الموضوع: عضو جديد في نادي الكليو - تضبيط عربية كليو 2003 مستعملة

1- إسأل صاحب العربيه أخر مره غير السيور والفلاتر والبوجيهات والزيت و نوعه وباقي أد أيه علي تغييره إمتي لإن كل حاجه ليها ميعاد
2- في أي بنزينه مفيش مشكله بس متغسلشي الموتور سيبه بحالته
3- أي واحد بوهيجي ممكن يعملهولك ورأيي سيبه زي ما هو لإنك بعد كده هتلاقي حاجات زي ديه تبقي تجمعها وتعملها
4-قولنا عنوانك ونحاول ندلك علي أقرب واحد ليك يكون محترم في تعاملاته
5- مساحات الإزاز بتبوظ بسرعه ممكن تشتري 2 من التوفيقيه ب15 جنيه وتريح بالك كل سنه في الشتا تراجعهم ولو عايزين يتغيروا غيرهم وخلاص لإن الأصلي تقريباً ب 80 جنيه حرام
6- عند كهربائي فاهم بس رأيي سيبها كده بلاش لعب في كهربة العربيه
7- أكشف علي المياه والزيت والكاوتش كويس وبعدين توكل علي الله ربنا يستر طريقك
8- حسب حالة العربيه بس ممكن تعمل 300 كيلو متر في الصفيحه ( 20 لتر) وحاول دايماً يكون الخط الأحمر بتاعك علامة الربع
ومتنساش أول لما تحط المفتاح في الكونتاكت إنتظر حوالي 30 ثانيه لحد ما تطفي كل الأنوار اللي قصادك وصوت طلمبة البنزين يقف وبعدين تدور علشان ده عباره عن تشيك سريع علي الحساسات
وأي إستفسار أخر إحنا هنا في خدمة كل الأعضاء وربنا يباركلك فيها ويديك خيرها ويكفيك شرها

المشاركة الأصلية كتبت بواسطة albasha

1- إسأل صاحب العربيه أخر مره غير السيور والفلاتر والبوجيهات والزيت و نوعه وباقي أد أيه علي تغييره إمتي لإن كل حاجه ليها ميعاد
2- في أي بنزينه مفيش مشكله بس متغسلشي الموتور سيبه بحالته
3- أي واحد بوهيجي ممكن يعملهولك ورأيي سيبه زي ما هو لإنك بعد كده هتلاقي حاجات زي ديه تبقي تجمعها وتعملها
4-قولنا عنوانك ونحاول ندلك علي أقرب واحد ليك يكون محترم في تعاملاته
5- مساحات الإزاز بتبوظ بسرعه ممكن تشتري 2 من التوفيقيه ب15 جنيه وتريح بالك كل سنه في الشتا تراجعهم ولو عايزين يتغيروا غيرهم وخلاص لإن الأصلي تقريباً ب 80 جنيه حرام
6- عند كهربائي فاهم بس رأيي سيبها كده بلاش لعب في كهربة العربيه
7- أكشف علي المياه والزيت والكاوتش كويس وبعدين توكل علي الله ربنا يستر طريقك
8- حسب حالة العربيه بس ممكن تعمل 300 كيلو متر في الصفيحه ( 20 لتر) وحاول دايماً يكون الخط الأحمر بتاعك علامة الربع
ومتنساش أول لما تحط المفتاح في الكونتاكت إنتظر حوالي 30 ثانيه لحد ما تطفي كل الأنوار اللي قصادك وصوت طلمبة البنزين يقف وبعدين تدور علشان ده عباره عن تشيك سريع علي الحساسات
وأي إستفسار أخر إحنا هنا في خدمة كل الأعضاء وربنا يباركلك فيها ويديك خيرها ويكفيك شرها

+1111111111
تانك البنزين 50 لتر
هى العربيه ماشيه كام واتاكد اخر صيانه اتعملت كانت ايه

1- تمام كده لحد ما تعرف أخبار التغيير اللي قبلك ايه
4- جسر السويس موجود فرنش موتورز ناس محترمين بس ما تعاملتش معاهم وفي ناس هنا بتشكر فيهم
7- الزيت هتفتح الكبوت هتلاقي زي ماسوره طويله قصادك علي اليمين هترفعها لفوق وتمسحها وبعدين ترجعها مكانها وتشوف الزيت بين العلامتين الموجودين ولا لأ مهم تكون العربيه مش دايره ولو هتعمل كده بعد ما تكون راجع من مشوار إستني من 3 ل 5 دقايق وبعدين شوف مستوي الزيت

إجابات الأسئله الجانبيه
1- زود الميه لحد علامة الماكس علشان ما تنساش وتلاقي المياه نقصت وانت مشغول علي العموم ممكن تشتري مياه خضراء موبيل أو في مياه سعودي بتتباع في السوق
3- لازم يكون معاك جركن مياه خضرا علشان لو إحتجت تزود في أي وقت
4و5و6 لسه محتاج تقدر المسافه اللي ترفع فيها رجلك من علي الدبرياج علشان تظبط معاك وديه هتيجي مع الوقت وحاول تجرب تطلع كتير لوحدك في مكان فاضي حتي علشان تتعود

