الموضوع: اختيار صعب جدا ......أرجو المساعدة

المشاركة الأصلية كتبت بواسطة amforlife

أنا واقع فى حيرة شديدة وعاوز أنهيها و أشترى العربية بقى ..... فأنا محتار فى فئة سعرية قريبة من بعضها بين كذا نوع من السيارات كل واحدة فيهم عجبانى فى حاجة فأرجو منكم النصيحة عن اأحسن واحدة لو كنت مكانى او حتى الترتيب بين الافضل .................

بروتون جين 2 كاملة اوتوماتيك 1.6
اوبترا فول مانيوال 1.6
سيريون فول اوتوماتيك 1.3
جراند بونتو مانيوال 1.4
هيونداى الانترا فول مانيوال 1.6
ماتركس فول مانيوال 1.6
صنى فول مانيوال 1.6
صنى اوتو 1.6
سكودا فابيا فول مانيوال 1.4

انا من المنصورة فيا ريت فى العتبار مراكز الصيانة لو حد من المنصورة شكرا جدا شباب منتظر ردودكم

بص يا عم
1- إلنترا
2- جراند بونتو
3- جين 2

باقي العربيات إستبعدها كنت عاوز أحط الفابيا لكن ال 1400 خلصانة من التوكيل لكن لو لقيتها هاتها لأنها عربية تحفة

الإلنترا عربية كويسة جدا كماليات معقولة جدا و موتور قوي و قطع غيار متوفرة طبعا
الجراند بونتو عربية أوروبي و شيك جدا و كمالياتها حلوة لكن موتورها مخليها رقم 2 (77 حصان فقط)
الجين 2 عربية حلوة كموتور و ثبات لكن لأسف جودة تقفيلها مش مرضية !! العربية دي لو استخدمت فيها خامات أنظف شوية و سعرها يزيد 2-3 ألاف جنيه هاتبقى من أفضل الإختيارات في السوق

ممكن تبص برضه على الرينو سيمبول (أفضل عربية في الفئة دي حسب موقع توب جير) و افضل صفقة مقابل القيمة السنة دي في أوروبا. الاتوماتيك بتاعها 86 ألف و المانيوال بيعمل 79-76 الف