الموضوع: عملت تست دريف للسيات ليون ... وده انطباعي ...

الموضوع محتاج اعادة تنسيق ياريت

هى الكيبورد فرعونى :)

ياريت تبعت للأداره تنسق الموضوع

عملت اختبارقيادة )تستدريف) لسيات ليون وده انطباعي .

فيالبدايه بعت من الموقع بتاع سيات مصر إن عايزأعمل تست دريف .... فكلموني بعدها بيوم تقريبا علشان نحجزميعاد …اللي كلمني الأستاذ أسامة ناشدمدير فرع غمره. رحت في الميعاد كان يوم السبت الساعة 4 العصر.استقبلني في مكتبه وهوشخص محترم جدا ,وطبعا مضيت على شوية ورق علشان لوحصل حاجة للعربية أثناء التست دريف تبقى مسئوليتي .

بدأنا التست …..ركبنا العربية و شغلنا التكيف على طول لإن الجو كان حر ….التكيف اوتوماتيك و ممكن تظبط درجة الحرارة للسائق وأخرى للراكب…الجيربوكس طبعا DSG وطلعن االاول على normal مش el-sport وطبعاقافلين الإزاز كله ….العزل ممتاز فعلا ... مع التكييف الاوتوماتيك الجو كان ظريف جدا و إنت سايق …..على normal mode بيبقى السحب كويس بس كده كده el-DSG بيريح الموتورخالص وبيخلي عدد لفات الموتور متعديش 2000 rpm وده طبعا بيوفر في استهلاك البنزين

كمبيوترالرحلات مليان اختيارات وبيحسبلك كذا حاجة مفيدة زي البنزين المتبقي …وتقطع بيه مسافة قد إيه …وعملت كام KM من آخر reset وهكذا و بتتحكم فيه من الدراعات بسهوله …فيها كمان بلوتوث توصلهم عالموبيل علشان ترد وإنت سايق وكمان ممكن تشوف .......s اللي على الموبيل على الشاشة اللي قدامك وتطلب الرقم اللي إنت عايزه ... بصراحة الموضوع ده ناس كتير بتشوفه رفاهية زيادة ملهاش لازمة …بس أنا علشان بتكلم كتير و أنا سايق فـالبلوتوث بالنسبالي مهم جدا

شغلناالراديو ..صوته كويس مع 6 سماعات وفيه MP3 we-AUX we-iPOD يعني فيه كل حاجة إنت عايزها

العربية فيها عوامل أمان كتيرة …6 airbag ونظامABSو EBDو ESPكمان ... اللي مش عارفESP …هوبإختصار Electronic Stability Program اللي بيشوف اتزان العربية ككل ويظبط فرامل وحركة كل عجلة لما يحس إن العربية هتعوم علشان يحافظ على الاتزان …استاذ أسامة قال لي إن في واحد كان بيعمل تست دريف وكان سايق على 150KM على الدائري وراح جاب الدركسيون جامد يمين والعربية ولا الهوا ولا عوميت و لا حاجه ... أنا بصراحه خفت أعمل كده

عجلة القيادة ملمسها جلد و ظريف …وفيها multifunction للكاسيت و البلوتوث

نخش بقى على موتور …موتور VW اللي موجود في الجيتا (القديمة) ... 1600CC و 150نيوتن مترعند 3800rpm .. علشان كده سحبها مش وحش …لماجبت el-sport الموضوع طبعا اختلف خالص …el-RPM تلاقيه عند 3000 فما فوق طول ماإنت حارق ودايس بنزين والسحب بقى لذيذ و جامد ... بس اللي معجبنيش إن كل ماتدوس جامد وعايز تجري يعني كنت بأحس إنها بتنط مرة واحدة..يعني حسيت إن فيه تأخير شوية بتاع ثانيه كده …أناعارف أنتم بتقوله إيه دلوقتي )يعني هم الثانية هيعملوا الفرق ده ( !بس أنا حساس شوية للمواضيع ده

فيها peddal shifters في الدركسيون جامدين جدا لما تعمل steptronic واللي عجبني كمان إنك ممكن تستخدمهم في أي وقت …يعني مش لازم تكون جايب الجير بوكس على el-steptronic …انما ممكن وإنت على normal تشغل el-peddal shifters علشان تنقل فوق أو تحت حتى و إنت على D وده لازمته لوعايز تسقط نقلة مرة واحدة علشان تعدي عربية قدامك أو تفادي حد ... أوكبرت في دماغك وقررت تجري ورا واحد مثلا

