الموضوع: كيف تحكم على مشروع بأنة ناجح ؟

الف مبروك على المحل ...
7 شهور مدة صغيرة عشان تحكم على اداء المحل .. مش اقل من سنة , لكن على وجه العموم لو الدخل مغطي الايجار يبقى معقول كده مع الاخذ في الاعتبار اني لو في جيبي 10 جنيه هفكر اجيب عيش للبيت قبل ما افكر في اكسسوار و ده بسبب ان البلد مش مظبوطة ..
مهم جدا تعرف نوعية الزبائن و نوعية البضائع عشان تقدر توفر السلعة المطلوبة ..
الفترة دي اللي السوق كله نايم فيها تعتبر فترة ذهبية ليك تقدر فيها تدرس في هدوء و بدون ضغط نوعية الزبائن و اهوائهم و مستواهم المادي و اذواقهم و طريقة عرض البضاعة بالشكل الجاذب ليهم و اهم حاجة البياع اللي شغال معاك , و كمان تتعلم مسك الدفاتر و نظام المخازن و الكميات الحرجة اللي لازم تكون موجودة و تفاصيل كتيرة جدا .. الفترة دي هتكون كويسة جدا ليك انك تدرس كل ده بدون ما تكون تحت ضغط البيع و الشراء .. كمان نسيت اقولك انك كمان هتقدر توصل لموردين اكتر و شروط دفع احسن في الفترة دي ..
تمنياتي بالتوفيق و النجاح و ابشرك ان السوق الداخلي بدء في التحسن من بداية شهر 5 و الصيف بيكون موسم عمل كويس ان شاء الله

المشاركة الأصلية كتبت بواسطة solyelissa

شكرااا لحضرتك ... ربنا يطمنك .. يعني السوق مريح كدة علي طول ؟؟؟ ولا فترة ؟

كمان حضرتك شايف ان المدة الي نحكم بعدها مش اقل من سنة ... دة اللي كنت عايز اعرفة .

و موضوع تغير النشاط دة .. لو الدنيا ما مشتش حيبقى صعب جدااا

بص يا سيدى... طبعا كل حاجة اليومين دول مريحة... فعلا انا شايف ان سنة مدة كويسة عشان تعرف ان المشروع فى طريقه للنجاح ولا الخسارة....وطالما مكفى احتياجته فى اول 7 اشهر ان شاء الله هينجح
بس لبى احتياجات العميل على قد ما تقدر... وفعلا المعاملة بتفرق كتييير... كام مرة تخش محل و تقول هاجى اشترى من هنا تانى عشان المعاملة..... وكام محل تانى متحبش تخشهم و لا تحب تشترى حاجة بسبب الاهمال و سوء المعاملة.... دى نقطة مهمة

زي ما قالوا الاعضاء ان 7 شهور لسه متقدرش تحكم عليه, وبعدين لازم كمان تلبيه اازواق المنطقه اللي شغال فيها
وحاول تعمل عروض تسويقيه عشان تشغل نفسك وتكتر زبونك ف البدايهوحوار الاعلان د ا سيبك منه غالي جدا خليك ف االعملاء وارضيهم والعملا نفسهم بيجيبوا بعض ودي تعتبر دعايه برده بس مجانيه و النهايه اقولك ربنا يوفقك ويكرمك

