ياريس2009 عاملة حادثة

**islamomar007** · 31-05-2012 09:02 PM

وياتري بعد السمكرة والرش والتظبيط هيكلف كام الموضوع ده معلش آسف عالاطالة

**S O P H O S** · 31-05-2012 09:06 PM

بص حضرتك انا اقولك راي الشخصي فقط ...
العربية دي تتصلح وتكمل بيها ولوعايز تبعها بعد التصليح دي حرية شخصية

لكن بلاش تبيع العربية وهي كده علشان المستغلين كتير وهعملوا انا العربية منتهية خالص علشان يكسبوا فيها

نصيحة صلحها احسن

والقرار ليك بس انا مش عاوزك تخسر وخسارة لان العربية تتلم وترجع تاني

كل ده راي شخصي

وربنا يوفقك للخير ..

**S O P H O S** · 31-05-2012 09:21 PM

المشاركة الأصلية كتبت بواسطة islamomar007

وياتري بعد السمكرة والرش والتظبيط هيكلف كام الموضوع ده معلش آسف عالاطالة

اظن العميلة كلها كحد اقصي وحاجات نظيفة تتكلف 6 الاف جنيه

كلامي خطأ يحتمل الصواب
والله اعلم ...

**M.FOUAD** · 01-06-2012 12:47 AM

المشكلة مش في الباب و لا في السقف دول سهل تضبيطهم المشكلة ان العربية اتعوجت جامد و على اللة يكون الشاسية متاثرش

**حاتم سليم** · 01-06-2012 12:58 AM

المشاركة الأصلية كتبت بواسطة me_medoo

عندك القزاز الامامي ب ١٢٥٠ جنيه الاصلي

هل تقصد زجاج اصلى امامى جديد ام مستعمل ؟

و من عند مين ؟؟؟

و شكراً

**islamomar007** · 01-06-2012 03:15 AM

لا الشاسيه تمام وكل حاجه فالعربيه تمام كهربة وعفشة اللي اتعوج بس هو القايم اللي بين البابين ومش عارف ده بيتعدل ولا بيتقص برضه ويستبدل وعوجه في الباب الخلفي اللي دلوقتي قافش مش بيقفل للاخر ومش بيفتح لكن وش العربية سليم وضهرها سليم .. وشكرا عالردود المشجعه اني مابيعش العربية كده فعلا هتتخسف جامد.. يفضل بس السؤال ياتري مين يكون ايده حلوة في الشغل فيها!!

**islamomar007** · 01-06-2012 05:32 PM

ابن عمي خدها لحد في السلام السمكري لوحده بيقوله هاخد 6 آلاف وبيقوله السقف ده يتغير ميتعدلش ايه رأيكوا؟؟!!

**S O P H O S** · 01-06-2012 07:41 PM

شوف حد تاني بردوا ويكون امين علشان عندي احساس انه يتعمل مش يتغير كله
والله اعلم

**beckeryahia** · 02-06-2012 05:18 PM

العربية دي علشان تتعمل صح محناجة 2باب شمال وسقف كامل وقايم وسطي شمال بالعتب وقايم امامي شمال ورفرف امامي وكل دا يركب والعربية مرفوعة علي مكنة لاستعدال الشاسية مش علي الارض وممكن تحتاج شوية رفايع زي طابلوه وفبر الصالون وشاسية لكرسي السواق وازاز امامي وممكن تحتاج الخلفي لو اتكسر والراجل بيخلعة وتمم علي قواعد الموتور والفيتيس ونكون كل خاجة في وضعها الطبيعي وماتفبلش ان تكون في حاجة بتحك اثتاء الدوران او صوت هوا داخل من الابواب او رعشة في العربية عموما , لازم كل حاجة تتعمل بفن وضمير وبدون ماتتخربش وكل اللي اتفك يتربط كوس وتمم علية بنفسك , وبعد كدا تترش العربية كلها ( مش ترش حتة وتسيب حتة)عند واحد محترف ونفس نوع البوهية بتاع العربية ويفك اي باكتتات بلاستيك والفوانيس واكر الابواب قبل ما يرش , وتتكلف حوالي من 15000 لي 20000 ,
لكن لو عايز تعملها اي عك وتخسر فيها جامد اما تيجي تبيعها دا لو عرفت تبيعها , هاتلها باب وازاز قدام والباقي يترد عند واحد سمكري وماترشهاش كلها ولو الطابلوه فية شرخ سيبة ومانجيبش فبر للصالون وننكلف حوالي 8000 جنية