اشتريت 2012 من 10 ايامfsv

**AHMEDBADWY** · 25-04-2012 08:31 PM

بسم الله الرحمن الرحيم
يا جماعه اشتريت برليانس fsvمن 10 ايام وبصراحه طلعت زي العجله الصيني لازم تتربط اول ماتجبها
اولا لقيت الكبوت معوج عاوز يتزبط
ثانيا بفتح الكابوت الي عاوز يتزبط لقيت خرطوم رشاشات المسحات وقع
ثالثا لقيت الدركسيون بيرف قلت ترصيص رحت ارصص لقيت الكوتش هو الي وحش
رابعا ودي المفاجأه لقيت زيت نازل تحت العربيه مصدقتش وفتحت الكبوت لقيته نازل من المتور حطيت كيلو وربع زي ورحت للميكانيكي قلتله بص قلي اويل سيل الكرانك بيجيب زيت
خامسا التكيف مفهوش فريون
سادسا سحب المتور ضعيف جدا لازم تكبس الدواسه عشان تجمع
سابعا تقفيل العتب من الداخل مش راكب
مطولش عليكم رحت التوكيل كان العربيه عامله 1200 ك م مفيش مهندس كلف خاطره وبص على العربيه واستقبلها العامل ودخلت وبعد انتظار 3 سعات بسأل المهندس بالصدفه ايه الاخبار قال صحيح كنت ناسي العربيه هتبات عشان يظبتوها ورحت تاني يوم بسأل ع الفاتوره قالي 750 جنيه قلتله ليه قالي الفريون على حسابك والزيت والفلتر ونسيت اقول ان الكاسيت كان بيهنج وطلع العيب في فيشه الكنتاك والنهاردا فولت العربيه لقيت امبير البنزين معلق ع الربع طفيت العربيه ودورتها اشتغل
وكفايه كده عشان اتخنقت من كتر الكتابه
والسلام عليكم ورحمه الله وبركاته

اللون الاحمر مخصص فقط للمداخلات الاشرافية والادارية

مشرف 3ب
26/4/2012
4.00am

**midosalah** · 26-04-2012 12:25 AM

هو حضرتك اشتريت fsv 2012 منين ؟؟

**mody3on** · 26-04-2012 12:35 AM

كل دي عيوب ؟ انت اشتريتها من توكيل ولا معرض ؟

**AHMEDBADWY** · 26-04-2012 12:38 AM

الوكيل بتعها

**AHMEDBADWY** · 26-04-2012 12:43 AM

من التوكيل والله يا جماعه

**MARYJOJA** · 26-04-2012 03:17 AM

الى الأستاذ أحمد بدوى

يا ريتك تفهمنا القصة كدة بالراحة علشان اللى انت بتقوله ده ممكن يطير فيه رقاب
اولا العربية gl ولا gls ثانيا هى فعلا موديل 2012 لان اللى نزل من موديلات 2012 gl بس وناس كتير مستنية ال gls وواضح ان عربيتك مش زيرو وموضوع الكبوت المعووج ده معناه ان فى حد اشتراها بالقسط مثلا من التوكيل من الشحنة الاولى ال gl وعمل بيها حادثة ورجعها التوكيل وخد نسبة من فلوسه وبعدين التوكيل باعهالك بعد ما ظبطها تظبيط تجارى أو شكلى .
يا ريتك تروح للسمكرى وتخليه يكشف على العربية حتة حتة مع ملاحظة عايز اعرفهالك ان الدفعة الاولى الgl معظمها كانت نازلة لشركات وطبعا شركات يعنى سواقين وبهدلة وقلة ضمير وأعتقد ان ده هو الاحتمال الأقرب. حاول تروح للسمكرى زى ما قلتلك وربنا يوفقك .