المشاركة الأصلية كتبت بواسطة dandashx

1- صاحب العربية مش عارف أوصله، لإنها اتباعت من واحد لواحد ثم ليا، والواحد اللي قبلي مقعدتش معاه شهرين عشان اتزنق في فلوس جواز، بس عموما هحاول اوصله. العربية عاملة 85 ألف دلوقتي، بافكر أعملها صيانة ال 80 كإن صاحبها معملهاش، يعني زيت، فلتر زيت، فلتر هواء، بوجيهات، ولما توصل 90 ألف كيلو هعملها صيانة ال 90، يعني زيت، فلتر زيت، فلتر بنزين. والكلام ده مؤقت لحد ماشوف موضوع السيور ده مع صاحب العربية أو أكشف على حالتهم برة. (لو ليك أي تعليقات حابب أستفيد منها)
2- زي الفل. كده موضوع الغسيل اتحل.
3- تمام هحاول أنضف اللي ممكن يتنضف، واللي مش هيطلع بسهولة هاخليه لحد لما أعمل كله مع بعضه.
4- أنا ساكن في حدايق القبة عند ميدان السواح وقبل كده كنت في مدينة نصر، بالتالي أي حد في جسر السويس مثلاً أو مصر الجديدة أو الحدايق أو مدينة نصر هيبقى في المتناول يعني. بس المهم يكون حد موسوعة يعني يكشف على كل حاجة.
5- المساحات خلاص غيرتهم وجبت مساحات رابر وشكلهم جميل ونضاف.
6- موضوع الإزاز الكهربا بالنسبالي مهم جداً، بس عموما هافكر كده واشوف.
7- المية باكشف عليها إني أتأكد إنها مش ناقصة، كده صح؟، والزيت أكشف عليه ازاي؟
8- جميل جداً، هاعمل اختبار كده للكيلومترات مع التفويلة الجاي وابقى أقولكم النتايج.

أسئلة جانبية بقى:
1- من ساعة ما جبت العربية ومستوى المية عندي بين ال min وال max ومانقصش حتة. المية لونها أخضر. دلوقتي عندي سؤال. هي المية دي بتنقص وبحتاج أزودها؟ ولا بتتغير كل فترة أصلي شفت في صيانة ال 60 و 120 ألف على ماعتقد بند تغيير المية؟ ولا أغيرها دلوقتي للإطمئنان؟
2- بالنسبة للتغيير هو بيفضي المية القديمة ازاي؟
3- باشوف ناس معاهم مية بيزودوا بيها الرادياتير في السفر بالذات في الصيف، هل انا محتاج أعمل زيهم واحتفظ بجركن مية معايا؟ وهل لازم مية خضرا؟ واشمعنا عندهم بتنقص وعندي مبتنقصش؟
4- عندي إحساس إن العربية بتتكتف لما أرفع رجلي من عالبنزين زي مايكون حد بيشدها لورا، بالذات في السرعات الصغيرة يعني بحد اقصى 35 كيلو في الساعة مثلاً طبعا تكتيفة خفيفة. سألت واحد صاحبي قاللي ممكن يكون الفرامل قافش!!، أساساً ماعرفش ده طبيعي ولا فعلاً ممكن يكون فيه مشكلة في الفرامل أو في حاجة تانية. أعمل إيه عشان أتطمن؟
5- في نقل الغيارات من التاني للتالت ثم للرابع، باحس إن العربية بتنتش مني لما أرفع رجلي من الدبرياج، برضو هل ده بسبب أسلوب سواقتي لإني أول مرة أسوق ومتعلم سواقة من شهرين بس؟ ولا دي مشكلة محتاج أشيك عليها؟ ولو أسلوب سواقة، ايه اللي باعمله غلط وتصحيحه ازاي؟
6- دلوقتي عشان العربية ماتبطلش مني، بادوس ديبرياج للآخر، وبعدين أدوس بنزين تقيل سنة لحد ماسمع صوت الموتور أقوم رافع رجلي من الدبرياج واحدة واحدة عشان العربية تتحرك وطبعا بتطلع بعزم أشد من الطبيعي. إحساسي بيقوللي إن دي طريقة غلط للطلوع بالعربية من حالة التوقف، بس حاولت أعمل موضوع التوازن بين البنزين والزبرياج أكتر من مرة والعربية بطلت مني، فعشان ماحطش نفسي في مواقف في الشارع بقيت أعمل الحركة دي. السؤال بقى، ممكن موضوع التكتيفة بتاعت العربية يكون هو اللي بيخليها تبطل مني لو ماديتهاش بنزين؟ طب ممكن يكون فيه مشكلة تانية بتعمل كده؟ ولا الموضوع مش أكتر من أسلوب قيادة وشوية ممارسة الدنيا هتتضبط معايا؟

الأسئلة كتيرة معلش، بس اتحمست لتعاونكم معايا وقلت اسأل الأسئلة اللي محيراني.

[gdwl]بالنسبة للتانك، أول مرة فولت فيها العربية، كان المؤشر نزل لآخر شرطة والراجل ملى التانك عالآخر وحاسبني على 76 جنيه، فلما قسمت المبلغ على سعر بنزين 92 استنتجت ان التانك 40 لتر. معرفش هل التانك بيشيل عشرة لتر كمان تحت آخر شرطة؟؟؟ عموماً أنا كده كده مش هاخلي المؤشر ينزل عن الربع بعد كده بس برضو حابب اتأكد التانك 40 زي منا حسبت ولا 50؟[/gdwl]

لو معاك كتالوج العربيه هتلاقى مكتوب ان التانك بيشيل 50 لتر