سؤال . اي موزع عنده السعر ٢٧٠٠٠٠. و هل تسليم فورى ؟؟
مشكوووووور والله يعطيك الف عافيه
أخر سعر 272 ألف لأعلي فئة موديل 2014
هي هي نفس العربية و بنفس اﻹمكانيات....حسب ما التوكيل بيقول....بس اللي بيختلف سنة الصنع......
طب الفيس ليفت حينزل إمتي يا توكيل..... معندناش فكرة و الله
شكرا يا توكيل
لسا مافيش فيس ليفت نزل من شركه بيجو الام على مستوى العالم لانه فى 3 اشكال هيختارو منهم
معلش يا جماعه .... ايه هوا الفيس لفت .... شكل جديد ولا امكانيات جديده ؟؟؟!!!
شكرا للافاده
السلام عليكم
انا ليا استفسار للملاك.
والدى اشترى السيارة من اسبوع وهى عاملة دلوقتى 500 كيلو
العربية ماشاء الله رائعة فى كل حاجة، المشكلة الوحيدة اللى لاحظتها هى ان التكييف ضعييف.
يعنى والدى كان معاه فلوانس و a5 وفى فرق ملحوظ بينهم. أنا معايا هوندا وكارينز ومفيش مقارنة أساسا.
وهو تكيفها ضعيف ولا فى مشكله فى عربية والدى ولا هو بيتحسن مع الوقت
فى برضو حاجة حسيت بيها ان وانا واقف دايس فرامل على d فى رجة بسيطة
أرجو الإفادة مع الشكر.
بالنسبه للتكيف العربيه ماشاء الله تكيفها حلو جدا جدا وعمرك ماهتحتاج تعليه لاعلى درجه
والمفروض العربيه مافيهاش رجه ولا اى حاجه
شوف البنزين نضيف ولالا لو البنزين كويس يبقى روح التوكيل ويستحسن توكيل غمره علشان فاهمين وعندهم كل حاجه
وان شاء الله هاتطلع بسيطه و90 % سوء بنزين
برجاء يا جماعه اي حد يشتري 805 او اي عربيه تيربو ياريت اول تفويله تكون بنزين 95
وبعد كده حطلها 92 ...... حتلاحظ فرق ملحوظ
ماشاء الله عربية روعة بجد
زملائي الاعزاء اهلا بكم .... احب ان انقل لكم نتيجة حوار دار بيني وبين سائق بيجو 508 الجديده:
بعد السلام والتحيه دخلت علي طول فى الموضوع وسألته عن استهلاك البنزين وقالي......عالي جدا !!!!!
يعني بيعمل فى تفويلة 100جنيه (54لتر) فئة 92 حوالي 270-28كم فقط ..... انا استغربت جدا واكدت عليه اجابته واكد عليا ماقاله وقالي ده طبعا بتشغيل التكيف ومن غير التكييف بتعمل حوالي 310-320كم !!!!
اما السؤال التاني فكان عن الثبات والراحه ..... قالي:
فى المطبات بسمع صوت تخبيط ودب عالي ورا وبالاخص فى مطبات الفواصل .... وقارن بينها وبين الفانتازيا اللي كان راكبها قبل كده وقالي ...... بسمع برضه نفس الدب ولك اقل من البيجو
لكن بصفة عامه (علي حد قوله) انها جميله وطياره وسحبها وثباتها عالي
يعني كده إستهلاك ال 508 من البنزين عالي جدا
هل بيكون كده في اﻷول بس و بعد كده بيقل زي ما بيحصل مع إصحابنا بتوع الفوكس
و بعدين بقي..... هو كل ما الواحد ينوي تطلع مشكلة و إلا أيه....
