الموضوع: مشكلة في الفتيس - ابيزا 99

الحمد لله الصوت قل كتير عن الأول

والحمد لله بفضل الله دة كان بسبب مطب غبي اخر حاجة
وعسي ان تكرهوا شيئاً وهو خير لكم

حصل اني كنت في مشوار مع الحاج والحاجة ودخلت شارع فيه حفر من احد الجانبين
فمشيت في الجانب التاني من الشارع
وكان في عربية راكنة في نفس الصف بتاع الحفر
حبيت افاديها وابعد عنها
ماخدتش بالي من وجود مطب (علي شكل رصيف) واحد عامله امام محله
ولأني خدت المطب او الرصيف علي سرعة 30 تقريباً
الجنط اتعوج والعجلتين اليمين ريحوا في الأرض

جبت بتاع كاوتش وحلينا فردة وروحنا صلحناها (عدلنا الجنط ومليناها هوا)
ورجعنا عملنا نفس القصة في التانية

وبعد شوية عطلة وتعب وشيل وحط

اكتشفت ان الأصوات بتاعة الفتيس قلت بشكل ملحوظ
بقت بس موجودة لو قرصت جامد في ملفات او طالع مطب عالي او نزلت في حفرة غويطة شوية

والحمد لله علي كل حال