السلام عليكم ,,منورنا ديما يا ريس ,,, ايه اخبار الاسعار ؟
عرض للطباعة
موضوع البنزين بيعتمد بشكل اساسي على الcompression ratio للمحرك ,, يعني المحركات اللي الC/R بتاعها فوق 1:11.5 لازم لها بنزين 98 او 95 على الاقل ,, زي محركات الFSI بتاعة فولكس مثلا كان الC/R بتاعها 1:12 فلازم اقل حاجة 95 ,,, نيجي للمهم بي ام دبليو 328I الجديدة محرك 2000 سي سي تربو لكن نسبة الانضغاط 1:10 ,, اذن يمكن ان يعمل ب 91 او 92 اوكتين عادي ,,لكن الengine management software بيعطي اعلى اداء مع بنزين عالي الاوكتين زي ال95 ,,,لكن لما تحط 92 كل اللي حيحصل ان الاداء حيقل بدرجة بسيطة نتيجة تعامل الengine management software مع متغيرات عملية الاحتراق لتتكيف مع الاوكتين الاقل بدون ادنى ضرر ميكانيكي على المحرك
الكلام سليم جداً .. لكن في حالة ال natural aspirated engine أو الموتور إلي بيسحب هواء لوحده ، يعني بدون تربو لأن في حالة عدم وجود تربو إلي بيضغط الهواء داخل غرفة إلاحتراق هو حجم الموتور نفسه (وهي دي نسبة الانضغاط ) ، لكن في حالة وجود التربو فيه ضغط داخلي بتاع نسبة الانضغاط وضغط خارجي من الكومبرسور بتاع التربو ، و بالتالي الانضغاط الفعلي بيبقى أعلى من نسبة إنضغاط المحرك المكتوبة،
بالعكس كمان دة في العربيات التربو المصنع بيقلل نسبة الانضغاط الداخلي عشان يسمح للكومبرسور يضغط بنسبة أكبر بأمان ، وعشان كدة كل العربيات التربو هتلاقيها نسبة انضغاطها قليلة (ما بين 8 و-10 ) ، دة مش معناه إن البنزين يبقى 80 أو 90 عشان إنضغاط قليل ، دة معناه إن فيه حاجة خارجية بتضغط يبقى بنزين أكتين أعلى عشان يستحمل الضغط دة بدون تسقيف !
في الحالة دي لازم نرجع لرقم الأكتين اللي المصنع بيحدده في الكتالوج ، لأنه مصمم التربو عليه ، ماينفعش هنا الحكم بنسبة الانضغاط فقط .
تحياتي
كلامك سليم من حيث السياسة ، لازم تجميع محلي لأي موتور أكبر من 1600 ، وفي ال-F30 كمان داخل فيها نقطة تانية ، إن هما أصلاً لحد دلوقتي منزلوش ال-316i أصلاً يبقى أكيد مش هتنزل مصر دلوقتي .
هما ابتدوا ب 320i و-328i و-320d ، ودول موجودين برة مصر من أول السنة ، و مؤخراً دخل ال-318i في شهر ابريل ، لكن ال-316i مش هيدخل إنتاج قبل أكتوبر 2012 وبالتالي مش هينزل خارج مصر قبل التاريخ دة ، وغالباً الانتاج في مصر بيكون بعد ألمانية ب-6 شهور .
