الموضوع: نيسان صنى الان فى مصر

المشاركة الأصلية كتبت بواسطة ahmazong

أنا مش بعيب في civic واللهِ .. لا سمح الله ..

ديه حبيبة قلبي ..

للاسف سعر السيفيك العالي جدا .. خلاك تظن إنها فئة أعلى .. يعتبر الضعف ..

كل العربيات ديه مصنفة إنها تكون small familly cars = compact cars .. يعني كلهم بينافسو بعض عادي جدا ..

و كمان محدش ينسى إن السيارة تقفيل مصري و ده محسن من سعرها جدا .. غير انه توكيل محترم .. ماشطحش بالسعر قوي ..

لاما كده لكانت بـ 140 أو 150 ألف مثلا ..

احنا شعب غريب واللهِ .. لازم يديك عربية غالية عشان نفرح بيها .. و لو رخيصة .. يقولك لااااااااااا .. ديه toktok يا عم ههههههههههههه ..

و ده بسبب التوكيلات ال ..... ولا بلاش .. اللي ضحكت على الشعب ده ..

العربية فيها كل حاجة المستخدم العادي عيزه ... Automatic .. تكييف تلاجة .. عربية ياباني .. موتور مابيسحبش بنزين .. إلى حد ما بتجري .. Abs ebd bas .. Airbags .. واسعة جدا .. و مش معنى إن التابلوه فقير .. يبقى مش جودة .. لااااااااااا ده مش منطق .. و الاهم اداك توكيل محترم جدا .. و كل ده بـ حوالي 100 ألف .. و سعر حلو جدا ..

المشكلة الوحيدة الشكل !!!!!!!!!!!!

طب خده ديه بقااااااااااا ..

العربية بتنافس كمااااااااااان ..

فورد فوكاااااااااس ..

هههههههههههههههه ..

جالكم صدمة هعهعهعهعهع ..

والله يا باشا كلام ممتاز وحكيم جدا. دول كرهونى فى العربية وأنا ناوى ان شاء الله اشتريها. كرهونى فيها حتى من قبل ما أشوفها. وبعدين أنا واحد من الناس يهمنى الأداء والخدمة والراحة أكتر من الشكل. وبعدين بيقولوا الانترا والسيراتو طيب ما العربيات دى أغلى بحوالى 20000 عن الصنى الجديدة يبقى ازاى بتقارن بيها!!!! علما ان مافيش حد منهم شافها لحد دلوقتى. شكرا على المعلومات المفيدة وفى انتظار كل ما يستجد بخصوص العربية دى.

انا شفت العربيه هنا فى دبى هى من الشكل بقت قريبه جدا من التيدا و بقت واسعه من ورا بس كنزه من الجناب يعنى شخصين يقعدوا ورا فى مساحه واسعه للرجلين بس لاسف شكل العربيه من جوه فى الطبلوه البيج بشع زى الفيرنا و كله بلستيك و التصنيع كان هندى و سعرها بيدا من 47000 الف درهم

للاسف العربية ده هتنزل من سمعه نيسان

بصوا الشكل القديم وراها و الفرق في الفخامة

ياريتهم مانزلوها وسابوا الشكل القديم
من وجهة نظرى العربية كشكل سئ من جوة وبرة واعتقد كمان لو الموتور 1500 بعد ال 1600 الناس مش هتشريها زى الشارك لما نزلوها 1500 الكل بعد عنها ولما خلوها 1600 احلوت والناس بدأت تشتريها

وفعلا الصنى كفئـــــة مشتركة مع السيفيك والكورولا واللانسر والالنترا والسيراتو والمازدا 3 والفوكاس والجيتا والاوكتافيا لكن كاداء ومنافسة بعيدة عن اقل واحدة فيهم وللأسف نيسان هى اللى قتلتها , عربية من التسعينات يعتبر متغيرش فبها الا حاجات بسيطة جدا فى الوقت اللى كل الشركات بتتنافس علشان تنزل الاحدث ولما افتكروا يطوروها نزلوا الشكل العجيب دة
فى رأيي التيدا والصنى القديمة كشكل احسن