الموضوع: نيسان صنى الان فى مصر

المشاركة الأصلية كتبت بواسطة takakan2005

هل فعلآ الكاتينة جنزير ولا ده كلام دعاية ؟

الكاتينة جنزير ياباشا دة كلام اكيد مش دعاية ولا حاجة ...... لا تقلق

المشاركة الأصلية كتبت بواسطة mody3on

العربية دي مبتنزلش اليابان اصلاً :/
بتتجمع هنا وفي الهند وفي المكسيك بس

المشاركة الأصلية كتبت بواسطة mozalol

الكاتينة جنزير ياباشا دة كلام اكيد مش دعاية ولا حاجة ...... لا تقلق

تشكر عالمجهود هى مدية على الياريس شوية

على فكرة يا جماعة لما تخش موقع نيسان او تويوتا في امريكا لما تعمل مقارنة مابين نيسان صني (versa) بيديك العربيات اللي تتقارن معاها فبيديك من تويويوتا (الياريس)يعني العربية دي بتتقارن بتويوتا ياريس وبرده هوندا سيتي وغيرها وهي ببتفوق عليهم في كل حاجة في السعر واستهلاك البنزين وحاجات كتييير وممكن تجربه الكلام ده
العربية دي مححقى نجاح في امريكا غير عاادي

السلام عليكم
فى انتظار التقرير النهائى من الاستاذ احمد

المشاركة الأصلية كتبت بواسطة engamoor

على فكرة يا جماعة لما تخش موقع نيسان او تويوتا في امريكا لما تعمل مقارنة مابين نيسان صني (versa) بيديك العربيات اللي تتقارن معاها فبيديك من تويويوتا (الياريس)يعني العربية دي بتتقارن بتويوتا ياريس وبرده هوندا سيتي وغيرها وهي ببتفوق عليهم في كل حاجة في السعر واستهلاك البنزين وحاجات كتييير وممكن تجربه الكلام ده
العربية دي مححقى نجاح في امريكا غير عاادي

كنت قد قررت إنتظار هذه السيارة بدلا من شراء الصنى الشكل القديم و عملت عمرة للشاهين أنتظارا لسيارة أفضل و ذلك بعد مشاهدة الموديل الجديد على النت و قراءة ال reviews على الموقع و بعض المواقع الأمريكية عن ال versa. بعد متابعة هذا الموضوع حصل لى شك، فقلت أروح أعاين السيارة فى أوتو ايجيبت و هذه بعض الأنطباعات من المعاينة الخارجية بدون قيادة او إدارة المحرك

1- من الأمام تعطيك السيارة انطباع غير لطيف بأنها سيارة صغيرة.

2- من الجنب و الخلف السيارة أحسن فى الشكل بكثير من موديل الصنى 2011 و فى رأيى أفضل من التييدا الحالية (بصراحة التييدا هى هى تقريبا اللوجان فى الشكل و الحجم لمن لم يلاحظ مع تفوق التييدا بالطبع فى الدهانات و الفينيش!!! عارف طبعا معجبى التييدا حيهاجموا هذا الرأى بشدة)

3- من الداخل السيارة و اسعة جدا جدا تفكرنى الكنبة الخلفية بالنوبيرا و حتى المسافة بين الكرسى الأمامى و الراكب الخلفى ممتازة. و بعد تحريك الكرسى الأمامى لسنتيمترات قليلة تصبح السيارة فى غاية الأتساع، يعنى ممكن ثلاثة ضخمين يقعدوا آخر تمام أو إثنين كبار + طفلين بدون مشاكل و ليس كالصنى الحالية، الكنبة الخلقية زبالة، لا تتناسب مع حجم السيارة

4- الشنطة حجمها مناسب جدا قد تكون أقل من الصنى الحالية و لكنها أكبر من التييدا

5- التابلوه مش بى ام دبليو و لا هوندا بس ليس أفقر من تابلوه الكورولا مثلا!! أعتقد معقول جدا و الخامات جيدة و ليست 128 أو شاهين و ليست أسوء من الموديل الحالى. الفرش و التنجبد جيد جدا، فينيش الأبواب نظيف.

6- فعلا توجد كساحات صلب عند الرادياتير و منظر الموتور و الميكانيكا حاجة هايلة.

7- الفرامل ABS, EBD, BA و ليس كالكورى مثلا، فبه عربية كورى بها كل هذه الأمكانيات؟؟؟ الموديل حينزل ب 2 أيرباج فى المانيوال و الأوتو

8- الدهانات من خامات ممتازة

9- لا توجد معلومات عن السوبر صالون و مواصفاته و متى ينزل حسب مبيعات أوتو أيجيبت

10- لا أعتقد أن موتور 1500 يفرق كثيرا عن 1600، المهم كفاءة المحرك و ووزن السيارة و نظام نقل الحركة المستخدم.

أنطباعى الأخير هو أن هذه السيارة لا تقارن بالياريس و السيتى فهى أفضل فى كل شئ ماعدا الخامات بالنسبة للسيتى، أما مقارنتها بالأكسنت و الريو فهذا لا "يجوز شرعا" هههههههه.

قرارى غالبا حيكون المفاضلة بين هذه السيارة خاصة لو عملوا هاى لاين و الكورولا 2013 لو نزلت مصر بالشكل الموجود على النت بالنسبة للموديل الأمريكى حيث أخذت شكل قريب من ألأفانسيس و لكزس ، طبعا الكورولا أفضل كسيارة و السؤال هو حتكون بكام و حتنزل أمتى