الموضوع: ناوى اشترى A113

نصيحة لوجه الله لا لا لا العربية مع اخويا بيحسس عليها بس العربيه وحشة سيستم الفرامل سيء العفشة وحشة العربية عملة 15000 فقط يا اخى حاول تركب حاجة يعتمد عليها البونتو تحفة ورخصت بقت ب66000 انا عارف ان ده اكتر من المبلغ اللى معاك بس عربيه او اى حاجه تانية تعجبك وبعدين التقسيط مش كله وحش لو حتدفع تمن ال113 مقدم وما تا خدش عربية غالية ارجو ان اكون افدتك لالنى مش عايز حد يغلط غلططنا والله الزجاج الكهربا اليمين باظ وفى عيب حصل فى الكونتاكت والانذار بيعلق نسيت اقولك الشكمان فعلا اللحامات بتاعة العلبة كانت وحشة فعدنا عليها انما العلبه سليمة

احسن اختيار انا شايفه بنفس السعر هو الشيفروليه سبارك ب 52000 جنيه باور وتكييف واسمها شيفروليه وصغيره ولو عليت شويه بسيط بالمبلغ يعنى 58000 جنيه هاتجيب هيونداى i10 عربيه روعه بور وتكييف ومركز الصيانه متوفرة وفيه كمات السوزوكى التو بالتكييف 800 سى سى اعتقد تعمل 48000 جنيه وكلهم احسن من الصينى والصيانه متوفرة وانا شخصيا ارشحلك الشيفروليه سبارك انا شخصيا ناوى اجيبها ان شاء الله لو توفرت الماده

متشكر ليكم يا جماعة والله
شكلى هغير رأيى واجيب اللوجان بس ممكن حد يقولى فين توكيلها او معرض موثوق فيه اجيب منه وياترى الاستلام فورى يعنى بعد اسبوع ولا هيكون حجز واستنى كام شهر
ارجو الافادة
وشكرا ليكم يا جماعة على النصايح دى لان والدى قالى بلاش صينى وهات يابانى احسن لكن المشكلة فى الفلوس كل اللى معايا 50000 وممكن اخد من 5000 الى 10000 سلف من والدى
وكانت دايهاتسو سيريون طالعة من عينى بس اول حاجة فيها 1000 سى سى ب 70000 جنيه يعنى فرق 20000 جنيه ومحدش يقولى قسط انا لا احب التعامل بالربا حتى ولو كانت الفايدة هتكون قليلة
والمشكلة انى محتاج العربية بأقصى سرعة
أفيدونى افادكم الله

يا جماعه هو ليه كلكم بتنقدو العربيه لمجرد انها صيني انا معايا العربيه بصراحه زي الفل

واللي يقولك العربيه ورق انا اول امبارح اتخبطت مني من قدام لان واحدوقف قدامي مره وحده من قوة الخبطه انا قولت هانزل الم الاكصدام من الارض نزلت ما صدقتش نفي لقيت الاكصدام مافوهوش الا خربوش وبس وزي ماهو النمره بس اللي اطبقت لكن العربيه بصراحه نشفو

واللي يقولك العفشه ناشفه عشان هي سبورت جرب امشي بيها بسرعه وخد غرز وشوف

بلاش نقد من غير اسباب انا شايفها ممتازه احسنت الاختيار وانت اللي هاتسوووووق مش الناس

صديقي islamallam
انت عامل زيي بالظبط
انا لسه مشتري العربيه دي يوم الثلاثاء اللي فات
وركبت ليها نمر يوم الأربعاء

بص
العربيه دي تمنها اقل بكتير من امكانيتها
وتقفيل 2009 المصري حلو قوي ، انا طبعا لحد دلوقت ماشي عليها 200 كيلو لسه ، بس الحمد لله مفيش فيها حاجه

وموضوع علبة الشاكمان انا سمعت عنه ، وبيعملوه في التوكيل بس معرفش ده كان في موديل 2008 ولا 2009
لأن 2008 كان فيه عضة في الفتيس ، 2009 اتلافوا المشكله دي في التجميع

على اي حال
انا فضلت متردد 6 شهور !!! لحد ما جبتها ، ونصيحه ليك ، انزل يوم الأحد السوق وسوقها جربها ، ده ح يغير وجهة نظرك تماماً

الأخ اللي بيتكلم على اعادة البيع
مع احترامي ليه ، واضح انه مش بينزل السوق خالص ، العربيه دي بالذات في الاسبيرانزا اكتر واحده ماسكه تمنها
انا كنت في السوق الأحد اللي فات كانت واحده موديل 2008 ماشيه 18 الف معروضه ب48 ، وواحده 2008 برضه ماشيه 45 الف بس متبهدله معروضه ب42 ، وتالته معروضه ب 47

وبعدين لو حضرتك بتفكر في اعادة البيع قبل 3 سنين ، يبقى طبيعي تخسر في أي عربيه ، لأن اي عربيه بتشتريها وتعلق عليها نمر بتنزل في تمنها 4 أو 5 الاف


بص يا اسلام
توكل على الله ، وصلي استخاره وروح شوفها ، وشوف كمان ال maple اللي بيقولوا عليها ، شكلها برضه كويسه ، وبيقولوا موتورها موتور تويوتا
سعر 113 52 الف فقط ، ومتدفعش مليم احمر زياده

بالمناسبه
مفيش عربيه ملهاش نقاد
يعني لو قلتلك هيونداي .. حيقولك اوعي غبور
طيب لانوس ؟؟ .. مش ثابته ع السرعات
دايهاتسوا ؟؟؟ اوعي يا عم قطع غيارها ناااااااااااار
الخ الخ الخ

تقبل تحياتي

كلامك صح ومن الاخر

تحياتي