الموضوع: هل يوجد فرق بين الشيفورليه كروز و الدايو لاسيتى

المشاركة الأصلية كتبت بواسطة mohammedaladel

من وجهة نظرى الشيفورليه اللى فى مصر اللى هو أساسا تكنولوجيا دايو لو عليه علامة دايو كنت أحترمته لأن دا مستوى دايو لكن لما يبقى عليه علامة شيفورليه وبالامكانيات الضعيفة والشكل القديم والكماليات العادية متهيقلى المستوى دا مش مستوى شيفورليه أنا شفت شيفورليه لومنيا جاية جمارك حاجة تحفة بجد خسارة انى أدفع فى عربية من عربيات شيفورليه فى مصر فلوس إلا لو كسبتها فى مسابقة وهبيعها فورا

لو الكلام عالكروز فهى ملهاش اى علاقه بدايو , دايو انتهت بقالها 8-10 سنين , وكل عربيات شيفروليه الكورى الجديده تكنولوجى جى ام مش دايو

لو اوبترا او افيو او سبارك القديمه ماشى دى تكنولوجى دايو واتطورت من جى ام بعد كدا

لكن الكروز دى تعتبر استرا سيدان

المشاركة الأصلية كتبت بواسطة mohammedaladel

جايز يكون موتور أسترا قديم لأن الحديث تربو وبعدين الأسترا حاجة تانية يا باشا أما الكروز أنا شفتها بس عليها علامة دايو ونفس الشكل هو هو وتحس أن شكلها كدا مش جامد برغم أنها يعتبر أفضل شكل نزلته شيفورليه فى مصر بس تعبان برضه عربيات شيفورليه الأمريكية تحس فيها الجراءة والقوة ويبان عليها إنما دايو شركة كورية وهما الاتنين شركاء بس فعلا لو كانت علامة دايو نزلت على كل عربيات شيفورليه كنت هحترمها جدا جدا

الكروز ( بره مصر ) بتنزل بموتور الاسترا الجديده 2010-2011-2012 اللى هو ايكوتيك 115 حصان ودا موجود فى الاسترا اللى فى مصر وكل الدول من ساعة مانزلت

وهى فعلا كانت بتتباع بعلامة دايو داخل كوريا فقط لان كوريا مكنش عندها شيفروليه فى البلد , بس من سنه ونص جنرال موتورز قررت تنهى علامة دايو نهائيا حتى فى كوريا ونزلت كل موديلات شيفروليه هناك

من الظلم انك تقارنها بالموديلات الامريكى ماليبو امبالا كامارو كورفيت , معروف ان دول حاجه ودول حاجه دا الفرع الكورى لجنرال موتورز بعلامة شيفروليه

وشركة دايو مش شريكة جنرال موتورز ياباشا جنرال موتورز اشترت دايو وخلاص مبقاش فى حاجه اسمها دايو حتى فى كوريا زى ماقولت بقى اسمها جنرال موتورز كوريا