أنا طلعت بالعربية لحد محور الشهيد وجبت لحد 130KM والثبات جامد جامد ... مجبتش أكتر من كده ... بصراحة الأستاذ أسامة سابني براحتي خالص …لا قاللي روح يمين و لا شمال …هوقال لي اعمل اللي إنت عايزه …وأنا كنت باشد جامد على Sport علشان اشوف أداؤه إيه وبصرحة جميل جدا ماعدا موضوع الثانيه تأخير

العربية مريحة في الجلوس …شنطتها مش كبيرة قوي بس تكفي الحاجات الطبيعية …قصدي تشيلش شنطتين كبار تقريبا .. فيه sun roof يفتح ويقفل بالكهربا مش يدوي .... أماكن تخزين كتير و سهلة الوصول

فيها برده كروز كنترول ومحدد سرعة بس ماجربتهمش ..عايزين طريق مفتوح

سعرالعربية168ألف جنيه …من وجهة نظري سعر مناسب جدا لكل الإمكانيات ديه والأداء الكويس ده …والتقفيل والخامات ممتازة ... هي تقفيل اسباني طبعا ... أنا اعطيها 8 من 10 من حيث قيمة مقابل سعر…العربية ده مظلومة في بلدنا للأسف

ده تليفون الأستاذ أسامة ناشد اللي يحب يكلمه 01273302086

أعذروني لو كلامي مش مظبط شوية لأني بأستعمل مايكروسوفتMaren واتمنا يكون التقرير عاجبكم و مفيد لكم إن شاء الله

معلش ياشباب أنا اسف ..... أنا ظابط الموضوع تاني أهو وبعته ... يا ريت تقوللي رأيكم إيه

تقرير جميل تسلم ايدك يا فندم. هى للاسف السيات من العربيات المظلومه فى السوق عندنا رغم ان فيها جميع الكماليات الحديثة ووسائل الامان وده يمكن يرجع لقلق الناس من فتيس ال dsg و كمان التوكيل مش قد كده او مش عاملها دعايه كفايه

ألف شكر يا فندم

بس مقولتش أيه أخبار العفشه ؟

أنا بفكر فيها بس مقلق من الفتيس ال dsg خصوصاً أن معظم تحركاتى زحمه

ده غير ان سعرها نط من 155 ألف الى 168 ألف ده ليه ده !!

المشاركة الأصلية كتبت بواسطة Land_Cruiser

تقرير جميل تسلم ايدك يا فندم. هى للاسف السيات من العربيات المظلومه فى السوق عندنا رغم ان فيها جميع الكماليات الحديثة ووسائل الامان وده يمكن يرجع لقلق الناس من فتيس ال dsg و كمان التوكيل مش قد كده او مش عاملها دعايه كفايه

طبعا السيات من العربيات المظلومة في بلدنا ... لما تلاقي إليون فيها كل ده والتويوتا كورولا واللانسر شارك بتبيع كل ده ومفيهاش نفس امكانيات ... يبقى ليون مظلومة فعلا ... بس عندك حق في موضوع التوكيل وقلة الإعلانات والدعاية وأنا فعلا قلتلهم كده ..... هم ابتدوا يحسنوا شوية من حيث إعلانات وأخبار على الفسيبوك وبيبعته رسايل على الموبيل لكل مايعملوا عروض جديدة وكده ... يعني بيحولوا بس لسة مش كيفية من وجهة نظري

المشاركة الأصلية كتبت بواسطة Hesham Hamza

ألف شكر يا فندم

بس مقولتش أيه أخبار العفشه ؟

أنا بفكر فيها بس مقلق من الفتيس ال dsg خصوصاً أن معظم تحركاتى زحمه

ده غير ان سعرها نط من 155 ألف الى 168 ألف ده ليه ده !!

العفشة كويسة ومريحة على فكرة .... وكمان كنت قاصد آخد مطب عالي علشان الليون واطية شوية ... وعديت عليه عادي جدا .. يمكن لو العربية محمله شوية كانت فرقت

موضوع DSG ده مهم جدا وكويس إنك سألت .... أنا فعلا سمعت كتير عن مشاكل el-DSG وكنت فعلا خايف منها ... وسألت وأنا في معرض فورملا الاهرام اللي فات عن الموضوع ده ... في واحد من من SMG قال لي إن فعلا كان في مشاكل في الجير بوكس لحد موديل 2008 - 2009 وكانت مشكلة سوفت وير واتظبطت بعد كده ورحت سألت بتوع VW برده واللي نفس الكلام ... وعلشان أتأكد أكتر أنا حمايا معاه Jitta موديل 2010 وبالتجربة مفيش أي مشكلة في الجير بوكس لحد دلوقتي ... أنا شايف إن احنا أول لما نسمع مشكلة في عربية تنتشر بسرعة وبيبقى ماحدش فاهم حاجة ومش متابع المشكلة إلا القليل