زي مانتوا عارفين اني مغير زيت مبقاليش بتاع أسبوع أو 10 أيام
النهاردة عندي أمتحان الصبح وماشي مشغل التكييف وموسيقي هادية
وصلت الكلية وبركن وبفتح الأزاز بكلم واحد وفجأة سمعت صوت غبي من الموتور
ركنت وفتحت الكبوت أشوف
صوت تاكيهات خلاص بتموت !
طفيت العربية أوستنيت شوية أقيس الزيت
المقياس يادوب معلم نقطة !
نزلت أشوف تحت لقيت من ناحية الطبة الدنيا عايمة زيت
سيبتها علي ما أمتحن وأما أخرج أشوفها
علي ما خلصت كان تحت العربية بقعة زيت عظيمة
زودت زيت مؤقتا لغاية ما أتصرف في عدة وحل الأتي
فكيت الطبة بأيدي !!!!!!
نزلت الزيت في جردل
كان فيها حوالي 2.5 لتر ... يعني وقع لتر
قعدت بقي أشوف المشكلة منين بالظبط
طبعا مافيش تافلون !
جبت تافلون وحسيت ان الطبة محلوقة شوية
ركبت مش عايزة تقرط !!!!
كدة يا الطبة يالكرتيرة
جبت طبة تانية
مالقتش غير واحدة بمفتاح ألانكيه رباعي هي اللي نفس المقاس عندي !!!
ركبتها بالعافية ببنسة كلابة ومفكات وبلاوي علي ما ركبت الحمد لله
حطيت الزيت وجبت لتر كمان وزودته وتابعت العربية النهاردة والدنيا ماشية فل
هنا تكمن المشكلة .... ساعة تغيير الزيت ... هافك البتاعة ده أزاي !
المشكلة نفسها تقريبا من اللر حطلي زيت .... انا مش عاز أظلمه بس انا مش شايف غلطة ممكن تيجي من غيره !

الحمد لله
كانت ممكن توصل لموتور يقفش أو كامة تتكسر أو فالفات تاااااااااني :(
كانت هتبقي مسمار وأتضرب في نعشها
خدوا بالكوا