عايز أخد رأيكو في حاجه مهمة

**eldeplomasy** · 16-06-2008 03:22 AM

دلوقتي انا سلكت الردياتير كذا مرة بس واضح ان التسليك مش تمام والعربية مازالت المروحة بتشتغل متأخر ومع المكيف الحرارة بتعدي ال100 وده طبعا غلط خصوصا في الحر ده

أنا عايز اخد رأيكو أروح لواحد يسلكوهولي تاني بس يكون واحد شاطر ولا أغيره بردياتير نحاس 3 ماسورة؟؟؟

ثانيا هل في حد تعرفوه بتاع ردياتير كويس ويكون فاهم وشاطر؟؟؟

ثالثا هي هيفرق فعلا لو غيرت الردياتير الموجود دلوقتي 2 ماسورة بواحد 3 ماسورة نحاس ولا هتبقى تكاليف على الفاضي؟؟؟

رابعا هيتكلف في حدود كام الردياتير النحاس ال3 ماسورة؟؟؟

آسف للإطالة عليكم وشكرا جزيلا مسبقا للردود الأخوة الأفاضل

**Ahmed Samy** · 16-06-2008 03:29 AM

دي العربية الــــ BMW 320 ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**eldeplomasy** · 16-06-2008 03:31 AM

لا طبعا انت هتفول فيها من دلوقتي

هههههههههههههههههه

انا بهزر معاك بس هي لا طبعا احنا لسه مستلمنهاش

دي الشاهين طبعا برده

**hazem_khidr** · 16-06-2008 04:26 AM

جرب تحط ميه خضرا و تكون نوع محترم الاول.
ضبط تاكيهات و راجع علي طلمبه الميه و غير الساعه بساعه واطيه
لو ما جابتش نتيجه الحاجات دي كلها غير الردياتير

**eldeplomasy** · 16-06-2008 01:58 PM

بحط ميه زرقاء من شل والساعه في الشركة قالولي متغيرهاش بواحده أقل لان العربية كانت تمام بالساعه الموجوده حاليا والتاكيهات لسه ضابطها من قريب

ما عدا طلمبة الميه كنت عملت موضوع هنا علشان اعرف هي بتبوظ ازاي وأغلب المهندسين قالولي مش بتضعف دي بتبوظ على طول وبتجيب ميه وعندي بهذا الشكل تبقى سليمه يبقى العيب غالبا ردياتير

بس انا محتار اغيره بواحد نحاس 3 ماسورة ولا أسلك؟؟؟

وكمان هل التغيير هيفرق في السخونة ولا هتبقى زي الاول؟؟؟

**eldeplomasy** · 16-06-2008 08:28 PM

طيب يا جماعة طالما الاسئلة صعبه للدرجة دي قولولي أروح لمين يكون كويس وشاطر؟؟؟

**MMamdouh** · 16-06-2008 09:17 PM

what BMW model are we talking about??

MMamdouh

**eldeplomasy** · 16-06-2008 09:30 PM

أنا بتكلم عن الشاهين مش ال320

**eldeplomasy** · 16-06-2008 09:31 PM

ده قكرت فيه بس اللى راكب حاليا بيشتغل عند ال90 لكن في الشركة قالولي متركبش حاجه أقل من كده خصوصا انها كانت كويسه بالثرموستات اللى راكب

وعموما هو كده كده الردياتير ده صغير عليها لكن لو ركبت واحد 3 ماسورة نحاس هيكون أفضل كتير