الموضوع: مسافر مرسى مطروح ومحتاح مساعدة من اهل الخبرة

المشاركة الأصلية كتبت بواسطة ahmmedbingo

السلام عليكم ورحمه الله وبركاته

احلى سلام على احلى اعضاء فى احلى منتدى فى الدنيا

ان شاء الله مسافر مرسى مطروح كمان اسبوع مصيف ومعايا زوجتى وابنى سنتين ودى اول مرة اروحها فأنا محتار جدا بين 3 اختيارات
1-* اسافر بعربيتى ( بولو 1300 موديل 97 ) ولا هبهدلها معايا لأن الطريق 470 كم وغير كدة انا معرفش الطريق واللى هينصحنى انى اسافر بالعربية يقولى الطريق ازاى
2-* اسافر بالاوتوبيس
3-* اسافر بالقطار

متشكر جدا لكل اللى هيساعدنى

توكل على الله واطلع بالعربية بعد ماتطمن عليها عند الميكانيكي ويبصلك عليه وتظبط الكاوتش وتربط عفشتك لان بصراحة السفر من غير العربية ملوش متعه من الاخر مش هتستمتع وهتلاقى نفسك متقيد ومتقلقش من الطريق وان شاء الله توصل بالسلامة الطريق هتمشي طريق الاسكندرية الصحراوى لغاية الريست عند الكيلو 100 وتفول التانك هناك من بنزينة شل وهتمشي بعدها مسافة كيلو يعني عند الكيلو 101 وتلف اكنك راجع القاهرة وهتلاقى طريق العلمين هتمسكه للاخر وزى مالناس قالتلك هتكمله المهم تكون مظبط العربية قبل ماتسافر ونصيحة لو هتسافر انزل على الساعة 5 وتوكل على الله ورحلة سعيدة