عملت لبكره ولا لسه ما عملتش

**زهير فكري** · 26-05-2012 09:09 PM

المشاركة الأصلية كتبت بواسطة ghost11

السلام عليكم ورحمه الله وبركاته

دى اول مشاركه ليه هنا فى المنتدى انا مشترك من فتره بس باقرا مواضيع الاعضاء الشيقة واللى الواحد بيستفيد منها فعلا فقررت انى اخرج عن صمتى وقولت اشارك

الموضوع هو ليه الناس شاغله نفسها بالمستقبل وانا واحد منهم مع ان كتر التفكير فى مستقبل الواحد بيخليه ما يعرفش يستمتع بحاضره يعنى اللى مش معاه فلوس عايز يعمل قرشين يقولك للزمن واللى عمل قرشين يقولك مش كفايه ده الدنيا غاليه ناااار ونلاقى نفسنا العمر بيجرى بينا فى جمع الفلوس والقلق من المستقبل وخصوصا الموضوع بيبقى مؤرق للناس اللى مسافره بره مصر وانا واحد منهم
يا ريت اعرف رايكوا يا رجاله نايل موتورز الشجعان

نصيحه اخويه ....... اياك ثم اياك تسيب شغلك و ترجع مصر و تقعد من غير شغل ..... طالما ربنا كارمك بشغل و دخله كويس .... بلدي اللي فيها اكل عيشي ... دون عواطف او حماسيات .... وده مش معناه ضعف انتماء او كراهيه لمصر , ولكن اعمال العقل .... لو ليك اولاد و همك انهم ما يتعبوش يبقي تاخدهم معاك و يرجعوا علي الجامعه لو انت عايز ..... ولو انت في بلد منفتحه شويه المدام ممكن تشتغل مش عيب ... بس تتعاونوا مع بعض في تربيه الأولاد ... و تعمل لنفسك مبلغ للانفاق وتحوش الباقي ..... ليه ؟؟؟ ولادك لو اتعلموا تعليم راقي هتبقي فرصهم في العمل في وظائف مرموقه افضل ..... بالتالي كبيره 3 او 4 سنين و يكون معاه شقه و عربيه ومتجوز لو عايز , المهم يكونوا من المتفوقين بكده تبقي اطمنت عليهم .... باختصار استثمر في اولادك ... وعين قرشين للطواريء و لا تنس حسن الظن بالله . بالتوفيق .

**mohammedabdallh** · 26-05-2012 09:17 PM

المشاركة الأصلية كتبت بواسطة ghosts

متغرب فى بلد بتتعامل فيها بأحترام , حاسس فيها بأمان , ولادك هيتعلموا تعليم أفضل , دخلك أكيد هيبقى أحسن , مش هتمشى فى الشارع وأنت مخنوق زى كل المصريين دلوقتى ....
صدقنى ناس كتير أوى بتتمنى أنها تسيب البلد و تمشى....
أنت فى نعمة كبيرة مش حاسس بيها ....
مصر دلوقتى بتغرق ....

طب الحق بقى اشترى اسطوانه اكسوجين
قبل الاخوان ما يقلولك الاكسوجين حرام

**Ghosts** · 26-05-2012 11:04 PM

المشاركة الأصلية كتبت بواسطة mohammedabdallh

طب الحق بقى اشترى اسطوانه اكسوجين
قبل الاخوان ما يقلولك الاكسوجين حرام

حرام لية بس يا عم؟؟!!
مادام مفيهوش كحول يبقى حلال حلال حلال ....

**Ghosts** · 27-05-2012 10:14 AM

المشاركة الأصلية كتبت بواسطة ghost11

طبعا مفيش واحد يسيب شغله وينزل يقعد فى البيت مشكلتنا كمصريين بنفكر بعواطفنا عندك اللبنانين والفلسطينين بيسافروا وعمرهم ما بيفكروا ينزلوا بلدهم الا اجازات طبعا يا باشا اللى يشرب من ميه النيل اللى طعمها استغفر الله العظيم لازم يرجعلها تانى تقول ايه بقى بنى ادم فقرى

خلاص يا عم أنزل مصر ....
بس أفتكر أننا قلنا لك بلاش ....

**mohammedabdallh** · 27-05-2012 10:37 AM

طب السؤال الاخير والاكيد ومفيهوش نقاش

عملت لاخرتك ؟؟؟؟؟؟؟؟!!!!!!!!!!!

**Abdm** · 27-05-2012 03:58 PM

ما قل و كفى خير مما كثر و ألهى

قال الشيخ ابن العثيمين في شرح كتاب الرقاق:
يقول بعض الناس يروي حديثاً عن النبي صلى الله عليه وسلم: ( اعمل لدنياك كأنك تعيش أبداً ، واعمل لآخرتك كأنك تموت أبداً )
أولاً: هذا ليس بحديث

ولكن نستفيد من معناة

وثانياً: معناه أن لا تهتم فما لم تحصله اليوم للدنيا فاعمله غداً واعمل لآخرتك كأنك تموت غداً فلا تأخر عمل الآخرة كأنك تموت غداً ، فاعمل عمل اليوم ، أما الدنيا فدعها على التراخي ، وهذا ليس كما يظنه بعض الناس أنه احكم عمل الدنيا ولا تهتم بعمل الآخرة لأن عمل الآخرة لا تظهر ثمرته إلا بعد الموت ، فمعناه أنه ينبغي للإنسان في أمور الدنيا أن لا يهتم بها ما لم يكون اليوم يكون غداً ، فلا تهتم ، أما الآخرة فلا تؤخر عمل اليوم لغدٍ
-----------------------------------------------------------------------------------------------------

نصيحة لك أخى الكريم لو متزوج حاول تعيش مع أهلك وأولادك هناك وعيش حياتك وأستمتع بالحاضر وربى أولادك تحت عنيك وما ترجعش الا وأنت معاك ما يكفى لعمل مشروع هنا أو فى وظيفة أخرى ولكن لا تأتى وأنت لم تكن جاهزا بأحد الآمرين ... وأن لم تكن متزوجا . فتزوج وعش هناك حتى يتحقق المراد ...

والله الموفق والمستعان

**mohdamin18** · 27-05-2012 10:20 PM

و الله الغربة صعبة يا جدعان محدش هيحس بيها غير لما يجرب

**mohdamin18** · 27-05-2012 10:30 PM

بس بصراحة هدفي دلوقتي في خلال 3 سنين اتجوز بنت مسلمة (مسلمة)
انا في بداية حياتي و مش هتجوز واحدة ترهقني مادياً و لحسن الحظ انهم موجودين لكن اتجوز واحدة تقطم وسطي في الجواز و انا لسة في بداية حياتي لية ؟ انا كدا هفضل كارهها طول عمري!!