مش طايق ودني

**bHa2** · 25-05-2012 08:36 PM

من امبارح الصبح و انا ودني اليمين حاسس فيها من جوا بألم جامد
مسمع ف جنب وشي اليمين كله
عديت ع الصيداليه قولت اضرب اي مسكن لحد ما اروح بالليل يمكن تروق
وقضيت اليوم كله بره
ورجعت همدان و نمت
ويارتني ما نمت
الالم بيذيد واحده واحده وخلاص مش قادر
قمت الصبح بعد الصلاه رحت الصيداليه حكيت الموضوع للدكتور
هتقلولي طب ليه مروحتش مستشفي
هقلكم من صغري و انا بكره المستشفيات و مش بحب اروح لدكاتره
المهم اداني قطره اسمها اوتال
والالم بقي ساعه يروح و ساعه يجي
حدش عنده تفسير؟!

**MASERATI** · 25-05-2012 08:53 PM

السلام عليكم و رحمة الله و بركاته

حسب كلامك, أنت عندك التهاب حاد فى الأذن الوسطى و لو مش هتروح لطبيب أنف و أذن ضرورى, ابدأ العلاج الآتى:

Hibiotic 1 gm
قرص كل 12 ساعة لحد العلبة ماتخلص

Mobic 15 mg amp
حقنة دلوقتى فى العضل و كمان واحدة بعد 12 ساعة و بعد كده كمل بالمسكن ده
Mobic 15 mg tab
قرص كل 12 ساعة

Alphintern tab
قرص كل 12 ساعة لمدة 5 أيام (شريط كفاية)

أنت كان عندك التهاب فى الحلق قريب ؟؟؟, فيه افرازات و لا حاجة بتنزل من ودنك ؟؟؟

بالشفاء العاجل ان شاء الله

**Medo.Malek** · 26-05-2012 03:27 AM

انا لسه خارج من الدور ده من شهرين بس كان ودانى الاتنين ضايعين و دور سخونية شديد و دوخة شديدة برضه
لدرجة انى قعدت فى السرير 24 ساعة متواصل !
كام نصيحة ليك من اخوك ( مع كامل الاحترام لاخى مازيراتى )
لالالالالالالالالازم تروح لدكتور يكشف عليك عشان تاخد العلاج المناسب لمدى سوء الحالة ( ان شاء الله بسيطة شفاك الله و عافاك )
تجنب نهائى دخول الماء الاذن المصابة حتى انتهاء العلاج
ممكن تلف كوفيه او حاجة على ودنك عشان تثبتها لو تحب
شفاك الله شفاءا عاجلا

**bHa2** · 26-05-2012 01:56 PM

د/مازيراتي
واضح ان الموضوع كبير
انا هنزل ل طبيب النهارده ان شاء الله وربنا يستر
بس انا مش حاسس بدوخه ولا في افرازات ولا كان في الم ف الحلق
بس هو مأثر علي المفصل اللي بين الفك العلوي و السفلي اللي ناحيه الاذن اليمني
---
استاذ ميدو
ربنا يستر الواحد داخل ع امتحانات
----
جزاكم الله خير يا جماعه :)

**MASERATI** · 26-05-2012 05:43 PM

المشاركة الأصلية كتبت بواسطة bha2

د/مازيراتي
واضح ان الموضوع كبير
انا هنزل ل طبيب النهارده ان شاء الله وربنا يستر
بس انا مش حاسس بدوخه ولا في افرازات ولا كان في الم ف الحلق
بس هو مأثر علي المفصل اللي بين الفك العلوي و السفلي اللي ناحيه الاذن اليمني
---
استاذ ميدو
ربنا يستر الواحد داخل ع امتحانات
----
جزاكم الله خير يا جماعه :)

السلام عليكم و رحمة الله و بركاته

طاب الحمد لله, ده شئ كويس, انا كنت بسأل لو كان جالك قبلها الأعراض دى, بس أدام مفيش يبقى الحمد لله.

لازم تروح لأى طبيب أنف و أذن و حنجرة و ربنا هو الشافى.

**bHa2** · 26-05-2012 06:24 PM

المشاركة الأصلية كتبت بواسطة maserati

السلام عليكم و رحمة الله و بركاته

طاب الحمد لله, ده شئ كويس, انا كنت بسأل لو كان جالك قبلها الأعراض دى, بس أدام مفيش يبقى الحمد لله.

لازم تروح لأى طبيب أنف و أذن و حنجرة و ربنا هو الشافى.

ربنا يكرمك يا دكتور ع المتابعه :)
انا شويه و نازل ان شاء الله

**bHa2** · 26-05-2012 09:06 PM

لسه راجع من شويه
الحمد لله طلعت حاجه بسيطه
هو جاب شفاط افتكرته هيعمل زي افلام الرعب و يشفط مخي ^^
"بخاف انا من الدكاتره اوي :d"
المهم طلعت فطريات واداني مضاد حيوي 1 جم
و دوا للجيوب الانفيه
وقطره للفطريات و قالي تعالي كمان اسبوع
دلوقتي بس الوجع ف مفصل فكي اليمين بس دا اعتقد بسبب الضغط علي عصب من الاعصاب اللي ف المكان دا
لاني النهارده ودني اليمين قدره السمع فيها اعتقد نزلت ل 25% ودا زود قلقي اكتر
بس الحمد لله
شكراً يا دكتور مازيراتي
وشكراً يا استاذ ميدو

**MASERATI** · 26-05-2012 11:23 PM

السلام عليكم و رحمة الله و بركاته

ألف حمدالله عالسلامة و ان شاء الله تكون بسيطة و ربنا ييسر ألأحوال.

**Medo.Malek** · 27-05-2012 01:20 AM

الف سلامة عليك و ان شاء الله شفاء عاجلا :)
اهتم بالعلاج و ان شاء الله كل حاجة هاتتحسن

**هيثم المنياوى** · 27-05-2012 01:59 AM

مليوووووووووووووووووووووو وون ألف سلامه
شفاك الله شفاءً تاماً لايغار سقماً

الموضوع: مش طايق ودني

LinkBack

أدوات الموضوع

عرض

-

-

-

-

المواضيع المتشابهه

مخنوق ،زهقت ، مش طايق البلد ولا الناس ولا حتى نفسك ....

مابقتش طايق البيت

مش طايق رجلي الشمال :(

فى حد زيي ولا كدا انا مش طايق نفسي

انا خلاص مش طايق السواقه من الاغبيياء....

الكلمات الدلالية لهذا الموضوع

المفضلات

المفضلات

ضوابط المشاركة