الموضوع: هشترى بيجو 307 sw

السلام عليكم,
انا كان عندى استفسار ... انا دلوقتى معايا هيونداى نيو اكسنت موديل 2010 اوتوماتيك .. بصراحه العربيه فوق الممتازه .. انا بعمل حوالى الفين و نص كيلو كل شهر و العربيه مستحمله و ماشيه زى الفل ... تقريبا عمرى ما غيرت فيها اى حاجه غير الصيانات و لما بتتخبط او حاجه لا قدر الله ... الحاجه الوحيده اللى غيرتها عشان باظت كان ماستر فرامل عمومى و جبته استيراد ب 700 جنيه

المهم ان العربيه عامله دلوقتى 75 الف كيلو و كنت بفكر ابيعها و اجيب بيجو 307 sw ... انا عايز عربيه تكون:
1- واسعه و مريحه عشان النيو اكسنت بالنسبه لى مش واسعه اوى و ببقى قاعد متكتف فيها
2- تكون فيها كماليات كتير و "ركوبه" يعنى ... لان النيو اكسنت بتستحمل و تجرى و عربيه ممتازه بس مفيهاش اوبشنز كتير
3- تكون بتستحمل .. انا ممكن اروح اصلح عربيه فى حته بعيده او اتعب شويه عشان االاقى قطع الغيار .. بس مش عايز كل تلات اسابيع اضطر اروح اصلح حاجه جديده فى العربيه

المهم انا بعد بحث لقيت عربيتين فى حدود السعر اللى انا عايزه ينطبق عليهم الكلام ده ... البيجو 307 sw و الرينو ميجان .... و بصراحه البيجو شكلها احلى بكتير و مميز اكتر و انا ميال ليها ... بس سمعت كلام كتير و فى المنتدى هنا بالذات عن عيوب فى الفتيس بتاعها و ان العربيه مش بتاعه شقا .. فسؤالى للناس اللى معاهم العربيه دى، هل فعلا فى عيوب فى الفتيس بتاعها و لا لا .. و ايه رايكوا فى العربيه عموما و لو فى اى عيوب او مشاكل مشهوره فيها ياربت تقولولى عليها

و جزاكم الله خيرا :)

المشاركة الأصلية كتبت بواسطة a_hmed

متابع معاك علشان انا كمان عايز اشترى 307 sw


بس يا ريت حد يدينى معومات اكتر عن موضوع الفتييس ده و هل ده عيب جوهرى يعنى ؟؟

و له حل ولا لأ ؟؟ و اعرف منين و انا بجرب العربية ان فيه النتشة ديه ؟؟

موضوع الفتيس ده انت وحظك بس اعتقد تعرفه لو العربيه مش متسخنه كويس يعنى انا بسخنها اول ما مؤشر الحراره يعلى بقوم ماشى وساعات مبسخنش وبطلع ومبيحصلش النتشه ديه تشوفها فى اى مركز خدمه قولو عايز اكشف على العربيه ويشفلك الفتيس