يبقى حالياً في مصر هينزل مفروض 320 و-328 في شهر سبتمبر / أكتوبر و-316i مش قبل مارس /ابريل 2013
تحياتي ليك يا باشا ,, و شكرا للأيضاح ,لكن احب اوضح حاجه : هي ان الانضغاط الفعلي في المحركات التربو هو الرقم المكتوب مش اعلى, هو الفرق ان الخليط اللي داخله من هواء مضغوط و بنزين يتم حقنه very rich mix فنسبة الانضغاط بتكون قليلة عشان ميحصلش pre-ignition تسقيف للخليط الفظيع ده ,,لكن يبقى تعريف نسبة الانغاط ثابت و هو لحجم الاسطونة في شوط الضغط على حجمها في شوط السحب. اذن فال1:10 هي ال1:10 لأن الخليط الضعوط مش حيستحمل اكتر و حيسقف
و ديه البنزين المكتوب في التالوج بتاع الF30 , و هو 89 AKI و ده يكافئ 92-93 RON اللي عندنا في مصر
http://img109.imageshack.us/img109/7218/f30fuel.jpg
Uploaded with ImageShack.us
الرقم إلي بيكون مكتوب في الكتالوج عن نسبة الإنضغاط هو رقم ال-compression ratio، ودي مش مختلفين عليها (إلي هو النسبة ما بين حجم الإسطوانة وهي في كامل حجمها إلى حجمها لما تنضغط ) ، ودي مش بتتغير ، لكن التربو بيضغط الهوا داخل الحجم دة ويخليها تاخد هواء أكتر في نفس الحجم ، ودة بيرفع الأداء والكفاءة ، بس في المقابل نتيجة الضغط الزيادة دة ممكن يحصل تسقيف أو غيره ، وبالتالي الفيصل في نوع البنزين مش ال-compression ration أو نسبة الانضغاط ولكن نسبة الانضغاط مع مواصفات ضغط التربو .
ودي ملهاش قاعدة مباشرة ذي الموتور العادي ، يعني على سبيل المثال في العادي بتقول أي موتور نسبة إنضغاطه أقل من 10.5 مثلاً يستعمل بنزين 90 ، الكلام دة مش وارد في التربو ، لازم تقول الموتور إلي نسبة إنضغاطه أقل من 10 مثلاً مع ضغط تربو 3 بار مع تحديد باقي العوامل عشان تحدد نوع البنزين ، ماينفعش نسبة الانضغاط لوحدها . اتمنى أكون عرفت أوضح ببساطة ؟
بالنسبة للمثال إلي حضرتك مستخدمه أنا مش فاهم تقصد إيه ؟ البنزين مش بيتحدد للعربية ، البنزين بيتحدد للموتور ، يعني مفيش حاجة اسمها باسات تاخد بنزين كذا أو F30 تاخد بنزين كذا ، إلي بيحدد هو الموتور ، يعن موتور ال-1.4 TSI في الباسات ياخد بنزين كذا ، موتور 1.6 FSI في الباسات ياخد بنزين كذا وموتور MPI 1.6 في الباسات ياخد بنزين كذا ، كذلك ال-F30 ، حضرتك تقصد أي موتور بياخد ال-92 ؟؟ أعتقد بتتكلم على مواتير NA وليست تربو .
هشام باشا ..
حضرتك تقصد انها ما نزتلتش لحد دلوقتي مواتير NA على أساس انها لم تدخل خط الانتاج، عشان إلي نزل لحد دلوقتي هو ال-320i وال-328i وال-335i ، لكن لسة باقي المواتير لم تطرح بعد ولم تنتج ومش كل الانتاج هيكون twinpower turbo (لسة فاضل ال-316i وال-318i وال-323 أو 325i وال-330i ) لم يحدد بعد مين فيهم هينتج ومين لأ ومين فيهم هيكون turbo ومين NA دة على حسب خطة الشركة ، المؤكد إن ال-316i هينزل turbo ال-136 حصان
يا باشا احنا متفقين تماما و اخوك الصغير مهندس ميكانيكا باور فمقتنع تماما بكلامك واحييك بس الواحد لما بيحب يوضح حاجة الكلام مش بيكون مساعد فمش بنفهم قصد بعض,,,انا قصدي بالمثال بتاع الF30 مش ان البنزين للعربية اكيد (انت تعرف عني كده برده :) ) اديت المثال عشان اجمع بين المواتير بتوعها ال 328 و ال335 لأن الكتالوج اللي انا واخد منه الرقم 89 AKI ده كتالوح للسيارتين , لكن لما اديت مثال في البوست اللي قبله كان على ال FSI مثلا . :10D5C8w1107: