موضوع جميل جداا ومفيد
موضوع جميل جداا ومفيد
طب هي مينفعش غبر بنزين 95
يعني الوكيل بينزلها بنزين 95 بس !!!
فعلا من 2013 وتم عمل Re Mapping وتم التشغيل بكفائه علي بنزين اوكتان 92
ولكن للحصول علي 163 حصان بكفائه ............ للاسف لابد من التعامل مع بنزين اوكتان 95
بنزين 92 حيديك تقربا فى حدود 150 حصان او اقل حاجه بسيطه ........... مش حتحس بالفرق الا لو بتشد او بتجري كتير او محمل العربيه علي مطالع ومحتاج عزم عالي
فعلا بيجو 508 ..... دائما فى جديد
فى امان الله
السلام عليكم انا اشتركت فى المنتدى مخصوص عشان انا ناوي اشتري عربية جديدة و محتار بين بيجو 508 موديل 2015 ( الموجود حاليا فى السوق ) الفئة الثانية H.L بدون فتحة سقف ب 274 الف و اوبل إنسيجنيا 2014 الفئة الثانية ب 275 الف . ياريت حد عندة عندة خبرة و عمل test drive لاثنين يفتي انا فى هذة المعضلة مع العلم أن الاوبل أعلى ارتفاعا على الأرض من بيجو و دة مناسب لشوارعنا فى مصر إلى مليانة بلاعات و مطبات . مشكلة اوبل التوكيل حسب ما سمعت. و كمان اوبل نازلة بشاشة لمس و ماوس.
ربنا يباركلك فيها يا اخي
الاوبل فيها اوبشنز اعلى كتير من ال 508
زى ضغط الهواء فى كل عجله والماوس التاتش والاوامر الصوتيه
غير انها اثبت بفرق ملحوظ
بعد زيادة سعر ال 508 فقدت المنافسه امام الانسيجنيا...هى كانت بتلعب فى رينج سعر لوحدها بلا منافسه من 200 -250 لان الباسات بره اللعبه بسبب الفتيس الكارثى..لكن بعد تعدى السعر 250 الف الانسينيا كلتها
البيجو على فكره تحسها على غير الحقيقه خفيفه بس يمكن ده عشان ارتفاعها عالي عن الارض بس في نفس الوقت ثابته جدا و ثبات لايقل عن الباسات ان مكنش اعلى و دول حاجتين عكس بعض بيجو قدرت تجمعهم يعني من الاخر نقدر نقول انها بتوفر اداء رشيق و ثبات جيد جدا
و الموضوع ده كنت بحسه لما اسوق الكورولا ال ٢٠٠٦ كنت بحسها رشيقه عشان ارتفاع عالي بس طبعا على السرعات ولا مراجيح المولد
بالنسبه للسيفيك قريبه جدا من الارض عكس الكورولا فكنت احسها في السرعات البطيئه تقيله في السحب مجرد احساس فقط مقايل ثبات معقول في الطوالي
و اللي ياءكد كلامي اني مثلا لما كنت بسوق السوزوكي sx4 كنت فاكرها مجرمة جري انما ده مجرد احساس وهمي عشان العربيه عاليه و لما شديت معاها بالهوندا الهوندا كلتها فوق و تحت بفارق كبير
اوبل انسيجنيا سعرها توب لاين =290 الف
بيجو 508 سعرها توب لاين = 272الف
السعه الداخليه للبيجو اكبر بفرق ملحوظ
اسعار قطع الغيار لصالح البيجو
استهلاك البنزين اقل فى البيجو عن الاوبل
الامكانيات اكتر فى الانسيجنيا بلاشك
لك الاختيار
ازي حضرتك يا استاذ هانب هما فب التوكيل قلولي ان الكوتش لو اتخرم او حصل في حاجه في سنسور يقول ان في حاجه حصلت بس مش زي الامسيجنبا يعني لو ضغط الكوتش قل شويه مش هتعرف بالنسبه للمرايا كنت سئلت في التوكيل قالو مفهاش لما قريت الكتلوج عملت زي حضرتك بالظبط جربت و بردو ولا الهوا :) اعتقد ان في حاجات في الكتالوج مش نازله في العربيه في مصر هما جايبين كل الموديلات
لو كلامهم مظبوط ان فيها سنسور بيحس ان الضغط اتغير يبقى المفروض يكون في لمبه في التابلوه او على الاقل يطلع تحذير على الشاشه
انا خايف اسئلهم اعرف منين ان في عجله مريحه يردوا و يقول لك ايوه يا فندم بالفعل فيه سنسور بحيث انك تسمع فسسسسسسسسسس
و بالنسبه لموضوع المرايات طالما مكتوبه في الكتالوج يبقى كل الموضوع انها مجهزه فعلا بس يمكن عايزه تتكود نظام software ليس الا انما تقول ايه في تكبير الدماغ
اشكر حضرتك جدا علي تحديث المعلومات ....... معلش الاسعار بتزيد بسرعه جدا
بالنسبه لحساس ضغط الكاوتش.........
