أرجو المساعدة في اختيار الكاوتش

**mdgazy** · 30-05-2012 06:21 PM

الســلام عليكم يا شباب
إن شاء الله هجيب 4 فرد جداد عشان ال 4 اللي في العربية جابوا آخرهم والعربية بدأت تتهز كده وأنا ماشي وكل ما رورح لبتاع كاوتش أظبط الهوا يقوللي الفرد دول خلاص كده وياريت متجبش النوع ده تاني ( بيريللي تركي p400 ) كنت شاري العربية بيهم وكانوا جداد ومشيت بيهم 20000 كم
المهم أنا بصراحة نفسي أجرب الكومهو اكستا بعد ما لقيت م.محمد ممدوح بيشكر فيه .. سألت في توكيل كومهمو - ش شبرا قاللي الموجود فيتنامي بـ 295 ج - ومفيش كوري ... وقاللي في تويو ياباني 335 ... وفي gt بـ 295 وامبارح كنت في كالتكس عباس العقاد سألت في بريدجستون قاللي في p250 اندونيسي
بـ 380 ج ( فرق السعر مش مهم قوي لو البريدجستون أحسن ) -------- العربية لانوس مقاس الكاوتش 70 175 13 - أنا مبسافرش كتير لكن بمشي في شوارع مش مسفلتة ومكسرة كتير
أرجو الإفادة وشكــرا

**ahmedjumpo** · 30-05-2012 07:29 PM

طب ما فيه الهانكوك و ده كاوتش محترم و بتاع شغل و فى اعتقادى افضل من الكومهو و لسه كورى زى ما هو

**mdgazy** · 30-05-2012 07:40 PM

المشاركة الأصلية كتبت بواسطة ahmedjumpo

طب ما فيه الهانكوك و ده كاوتش محترم و بتاع شغل و فى اعتقادى افضل من الكومهو و لسه كورى زى ما هو

شكرا على الاهتمام .. أنا سألت بتاع شارع شبرا ( لأني كنت سمعت إن هو برضه توكيل هانكوك ) قاللي مش موجود .. ممكن تقوللي أسأل عليه فين ؟؟

**ahmedjumpo** · 30-05-2012 08:13 PM

بص حضرتك انا برده تعبت على مالاقيته و لسه جايب فردتين اول امبارح بس مقاس 15 60/205
حضرتك هتلاقى الهانكوك فى فروع بريدجستون بس انا جبت من التوكيل رأسا و كان أرخص من بريدجستون بـ 30 جنيه فى الفردة
و عنوان التوكيل 7 شارع المساحة الدقى بجوار سوبر ماركت مترو
و ده فعلا التوكيل الفعلى لهانكوك و مابشتغلش غير فى كاوتش و بطاريات هانكوك
و لو حضرتك عايز تليفونهم 33356420
اى استفسار تانى تحت أمرك

**mdgazy** · 30-05-2012 08:21 PM

متشكر جدا يا أ. أحمد .... هكلمهم كده واسأل على المقاس موجود ولا لأ

**khaled_2011** · 30-05-2012 08:30 PM

جرب الميشلان ممتاز وكمان موفر فى الوقود حتى 20% وفر السعر بسيط وهيرجعلك تانى فى توفيرك للاستهلاك

**ahmedjumpo** · 30-05-2012 08:32 PM

المشاركة الأصلية كتبت بواسطة mdgazy

متشكر جدا يا أ. أحمد .... هكلمهم كده واسأل على المقاس موجود ولا لأ

لما تكلمهم بأذن الله اسئلهم على تاريخ صناعة الكاوتش
و اسئلهم على السعر و لما يردوا عليك بالسعر اسئلهم السعر ده بعد الخصم و لا لاء
و ربنا يباركلك فى الكاوتش الجديد