الموضوع: تجربتى مع أول صيانة (صيانة 10000) للفلونس الفيس ليفت 2014

المشاركة الأصلية كتبت بواسطة dr_ahmed80

اخوانى الاعزاء فى المنتدى الجميل
احب انقل ليكم تجربتى بعد ما افدتونى كتير فى انى اختار هذه العربية الرائعة جدا بكل ما تحمل من معنى ..... ربنا يسترها علينا كلنا لكن للاسف الانطباع سىء عن التوكيل و انا هكى بالتفصيل
قبل ما العربية تكمل ال10000 كلمت الكول سينتر و حجزت معاد النهاردة الساعة 11 الصبح فى توكيل ابورواش القريب منى فى اكتوبر المهم رحت التوكيل الساعة ربية و جبت مهندس الصيانة 10:50 قلت ابقى مظبوط فى مواعيدى اول مفاجأة لقيت بتاع الامن بيقولى اقف فى الطابور .... اصل البهوات بيقوفو العربيات طابور و يجى مهندس الاستقفبال ياخد عربية عربية قعدت شوية و اتدايقت رحت نازل من العربة و جبت مهندس الصيانة و قلتله ايه لازمة الطابور طالما انتو مديت ارقام و محددين مواعيد و مش اسلوب انى افضل ملطوع فى العربية لحد ما الكابور ده يخلص بصلى باستغراب شديد و قالى خلاص اقعد فى الاستراحة و لما يجى دورك هناديك و بالفعل جه بعد كده نادى عليا ...... قلتله صيانة بس و تربيط عفشة
قالى الصيانة هتتكلف 750 جنيه قلت ماشى يعنى هقول ايه المهم طبعا هما مش هيغيرو غير زيت و فلتر و تربيط عفشة مش اكتر و قالى العربية هتستلمها الساعة 2
جت الساعة 3 الا ربع و مافيش لا حس و لا خبر فى حين انا كنت زهقت من القعدة و قعدت اتمشى فى التوكيل و شفت العربية مركونة من الساعة 1 و نص لانه مش منطقى العربية فى تغيير زيت كل المدة دى ؟؟ جبت المهندس و اترفزت حبتين راح جابلى العربية و قالى كله تمام ...... والعربية مش مغسولة لا برة و لا جوة بصيتله قلتله مش عندوكو غسيل برضه و لا اخدها على بنزينة قالى بس كده هتتأخر قلتله حياتك انا قرفت من القعدة
رحت ادفع بقى كالتالى
4 كيلو زيت توتال 288 زائد كان كيلو زيت تانى 72 ( يعنى العربية واخدة 5 كيلو زيت) و 15 جنيه طبة الزيت و المصنعية بقى 296 ( ماتفهمش على ايه) الاجمالى بعد حساب الضريبة 788 ( و لا اى اندهاش)
المصيبة بقى ان فيه احد الناس على الجروب فى الفيس بوك قالى العربية دى بتاخد 3.3 لتر بس؟؟؟؟؟؟ و انا فعلا كان معايا نيسان و الموتورات بتاعة النيسان مش بتاخد زيت كتير
رحت بصيت فى الكتالوج لقيته مكتوب 3.9 لتر فى حالة تغير الفلتر كل 10000 و هنا تكمن المصيبة ان البهوات فى التوكيل مش فاهمين العربية و لا خدو عليها اى تدريب لان العربية كموتور و فتيس مختلفة عن سابقتها كتير جدا و نزلت من شوية قست الزيت لقيته فوق العلامة بكتير جدا.........
انا مش ناوى اسكت طبعا و هروح بكرة ابهدل الدونيا لان الزيت الزيادة ده اكيد فيه ضرر ؟؟؟؟؟
مستنى اقتراحاتكم فى الشغلانة دى ..... و كانو بيقولو رينو توكيلها نظيف فى مصر
و ربنا يجعله عامر

دكتور أحمد قلبى عندك و لا تدع هذه التجربة تفسد فرحتك....للأسف هما بيحطوا الصنايعية اللى على قد حالاتهم أو الجداد فى الصيانات الدورية و بيسيبوا الكويسيين للمشاكل الأكبر.....موضوع الزيت اللى أعلى من المستوى حصل معايا قبل كده فى الميجان و شوفته لما روحت البيت و روحت بنزينه شفط الزياده من أعلى الموتور و فى الصيانة المقبلة نبهتهم و بقيت أشيك قبل ما أمشى....
طبعا تمن صيانة ال10 ألاف مبالغ فيه جدا و لكن أعتقد ده الطبيعى فى كل التوكيلات و مضطرين نكمل معاهم علشان الضمان.....
موضوع الطابور موجود عندنا فى أسكندرية لأن مبيعات اللوجان كبيرة جدا و حتى مع إعطاء المواعيد بتبقى الورشة مش قادرة تستوعب...لكن للأمانة مش دايما....أخر مرتين روحت فيهم دخلت على طول و كنت بحجز ميعاد 9 صباحا......
حضرتك لما تروح متكلمش مهندس الأستقبال....كلم مدير مركز الخدمة و هما محترمين....و أعمل شكوى على الهوت لاين بتاعهم 16202

أنا بعد أذنك وصلت شكوتك لبعض المسؤولين داخل إدارة الخدمة و الصيانة لتدارك الأمر فيما بعد....مرة أخرى أستمتع بالعربية و لا تدع هذه الأشياء تفسد فرحتك بها......