بيركب بسعر خاص زي الرينو فلوانس بالظبط , وهو اصلا مابينزلش فى الفلوانس وبيركب فى التوكيل وبيقيس الضغط بالظبط وبيقولك كام الضغط بالارقام
فاكيد موجود عند التوكيل ولكن بسعر خاص
فى امان الله
المفروض انها مجهزة باللمبه علشان لما الكاوتش ضغطه يقل يقولك بس مش بيحدد الفرده ولا بيقيس
وللاسف مش نازله فى الموديلات اللى فى مصر
اعتقد حتتعدل فى الفيس لفت ويتحط نظام قياس ضغط الكاوتش من الداخل ككماليات
حنشوف
بالتوفيق
[youtube]https://www.youtube.com/watch?v=oyqJOdmeOH4&list=UUW2OUlFrrWiZvSsZRwOYmNg[/youtube]
الف مبروووك العربيه وربنا يباركلك فيها
تقرير رائع بصراحه
الأستاذ/ احمد فهمي ، تقرير أكثر من رائع وشكراً لك على هذا المجهود الجميل، وربنا يبارك لك في سيارتك ويحفظها لك
يوجد نوعان فى موضوع ضغط الهواء presure tire monitor ...
النوع الاحدث انه يوجد حساس خاص داخل الجنط و بيبين رقم الضغط منفصل لكل فرده على حده ... و ده احدث و افضل ...
و هو موجود كمثال فى السى الجديده w205 ...
النوع القديم و موجود فى البى ام و المرسيدس القديمه ... هو حساس اتزان واحد فقط فى منتصف العربيه ... و طريقه عمله انه بعد ما تظبط ال ٤ فرد بتعمله reset ... و عند فقدان اى فرده ٤/٦ درجات ... الحساس بيحس بعدم اتزان العربيه و بالتالى بيعطيك رساله check tire presure ... و بالكشف على كل فرده حتلاقى الى ناقصه فيهم .. تظبط ال ٤ فرد و تعمل reset ... و هكذا ...
ارجو ان اكون وضحت ...
تحياتى ...
ايوه فعلا مظبوط و النوع التاني كان عندي في الاوكتافيا و ليه زرار تعمل منه ريسيت بعد اصلاح الثقب لتخزين الضغوط الجديده و عشان كده انا كنت متاءكد ان ال ٥٠٨ مفيهاش الاوبشن ده لعدم وجود اي زرار او لمبه لهذه الوظيفه و ان اللي قال كده لاستاذ احمد عبد القادر كان بيفتي
تحياتي لحضرتك
أخي العزيز...أعتقد النوع الأقدم لا يعتمد على حساس في وسط العربية ....لكنه بيعتمد على سنسور الABS اللي موجود في كل عجلة عن طريق قياس سرعة كل عجلة
لو حصل أي إختلاف نتيجة تغيير قطر أحد العجلات سواء بالزيادة أو النقصان نتيجة اختلاف ضغط الهواء؛ سنسور الABS بيدي رسالة لكومبيوتر العربية اللي بدوره بينبه بوجود خلل في ضغط الإطارات
Indirect TPMS[edit]
Indirect TPMS do not use physical pressure sensors but measure air pressures by monitoring individual wheel rotational speeds and other signals available outside of the tire itself. First generation iTPMS systems are based on the principle that under-inflated tires have a slightly smaller diameter (and hence higher angular velocity) than a correctly inflated one. These differences are measurable through the wheel speed sensors of ABS/ESC systems. Second generation iTPMS can also detect simultaneous under-inflation in up to all four tires using spectrum analysis of individual wheels, which can be realized in software using advanced signal processing techniques. The spectrum analysis is based on the principle that certain eigenforms and frequencies of the tire/wheel assembly are highly sensitive to the inflation pressure. These oscillations can hence be monitored through advanced signal processing of the wheel speed signals. Current[when?] iTPMS consist of software modules being integrated into the ABS/ESC units.
