واخرتها ايه

**Screenplays** · 25-05-2012 02:57 AM

ملحوظه : اعتقد جميع الاخوه الاقباط صوتوا لشفيق .. وكلهم نزلوا صوتوا وعددهم في مصر لا يقل عن 15 مليون

لا معظم اللي اعرفهم انتخبوا حمدين مش شفيق

**mustafavet** · 25-05-2012 11:04 AM

المشاركة الأصلية كتبت بواسطة dreamo

دخول شفيق الانتخابات .. علامة استفهام

عدم تطبيق قانون العزل عليه .. علامة استفهام

استمراره في الحمله الانتخابيه .. وعنجهيته في الحوار واللقاءات وتكبره وتحدثه بطريقه غير ودوده .. علامة استفهام

تقدمه في مؤشرات التصويت بهذا الشكل .. علامة استفهام

حرص اللجنه الانتخابيه على الابراز الزائد عن حدوده بنزاهة الانتخابات .. من اوراق مسريله و وصناديق مسريله
وفرز على عينك يا تاجر .. الخ .. علامة استفهام

حاسس ان في علاقة ربط بين الحجات اللي فاتت دي كلها

وكاني بتفرج على فقرة الساحر على المسرح .. لكن الخدعه فين ؟؟!!

ملحوظه : اعتقد جميع الاخوه الاقباط صوتوا لشفيق .. وكلهم نزلوا صوتوا وعددهم في مصر لا يقل عن 15 مليون .. لكن اللي له حق التصويت منهم مش عارف بقى عددهم كام

مع العلم ان العدد الكلي اللي له حق التصويت في مصر هم 51 مليون تقريباً

الاقباط بيدوروا علي مصلحتهم وللاسف احنا كمسلمين مشتتين بين الليبراليين والاسلاميين والفلول

**mastr_n** · 25-05-2012 11:11 AM

ياجماعة الواقع ان مش كل الناس عندها لاب توب وانترنت وحركات ونسبة الناس الى تعرف حقيقة شفيق دية نسبة بسيطة جدا من الشعب المصرى
انما ابويا وابوك ومعظم اهالينا بيرشحوا شفيق لمجرد انة راجل عسكرى وهايظبط البلد

للاسف حزب الكنبة طلع هوة الكسبان

**lena jo** · 25-05-2012 11:37 AM

المشاركة الأصلية كتبت بواسطة screenplays

ان الله لا يولي حاكم طالح علي شعب صالح و احنا مش صالحين للاسف و بكل صراحه فنستاهل شفيق

+++++++++++1

مصر تريد تغيير الشعب.لكن لازالت النتيجة غير نهائيه.مين عارف.بس اللي هينجح هو الخسران .مش مشكلة اقتصاد ولا امن بس لكن المصيبة الحقيقية في الفساد المتفشي و ضارب من الكبير للصغير في مؤسسات كثييييييييييير يعني لو شيلناهم تقع المؤسسة. و النظام السابق له الفضل في تربية الشعب علي الخوف و انه يكون مستعبد يعتمد علي الحكومة و يستجير بالحاكم المنقذ الفرعون المقدس لحل مشاكله و المنحه يا ريس.....ازاي مالوش دعوه مش ده الريس يعني يعمل كل حاجه. وكمان اتعود علي الفوضي واوضح صورها المرور يعني اللي محدش شايفه يعمل الغلط و هو مرتاح و للاسف ناسي ان الله يراه و الي ليه حق و مشعارف ياخده مضطر ياخذه بالدراع او برده الرشوه و دي متفشيه في معظم المصالح بلاش نقول كلها و المستقيم الكاره للحرام مجبر يدفع ليحصل علي حقه و الا يتوقف حاله. ناس كثير بتستحل الحرام و تستقله وهي مش عارفة و ابسط مثال ورق او اقلام او تصوير ورق خاص و قبل رخص سعر مكالمات الموبيل كان كتير يستعملوا تليفون العمل في مكالمات شخصية و يا ريت مهمه و قصيره لأ تافهة و طويله منها واحده شفتها و سمعتها امامي بتكلم ابنها تعرف صحي البيه و فطر ايه و رغي مالوش لازمه و لا تعرف ان كل دي سرقه مقنعه ستحاسب عليها و لو نصحت حد ممكن يزعل منك. احنا محتاجين كثير حتي نتغير.محتاجين نضع نصب اعيننا قصة الحاكم العادل اللي كان بيتكلم في امور الدوله في ضوء السراج (زي اللمبه الان) ولما اتكلم في حاجه شخصيه اطفأه لانه حق الدوله و اخر كان في ضيافة صديق و لما مات أطفأ السراج لأنه حق الورثة. أنا سمعت القصتين ولا اذكر بالضبط يخصوا مين غالبا واحده تخص عمر بن عبد العزيز و ربما الاخري له او لعمر بن الخطاب او غيرهم مش متذكره .العبره باننا نعتبر و نقتدي بهؤلاء. يعني الشعب محتاج يتربي علي النظام و احترام القوانين و الحلال و الحرام و الاخلاق. ربنا يصلح الحال و يولي الاصلح

