الموضوع: عندى 132 المانى 1600 اشترى نيسان و لا ايه؟؟

[size="4"]باشا القرار قراراك يعنى لو العربية مريحاك وعجباك ومقضية الغرض يبقى تمام، ومش مطلوب أكثر من كده؛ إنما لو الوضع غير كده لأ يبقى التغيير أفضل، وفى النهاية القرار قرارك[/size]

تسمحلي الفت نظرك لوضع نفسي قد يعاني منه الواحد عند التغيير
والانسان بطبيعته بيخاف من الجديد
اعرف ناس كان عندهم تليفزيون 20 بوصة وفضلوا متعلقين بيه ومش عاوزين يجيبوا واحد فلات كبير ال سي دي او ال اي دي لكن لما جابوه في الاخر عرفوا ايه الي كان فايتهم
وناس فضلوا 5 سنين خايفين يجيبوا موبيل وبعدين بقى حياتهم
مافيش شك صني سوبر صالون تطور مهول عن ال132 حتى لو فيها تكييف الاوبشن مابقتش تكييف وبور وازاز كهربا
ارتباطك بعربيتك الي بينك وبينها عشرة بيعكس شخصية عشرية عاطفية عموما
لكن لازم مايأثرش على استفادتك من التطور
ممكن تحتفظ بها هي عموما مش هتجيبلك كتير
وانت لوحدك هتستغنى عنها بعد شوية
باختصار انا لو ماعيش تمن الصني هارضى بال132 حمالة الأسية لكن لو ربنا اكرمني وقدرت اجيب الصني
هأجيبها واستمتع بمزاياها
طبعا بعد الاستخارة
والخيرة فيما اختاره الله
تقبل مروري