضوعات اللى بيفيدونا بيها الاعضاء
وجزاهم الله خيرا على تعبهم معايا وعمل الموضوعات اللى بيفيدونا بيها .. وربنا يجعل تعبهم فى ميزان حسانتهم
تحياتى ليك