الموضوع: ديهاتسو تيريوس او رينو داستر؟؟؟؟؟؟؟؟؟؟؟؟؟

المشاركة الأصلية كتبت بواسطة formulator

أنا شايف المقارنة محسومة للداستر،
- موتور رينو ميجانii، معروف (وعلى فكرة كـ محرك هو أجمد حتى من موتور الفلوينس الجديد- كـ باور.. الجديد de-tuned عشان انبعاثات العادم)..
- فتيس 6-سرعات مانيوال، وده برضه جاى من رينو.. وكان بينزل على موديلات الـrs
- شاسيه وعفشة نيسان، ومش محتاج اتكلم على nissan فـ انظمة الـawd ولو محدودة..؟!!
كفاية زرار الـlock ده (2wd، auto أو full-lock) دى حاجة بتنزل فـ عربيات أكبر وأغلى..!!
فـ المقابل.. الصراحة التيريوس عربية أقل بكتيييييييييير
موتور جيد (بس لما يركب على عربية صغننة زى السيريون، لكن على شبه mini suv صعب أوى)،
فتيس قديم فحت 4-أوتو،
وشاسيه سىء، ثبات ضعيف أوى.. وعفشة ناشفة.
(أنا شايفها كلها على بعض عربية مسخرة).. هههههههههههه
مش هقول أكثر من: إنزل تحت العربيتين، وبص عـ العفشة..؟؟!!!

بالتوفيق فـ الإختيار isa،

صديقى العزيز دائما وابدا ردودك في المنتدى عملية جدا ومفيهاش انطباعات شخصية باختصار بالورقة القلم زي ما بيتقال
كل الشكر لك لانى واحد من الناس اللى استفدت منك شخصيا في كذا موضوع قرأت مشاركات فيه
ده غير ان رأيك فى الداستر في مقارنة كانت في القسم هنا برضه بينها وبين الكارينز كان السبب الرئيسى في انى اشتريها وبمنتهى الامانة ماندمتش
بالنسبة لصاحب الموضوع بجد وعن تجربه الداستر عربية فيها كل اللى ممكن تعوزه من اداء لعفشة لثبات ( انا لسة من كام يوم حاطط صورة للعداد وانا على طريق اسكندرية الصحراوى وكنت ماشي 170 كلم وباخد عرز من العربيات النقل وكانت صخرة على الارض طبعا الكلام ده لو كان بالتيريوس كان زماني مش موجود علشان ارد عليك دلوقت )
بس للامانة لو شكل التابلوه مهم اوى بالنسبة لك وده معيار اختيارك للعربية يبقى بلاش منها لانها مش هاتعجبك