فرن مالقيتشكمان Frv 1500

**hearty** · 31-05-2012 04:44 PM

بعد ما لقيت صوت العربية عالي جدا رحت التوكيل في ابو رواش و انا بعمل صيانة الستين بلغتهم بالعيب و قالو ان الفرن زهر و لو اتلحم هيفك و احنا مبنلحمش احنا بنغير بس و ان سعرة 4500 جنيه تقريبا حسيت بخنقة غريبة من هول السعر المهم رحت للميكانيكي فكة ورحت الحمة طلع حديد و بيتلحم عادي و الموضوع كله كلفني 45 جنيه وشكرا للتوكيل

**ostoraa** · 31-05-2012 04:55 PM

وهو كان الفرن فيه ايه اصلا؟
لان عندي حوار في الجالينا ان العربيه كل ما ادوس بنزين احس ان الالعربيه كلها بتزن وتنمل كده روحت لبتاع شكمانات قالي تلاقي الشكمان مخروم بص عليه لاقاه سليم فممكن يكون زي اللي عندك كده وياتري اروح اخليهم يكشفو عليها ولا اعمل ايه ولو روحت اكشف عليها هيتكلف كام الكشف؟؟

**ostoraa** · 31-05-2012 04:55 PM

يعني هل كان عندك في خرم في الفرن ولا ايه؟؟

**hearty** · 01-06-2012 05:22 PM

العربية كان صوتها عالى و كانت مؤثرة فى السحب ولما فكيته عند الميكانيكى طلعة حتتين (اللحام كان فاكك خالص ) علبة البيئة (الكتاليزر) لوحدها والحتة الى بتركب فى الموتور حتة لوحدها

**hearty** · 01-06-2012 05:27 PM

المشاركة الأصلية كتبت بواسطة ostoraa

وهو كان الفرن فيه ايه اصلا؟
لان عندي حوار في الجالينا ان العربيه كل ما ادوس بنزين احس ان الالعربيه كلها بتزن وتنمل كده روحت لبتاع شكمانات قالي تلاقي الشكمان مخروم بص عليه لاقاه سليم فممكن يكون زي اللي عندك كده وياتري اروح اخليهم يكشفو عليها ولا اعمل ايه ولو روحت اكشف عليها هيتكلف كام الكشف؟؟

هما بصراحة ما اخدوش اى فلوس ممكن عشان انا كنت بعمل صيانة الستين الله اعلم بس اقولك ممكن تلاقى الشكمان لازق فى جسم العربية نتيجة مطب خبط الشكمان من تحت دة يخليك تحس بهزة الشكمان و انت جوا العربية