مشكور على زياده التوضيح ...
هو فعلا مبنى على نظام الفرامل ABS و ايضا نظام الاتزان الالكترونى ESP ...
لكنه يشعر و يحدد فقط بعدم الاتزان الكلى و بالتالى رساله تحذير بالنقص فى احدى الاطارات ... و لكنه لا يحدد ايهما ...
و انا قلت حساس واحد لانى غيرت حساس tps واحد فقط فى الضمان فى بى ام e60 ... لانه كان بيطلعلى الرساله كل مشوار ... و بعد التغيير الموضوع اتظبط ... غالبا يوجد حساس رئيسى او كونترول يونيت بيعتمد على قراءات حساسات ال abs و esp ...
تحياتى ...
بس هى بتنزل بره مصر بنظام قياس الكاوتش وليه لمبه فى التابلوه بس للاسف مش نازل فى مصر ليه ماعرفش
انا الحقيقه محتارر جدا بين الكورولا وال ٥٠٨ .. انا ف السعوديه وتمن اقل فءه ٥٠٨ بيساوى تمن اعلي فءه كورولا ١٦٠٠ ... محتار جدا .. ايه رايكم؟؟
هى العربية ماشاء الله جميلة وربنا يخليها لك ولكن احنا عايزين نشوف الكنبة اللى من وره وسعر العربية :Ta_clap[1]:
انا حبيت اقول بس ان قطع الغيار رخيصه جدا بالنسبه لفئتها في الماركات الاخري مثلا فلتر البنزين ب 50 جنيه و فلتر الزيت ب 50 جنيه و المساعدين الاماميين ب 1000 جنيه و الاسعار دي من التوكيل بس المصنعيات غاليه
جبت لسته اسعار قطع غيار بيجو ٥٠٨ من الوكيل وقارنت بعضها مع كورولا من الوكيل طلعت ارخص وده بالنسبه للسعوديه ومعتقدش هيفرق عن مصر .. يعني فانوس ٥٠٨ ب. ٧٥٠ ريال بينما بتاع كورولا ١٠٠٠ ريال .. انا شكلي ممكن اشترى كورولا لسبين انى اوفر حوالي ١٤ الف ريال والتاني مش ضامن التوربو مع بنزين ٩٢ ع المدى الطويل واخاف يبوظ وادفع مبالغ كبيره .. وربنا يهديني للي فيه الخير
العربية الحمد لله ماشية ببنزين 92 زي الفل وقطع الغيار فى مصر معقولة جدا
وال508 فئة والكرولا حاجة تاني خالص يعني
حتى الان مافيش مشاكل جوهرية فى العربية اما التيربو فعمره الافترضي 150 الف كيلو ممكن تزيد وممكن تقل حسب طريقة سواقتك يعنى ممكن يقعد معاك اكتر من ال300 الف كيلو لو مشيك مافيهوش حرق كتير
باختصار زيها زى اى عربيه فامتقلقش منها خالص
واي استفسار احنا مع حضرتك
اكتر واحد جاب كيلوهات ب ٥٠٨ من غير مشاكل جوهريه كام كيلو ؟؟