الموضوع: ضغط عجل نيسان صنى

المشاركة الأصلية كتبت بواسطة FBIAhmed

الي مكتوب على جنب التابلوه اول ما تفتح باب السواق كام ؟؟ هو ده الصح و بتهيالي خليك في الوسط 32 امامي - 29 خلفي

المشاركة الأصلية كتبت بواسطة Ahmed.TV

الصقور موجودة .. بس احيانا بعض الموضوعات المكررة قتل ردا فيها .. فممكن الناس بتكسل معلش فى الرد .. وده غصب عنهم
بس عامة كل الموضوعات دى موجودة فى موضوع الفهرس او نيسان نايل العام المثبت فى اعلى القسم .. وماليانة موضوعات كتير لو حضرتك قراتها حتفيدك فى حاجات كتير جدا

موضوع ان التوكيل عملك المقاس كدا .. لان بيحاول يعملك حالة وسط عشان متجيش تشتكى من العومان او دب فى العفشة

لان الموديلات الحديثة فى الجنب ..عند القايم مكتوب 36/33 .. وده بيخلى العربية مش ثابتة على السرعات االعالية واذا كنت مش بتجرى يبقا مش حتحس بيه ..
وكمان فى المطبات حتحس بدب

وعشان كدا بيققلوه .. وبيخلوه 30 او على النظام القديم 32/29

بس طبعا ضغط 36/33 حتحس معاه بخفية فى الدريكسيون الى حدا ما عن الضغط القديم

فشوف ايه الانسب ليه واعمله .. لكن سواء ده او ده .. اطمن مش بيعمل مشكلة فى العربية

وان شاء الله متكنش دى اول واخر مشاركة وتنورنا دايما فى قسم نيسان .. واهلا بيك بين اخواتك
تحياتى

المشاركة الأصلية كتبت بواسطة Land_Cruiser

اضبط الكاوتش على حسب المكتوب على قائم العربيه من ناحيه السائق و هى اما 36 قدام و 33 ورا او 32 قدام و 29 وراء و على فكره المقاسين شغالين بس كل واحد لى ميزه و عيب

- ال 36/33 هيخللى العربيه تجرى معاك جامد و ده يبقى احسن فى استهلاك البنزين لكن الفرامل ممكن تحس انها ما بتكلبش العربيه و ممكن تزحف و كمان بيخللى العفشه ناشفه قوى و هتحس بالهبد

- ال 32/29 بيخللى العفشه انعم شويه من المقاس التانى و كمان بيخللى الفرامل تكلبش العربيه

و نصيحه حط نيتروجين بدل الهواء

المشاركة الأصلية كتبت بواسطة Sehsss

أهم حاجة النيتروجين وأفضل ضغط خاصة في الصيف (32 أمامي و29 خلفي)