السلام عليكم و رحمه الله و بركاته
انا لسه شاري واحد تاتش قريب و بصراحه مستمتع بيه جدا و احب افيدكوا بالخبره اللى اخدتها فى الكام يوم دول
بالنسبه للملفات PDF بتبقي مش عمليه خالص انك تحطها عليه زي ما هي لانها بيكون فيها مساحات بيضاء كتير على الاطراف و بالتالي بتقلل من مساحه الكتابه الفعليه و بتصغر الخط , الحل ان فى برامج بتديها ملف الـ PDF علشان تشيل المساحات البيضاء و تخلي حجم الصفحه قد حجم شاشه الـ Kindle و البرامج دي فى منها بيعمل الموضوع ده Automatic و غالبا بيطلع صح زي البرنامج ده
briss | Free software downloads at SourceForge.net
و في نوع تاني بيعمل الموضوع ده مانيوال بمعنى انك بتحدد المساحه اللى انت عاوز تقطعها من الـ PDF و طبعا على حسب كل PDF لو هو اصلي بيبقى الموضوع سهل اوي اما لو هو Scan بيقى علي حسب جوده الـ scan و هل الصفح كلها ماشيه على حد واحد ولا صفحه مايله و صفحه عدله و كده , على العموم البرنامج ده بيديك امكانيه انك تعمل صفحه صفحه او الصفح كلها او الصفه الفرديه لوحدها و الزوجيه لوحدها
PDF Scissors
بالنسبه لموضوع انك تقفله لو تسيبه مفتوح انا على حسب الفتره , يعنى لو انا بقرا فيه بس قمت اعمل حاجه ربع ساعه مثلا و راجع بسيبه مفتوح , بخليه بس على stand by اما لو خلاص خلصت قرايه اليوم ده و حكمل بكره بقفله خالص و اعينه فى العلبه بتاعته
انا حاليا عندي الكتب الاتيه جاهزه على الفورمات بتاعه لو حضرتك حابب ابعتلك حاجه منها :
البحث عن الذات - مذكرات الرئيس الراحل محمد انور السادات
الرحيق المختوم
الاسلام السياسي و المعركه القادمه - مصطفي محمود
الحق المر - محمد الغزالي
خلفاء الرسول
الطريق من هنا - محمد الغزالي
و بالتوفيق باذن الله
المفضلات