**mr_safwt** · 25-05-2012 12:32 PM

بلد زفت ومفيش فايدة اهى يا اخوان يا فلول
الواحد لازم يا اما يهاجر يا اما يشوف عقد عمل فى اى حتة ويخلص من القرف دة

**MASERATI** · 25-05-2012 02:22 PM

السلام عليكم و رحمة الله و بركاته

أنا مش عارف اذا كانت الانتخابات نزيهة و لا لأ, بس اللى أنا حاسس بيه, أن لو شفيق نجح و أنه بقى رئيس جمهورية بناء على ارادة الشعب, أنا هتكسف فعلا أقول أنى مصرى !!!!!!!!!!!!!, لأن ساعتها هيبقى الشعب المصرى, أضحوكة العالم كله, بس أنا واثق من قدرة الله و لطفه ثقة لا نهائية.

**dede_dodo88** · 25-05-2012 03:54 PM

هو ليه الناس بتفترض أن الشعب كله كان مع الثورة أو كان كله ضد النظام السابق ؟!

**rompo10** · 25-05-2012 04:59 PM

حسبي الله ونعم الوكيل في كل واحد ايد شفيق كلهم حراميه وخايفين من الحساب والعقاب وعاوزين البلد تفضل فوضي انا عارف ان كل الناس واقعه في حيره بين الفلول والاخوان وانا منهم بس نعمل ايه اتقوا الله في دماء الشهداء واحسن بلد بجد المنوفيه ربنا يخليهم لينا كل اصواتها تقريبا لشفشق

**mohammedabdallh** · 25-05-2012 05:21 PM

المشاركة الأصلية كتبت بواسطة rompo10

حسبي الله ونعم الوكيل في كل واحد ايد شفيق كلهم حراميه وخايفين من الحساب والعقاب وعاوزين البلد تفضل فوضي انا عارف ان كل الناس واقعه في حيره بين الفلول والاخوان وانا منهم بس نعمل ايه اتقوا الله في دماء الشهداء واحسن بلد بجد المنوفيه ربنا يخليهم لينا كل اصواتها تقريبا لشفشق

دايما المنوفيه عامله مشاكل كدا
على فكره انا منتخبتش شفيق
بس دى حريه
وحريتك نتنهى عند حريه الاخرين
وحريتك لو هتضر غيرك متبقاش حريه
انت شايف انك الى رشحته هو الى هيجى يعدل البلد
وهما شيفين ان المرشح الى انتخبوه هو الى هيعدل البلد
والسلفيين شايفين ان ابو الفتحوح هو الى هيعدل البلد
والاخوان شايففن ان مرسى هو الى هيعدل البلد
,,,ووووو
كل واحد له حريه شخصيه
ولسه فى اعاده
بس مين قالك ان مرسى هو الى هيعدل البلد او صباحى او العوا
ما يمكن حال البلد يبقى اسوء
والاعاده جايه انتخب الى انت عاوزه
بس المشكله اننا كلنا فى مركب واحده وكل واحد عاوز يسوق بمزاجه علشان كدا كلنا هنغرق
وربنا يستر من الايام القادمه
وفى مثل بيقولك الى تخاف منه ميجيش احسن منه
مش معنا كدا انى مع شفيق بس بوضوح صوره الناس شيفاها غلط