برجاء النصيحة من ملاك الأسد 508 و خصوصا أ. أحمد فهمي
مشكله البنزين دى بتختلف عندى فى العربيه من بنزينه لاخرى وطبعا كله 92 يعنى ممكن افول والعداد يكتب ان العربيه تمشى 580 كيلو وبنزينه تانى زى وطنيه العداد بيكتب 650 كيلو ده جوه البلد وبالتكيف
وبالنسبه للدبدبه الى ورا اكشف على مساعدين الشنطه انا عندى كده واكتشفت ان الصوت منها بس لسا مروحتش التوكيل علشان يكشفوا عليها ممكن تكون محتاجه تتربط والبركه فى المطبات
الاستهلاك عالى اه لكن مش عالى جدا ولا حاجة، انا معايا جين2 بتعمل 10-10.5 / 100 كم وعموما انا بحسبها كدا لو المعدل الطبيعى كان 8.5 مثلا / 100 كم ايام اما كنت بستخدم ال95 يبقى الفرق فى ال92 مش هيوصل لتمن 10 لتر من ال95 او بشكل تانى لو المعدل الطبيعى 8.5 لتر / 100 كم وهى وصلت ل12 لتر / 100 كم فى اسوا الظروف يبقى 12-8.5=3.5 لتر / 100 كم ريادة يعنى 6.5 جنيه فى ال100 كم يعنى 65 جنيه فى ال1000 كم او فى الشهر مثلا مقابل الرفاهية دى ولا حاجة...
الارقام دى بتختلف على حسب اسلوب القيادة يعنى ممكن المود بتاعك بعد التفويلة من مكان مختلف عن المكان التانى واقول لحضرتك تظبطها ازاى فول وصفر كل القراءات وبعدين هات شاشة الاستهلاك اللحظى وثبت رجلك 10 كم مثلا على ان الاستهلاك يكون 8 لتر / 100 كم بنفس الحمولة فى نفس ظروف الطريق من ازدحام هتلافى الرقم كل مرة قريب جدا من التانى
هو ايه مساعد الشنطة دا؟
انا حاسس ان العفشة فعلا بتدب ورا بس مش بالشكل المريع يعنى دا فى الطرق الضايعة بس وفى فواصل الكبارى الرهيبة اللى بتطير العربيات لفوق لكن فى العادى الموضوع مقبول بدرجة كبيرة جدا ومش مشكلة تماما الفكرة ان الناس فاكراها زى ال504 فى متانة العفشة ودا طبعا فى الاحلام عشان ال504 دى كانت دبابة وملحوظة اخرى العربية دى لو كانت العفشة بتاعتها multilink كانت هتبقى اثبت بكتير بس كانت مش هتنفع تتركب مع الحجم دا كانت هتبقى ولا جرار زراعى بيتنطط فى الشوارع المصرية الاصيلة وانا شايف ان العربية انتشرت ما شاء الله انتشار الجراد.. الله يرحم لما كان كل شوية واحد يوقفنى يقوللى هى العربية دى نوعها ايه :Oc_sun1[1]:
ومازلت عند رأيى ان هذه السيارة تستحق وبجدارة كل جنيه بيتدفع فيها حتى بعد غلو الاسعار Money VS Value حتى وان وجدت بعض العيوب
ربنا يوفق الجميع للخير
اولا اهلا بيك ا/حمد فهمي
علي كلامك وحساباتك دي ..... كده يكون استهلاكها كويس جدا ومش شايف فيه اي علو جبار زي ما الراجل قالي
وفعلا كده بنزين 95 للعربيات التربو اوفر بكتير
طيب ليه الراجل ده بيقولي كده ...!!!! انا دايما لا بحب استشير سواقين ولا ميكانيكيه ..... دايما بيدوني نتائج فى الكلتش ومضروبه ولا بيفيدو الا بالقليييييل
الف مبروووك وعربيه تحفه وتستاهل
وربنا يحفظهالك
الف مبروك وربنا يباركلك فيها
تقرير جميل
اخبار استهلاك بنزين ٩٢ ايه؟ للموديلات اللي من اول ٢٠١٣؟
صحيح كان عندي سؤال
هي الكاتينه لل508 جنزير ولا كاوتش ؟؟؟
ألف مليون مبروك
عربية روووووووووعة بجد ولكني أخاف منها في الشوارع بتاعة بلدنا
علشان خاطر سواقين الميكروباصات وسواقين العشش فالخبطة فيها هتزعلني قوي
مليون مبروك يا باشا