الموضوع: تغيير مساحات الزجاج

المشاركة الأصلية كتبت بواسطة omarkhaled55

ممكن اعرف مكان سبير كار بالتفصيل ازاى اروحو من الدقى ؟؟؟؟

حضرتك تمشي من كوبري أكتوبر , وبعدين تنزل نزلة غمرة وتمشي لغاية ميدان العباسية وتطلع الكوبري وتنزل تمشي علي طول كأنك رايح الاوتوستراد وقبل الأخر تعمل يو تيرن شمال وترجع بعد أول شارع يمين ( اللي يوديك ارض المعارض ) هتلاقية علي يمينك.

المشاركة الأصلية كتبت بواسطة dandashx

الحمد لله رحت سبير كار في امتداد رمسيس، قلتله عايز مساحات جديدة، قام قاللي عندي مساحات رابر، وهو نوع واحد اللي عندي بس أنضف حاجة، قلتله عالبركة.
قام بعت معايا حد من اللي شغالين في المحل، راح فك المساحات القديمة من العربية ورجعنا المحل، جاب مساحتين اتنين بمقاسات مختلفة عن الأصلي، الشمال أطول بدرجتين، واليمين أطول بدرجة. قلتله ليه، قاللي جرب ولو معجبتكش هاركبلك الاصغر.
راح العامل وركبهملي، وفعلا طلعوا مضبوطين بالشعرة، وأحسن من القدام. ولما بيشتغلوا بيغطوا الإزاز كله من أقصاه لأقصاه، وكمان شكلهم شيك جداً.
رجعت للمحل عشان أحاسب،
كم ياعم حسابك للمساحتين؟ عشرين جنيه.
بالتركيب؟ أيوة.
طب الواد اللي جه معايا وفك وركب أراضيه بحاجة؟ لا يا فندم كده خلاص

سلام عليكم .. سلام عليكم

شكراً لنقل التجربة , ولو سمحت عندي سؤال هو غير الريشة بتاعة المساحة فقط صح ولا انا مش فاهم , لاني ناوي اشتري مساحات وحضرتك كدة أفدتني اجيب اية , شكراً.

المشاركة الأصلية كتبت بواسطة ahmed sharaf

شكراً لنقل التجربة , ولو سمحت عندي سؤال هو غير الريشة بتاعة المساحة فقط صح ولا انا مش فاهم , لاني ناوي اشتري مساحات وحضرتك كدة أفدتني اجيب اية , شكراً.

ايوة الريشة بس، وبالتوفيق