صعوبه في التنفس ودوخه و صداع

**khaled_bibo** · 24-05-2012 04:45 AM

لو سمحتوا يا جماعه بقالي فتره عندي صعوبه في التنفس و بتنفس من فتحه انف واحده و بحس ان انا بموت و انا بصحى من النوم و عندي صداع و خمول علطول و قلة تركيز مبالغ فيها يا ترى ده كله من ايه و اروح لمين ؟

**egyptiandiver** · 24-05-2012 05:51 AM

السلام عليكم أولاً سلامتك. ثانياً أنا مش دكتور أو أخصائي تغذية. لكن قريت كتاب لأخصائي أمريكي في التغذية و التفاعلات الكميائية في جسم الانسان و إصدار الكتاب 2007 يعني معلومات حديثة نسبياً. خلاصة الكتاب إن الواحد فينا لازم يبعد عن أسباب الامراض و إن جسم الانسان فقط هو القادر إنو يشفي نفسو عن طريق التغذية السليمة انك تاكل أكتر أكلك خضار أو فكهة أو أسماك كلو على قد ما تقدر من الطبيعة ... من الارض ذي ما ربنا خلقو. ابعد تماماً عن ملح الطعام و اشتري فلتر مية ممتاز يمكن كذا مرحلة عشان تساعد الجسم على طرد السموم أول بأول. مصادر السمون كتير أوي من أول عادم العربيات للمياه الملوثة للاكل المقلي في زيت مغلي. قطر أكل سلطة خضرة و قوقه طول إليوم و امشي كل يوم مش أقل من نص ساعة على رجلك. و القنبلة الكبيرة إن الرجل ده بيقول إن الدكاترة و الادوية الكميائية مش بيشفو ... ده ممكن بيزيدو المشاكل و بيدمرو حاجات تانية في الجسم. بيقول كمان إن الدكاترة و مصانع الادوية العملاقة عملة ذي لوبي مصالح و بيقوم أسلوب الحياه الصحي أو التداوي بالاعشاب الطبيعية عشان ده بمنتهى البساطة بيضرب مصالحهم في مقتل. شوف شركات الادوية من أغنى الشركات في العالم و الاطباء ماشاء الله شوف ثرواتهم! اللهم لا حسد. لازم تقلل على قد ما تقدر كميات السكر إلي بتستهلكها و الافضل بلاش سكر أبيض إطلاقاً على قد ماتقدر خفف العيش الابيض و إمنع لو تقدر. الدكاترة خلي بالك مش بيشفو المرض هما بيخففو الاحساس بالوجع لكن ما بيعلجوش سبب المرض !! عذبت أكلك و شربك و شحف التأثير على حياتك و بلغنا و سلامتك تاني. أخوك أحمد سامي

**MASERATI** · 24-05-2012 05:52 AM

المشاركة الأصلية كتبت بواسطة khaled_bibo

لو سمحتوا يا جماعه بقالي فتره عندي صعوبه في التنفس و بتنفس من فتحه انف واحده و بحس ان انا بموت و انا بصحى من النوم و عندي صداع و خمول علطول و قلة تركيز مبالغ فيها يا ترى ده كله من ايه و اروح لمين ؟

السلام عليكم و رحمة الله و بركاته

ألف سلامة لحضرتك, بس السؤااااااااااااااااال:

هو حضرتك بتتنفس من فتحة أنف واحدة ليه ؟؟؟؟

**egyptiandiver** · 24-05-2012 06:01 AM

المعدة بيت الداء ,إمنع الحاجة الساقعة نهائي، ربنا صمم أجسامنا و الوقود بتاعها حاجات كلها من الطبيعة مباشرةً، لو الواحد كل غلط كأن عربية بنزين و احنا حطنلهة ديزل! أكيد النتيجة معروفة احنا كدة بنسيء لنفسنا على مدى سنين طويلة و بعد كدة بنقول احنا بنعيا ليه؟!

**egyptiandiver** · 24-05-2012 06:09 AM

و أساسي لو مدخن خف التدخين شوية لحد ما تبطل إن شاء الله,
و لو عطشان أو مش عطشان إشرب مية كل نص ساعة
ربنا يعافيك و يعافينا

**محمد عز** · 24-05-2012 06:36 AM

لازم تروح لدكتور باطنة

يشوف اخبار الكبد والسكر فى الدم

وان شاء الله حاجة بسيطة

وكلامةالاخوة الافاضل صح لكن تغيير نمط الحياة من اكل وشرب وممارسة رياضة اثاره مش هتبدا تجنيها الا بعد كام شهر

فالافضل تروح لدكتور وتعمل التحاليل اللازمة وان شاء الله تبقى زى الفل

**khaled_bibo** · 24-05-2012 05:06 PM

هو. الموضوع ده مش اول مره يحصل حصل قبل كده السنه اللي فاتت و عملت تحليل شأمل و قالي انت زي الفل و كتبلي فيتامبنات بس اللي جد موضوع اني بتنفس من فتحه واحده ده اللي قلقني و الحمد لله مش مدخن و عندي فلتر مياه ثلاث مراحل بس طلع مش مجدي و شﻷأل دلوقتي مياه معدنيه

**MASERATI** · 25-05-2012 02:14 AM

المشاركة الأصلية كتبت بواسطة khaled_bibo

هو. الموضوع ده مش اول مره يحصل حصل قبل كده السنه اللي فاتت و عملت تحليل شأمل و قالي انت زي الفل و كتبلي فيتامبنات بس اللي جد موضوع اني بتنفس من فتحه واحده ده اللي قلقني و الحمد لله مش مدخن و عندي فلتر مياه ثلاث مراحل بس طلع مش مجدي و شﻷأل دلوقتي مياه معدنيه

السلام عليكم و رحمة الله و بركاته

ماهو ده اللى أنا بسـأل عليه, أنت لييييييه بتتنفس من ناحية واحدة, يعنى الناحية المقفولة دى, مقفولة ليه, زكام و لا ايه السبب ؟؟؟

**khaled_bibo** · 25-05-2012 07:56 AM

لا مش زكأم ده لوحدهاكده مش عارف ايه السبب

**MASERATI** · 25-05-2012 08:18 AM

المشاركة الأصلية كتبت بواسطة khaled_bibo

لا مش زكأم ده لوحدهاكده مش عارف ايه السبب

السلام عليكم و رحمة الله و بركاته

كلام جميل أوى, يبقى الحاجة الوحيدة و الضرورية اللى لازم و لا بد تعملها, انك تروح لطبيب أنف و أذن و حنجرة, و تتابع معاه لحاااااااااااااد ما ترجعه تتنفس عادى جدا و طبيعى من الناحيتين, و ساعتها, أى أعراض تتبقى, تبقى تشوفها بعدين, بس مبدئيا, لازم ترجع تتنفس طبيعى جدا من الناحيتين.