عملت لبكره ولا لسه ما عملتش

**ghost11** · 24-05-2012 09:24 AM

السلام عليكم ورحمه الله وبركاته

دى اول مشاركه ليه هنا فى المنتدى انا مشترك من فتره بس باقرا مواضيع الاعضاء الشيقة واللى الواحد بيستفيد منها فعلا فقررت انى اخرج عن صمتى وقولت اشارك

الموضوع هو ليه الناس شاغله نفسها بالمستقبل وانا واحد منهم مع ان كتر التفكير فى مستقبل الواحد بيخليه ما يعرفش يستمتع بحاضره يعنى اللى مش معاه فلوس عايز يعمل قرشين يقولك للزمن واللى عمل قرشين يقولك مش كفايه ده الدنيا غاليه ناااار ونلاقى نفسنا العمر بيجرى بينا فى جمع الفلوس والقلق من المستقبل وخصوصا الموضوع بيبقى مؤرق للناس اللى مسافره بره مصر وانا واحد منهم
يا ريت اعرف رايكوا يا رجاله نايل موتورز الشجعان

**Ghosts** · 24-05-2012 09:40 AM

أولآ أحب أنى أرحب بيك معانا فى المنتدى ....
ثانيآ أنا شايف أنة أكيد كلامك صح ....

لكن المشكلة أنة صعب أوى على الأنسان أنة يبطل يفكر فى المستقبل هو طبعآ المستقبل دة فى أيد ربنا لكن بردوا الأنسان غصب عنة بيفكر فية ....

أما بالنسبة لجمع الفلوس فأكيد كل واحد نفسة يأمن مستقبلة ومستقبل ولادة ....
لكن اللى بستغرب لة لية فى ناس مابيملاش عينيها غير التراب؟؟!!

تلاقى الراجل من دول معاة ملايين وبدل ما يستريح و يسمتع بحياتة مع مراتة وأولادة تلاقية بيموت نفسة فى الشغل وفى الصفقات عشان عايز فلوس أكتر وأكتر ....

لية دة كلة؟؟!!
دة الأنسان بيعيش مرة واحدة بس و محدش مننا بياخد معاة حاجة لما يموت ....

**mohammedabdallh** · 24-05-2012 11:25 AM

الى بيفكر فى المستقبل ولا بيعيش الحاضر ولا بيعيش المستقبل
دى النهايه

**mohammedabdallh** · 24-05-2012 06:59 PM

المشاركة الأصلية كتبت بواسطة besso

اللى بيفكر فى المستقبل ومسيطر على تفيركه فعلا مش بيعرف يستمتع بالحاضر
بس ده مايمنعش ان الانسان لازم يكون بيبص لبعيد فى حاجات كتير

ويكون عارف هو عايز ايه

هى دى المعادله الصعبه
بيقى عيش يومك من غير تبذير والى يفيض عينه للمستقبل

**shaddadfalcon1** · 25-05-2012 02:06 AM

من ساعة مااتخرجت وانا بحاول اعمل اي حاجه بس كل حاجه لحد تاني فمعملتش حاجه
من ستنيت ابتديت اعمل ولما عملت حسيت بارتياح وابتديت اعيش وابطل افكر في بكره ودي تقريبا كانت اسعد لحظات حياتي
من شهرين اتبتديت اعمل لبكره تاني ومن ساعتها ابتدي القرف تاني

**Ghosts** · 25-05-2012 05:51 PM

أنا من رأيى أنك تخليك فى قطر ....
أحوال البلد لا تسر عدو ولا حبيب ....

**ghost11** · 26-05-2012 05:46 PM

المشاركة الأصلية كتبت بواسطة ghosts

أنا من رأيى أنك تخليك فى قطر ....
أحوال البلد لا تسر عدو ولا حبيب ....

على فكره انتى كده بتحكم عليا انى اعيش طول عمرى متغرب لان احوال البلد عمرها ما تتصلح وهى من سى الى اسوا

**Ghosts** · 26-05-2012 06:58 PM

المشاركة الأصلية كتبت بواسطة ghost11

على فكره انتى كده بتحكم عليا انى اعيش طول عمرى متغرب لان احوال البلد عمرها ما تتصلح وهى من سى الى اسوا

متغرب فى بلد بتتعامل فيها بأحترام , حاسس فيها بأمان , ولادك هيتعلموا تعليم أفضل , دخلك أكيد هيبقى أحسن , مش هتمشى فى الشارع وأنت مخنوق زى كل المصريين دلوقتى ....
صدقنى ناس كتير أوى بتتمنى أنها تسيب البلد و تمشى....
أنت فى نعمة كبيرة مش حاسس بيها ....
مصر دلوقتى بتغرق ....