المشاركة الأصلية كتبت بواسطة mazagangee

الف مبروك على المحل ...
7 شهور مدة صغيرة عشان تحكم على اداء المحل .. مش اقل من سنة , لكن على وجه العموم لو الدخل مغطي الايجار يبقى معقول كده مع الاخذ في الاعتبار اني لو في جيبي 10 جنيه هفكر اجيب عيش للبيت قبل ما افكر في اكسسوار و ده بسبب ان البلد مش مظبوطة ..
مهم جدا تعرف نوعية الزبائن و نوعية البضائع عشان تقدر توفر السلعة المطلوبة ..
الفترة دي اللي السوق كله نايم فيها تعتبر فترة ذهبية ليك تقدر فيها تدرس في هدوء و بدون ضغط نوعية الزبائن و اهوائهم و مستواهم المادي و اذواقهم و طريقة عرض البضاعة بالشكل الجاذب ليهم و اهم حاجة البياع اللي شغال معاك , و كمان تتعلم مسك الدفاتر و نظام المخازن و الكميات الحرجة اللي لازم تكون موجودة و تفاصيل كتيرة جدا .. الفترة دي هتكون كويسة جدا ليك انك تدرس كل ده بدون ما تكون تحت ضغط البيع و الشراء .. كمان نسيت اقولك انك كمان هتقدر توصل لموردين اكتر و شروط دفع احسن في الفترة دي ..
تمنياتي بالتوفيق و النجاح و ابشرك ان السوق الداخلي بدء في التحسن من بداية شهر 5 و الصيف بيكون موسم عمل كويس ان شاء الله

اشكرك بشدة علي شعورك الطيب .. الله يبارك في حضرتك

انا مش عايز الفترة الذهبية دي ... ههههه وبعدين انا الزباين عندي مش كتير علشان ادرسهم من اول شهر عرفت ان الحاجة الغالية اصعب في بيعها من الرخيص او المتوسط يعني كام ذبون هو اللي بيشتري من غير ما يسأل علي السعر والباقي والنسبة الاكبر هو اللي بيفاصل و عايز الرخيص ... بالنسبة للموردين قصد حضرتك تجار الجملة ؟ وبالنسبة لشروط دفع احسن فمحدش بياخد اجل مش عارف هو النظام كدة ولا اية ؟ كلهم بيخدوا فوري وانا اللي بنزل اشتري البضاعة يعني محدش بيجي يوردلي حاجة ..

انا عارف طبعا ان لو حد معاة 10 جنية حيشتري حاجة للبيت اكل مثلا .. افضل ما يشتري لعبة لابنة او اكسسوار او طرحة مثلا .. علشان كدة بحاول اشوف حاجة تكون استهلاكها اعلي ادخلها
كمان دة ينطبق علي محلات اخرى بتبيع لعب اطفال وملابس مثلا وبردو مستمرين وفتحوا فروع كمان .. بس بصراحة انا مش عارف استمروا ازاي ؟؟ هههههه

يعني مثلا انا بشوف محلات ايشاربات مثلا وعندة عمالة كمان بنتين وكاشير دة مثلا نشاط مشابه بس ازاي بيدفع مرتبات الناس و يمكن ايجار كمان ويوفر هامش ربح كبير ... لو سلمنا بنظرية ال 10 جنية .. اكيد هو كمان محكوم بمنطقة معينة .. ودة ينطبق علي علي محلات الاطفال والملابس وكل السلع اللي مش استهلاكية

شكراا علي تمنياتك الطيبة ... تقبل تحياتي

المشاركة الأصلية كتبت بواسطة zrzr1

زي ما قالوا الاعضاء ان 7 شهور لسه متقدرش تحكم عليه, وبعدين لازم كمان تلبيه اازواق المنطقه اللي شغال فيها
وحاول تعمل عروض تسويقيه عشان تشغل نفسك وتكتر زبونك ف البدايهوحوار الاعلان د ا سيبك منه غالي جدا خليك ف االعملاء وارضيهم والعملا نفسهم بيجيبوا بعض ودي تعتبر دعايه برده بس مجانيه و النهايه اقولك ربنا يوفقك ويكرمك

فعلا انا صرفت نظر عن موضوع الاعلان دة غالي جداا ... بس بحاول اشوف اي طريقة اعمل بيها دعاية وتكون مش مكلفة... في ناس في المنطقة اول مرة تيجي من فترة قريبة وبتقول احنا منعرفش ان في محل فتح هنا اللي يقول اصل مش بعدي من الشارع دة .. وااللي يقول انا ساكن قدام شوبة .. حاجة من هذا القبيل

شكراا وربنا يكرمك

المشاركة الأصلية كتبت بواسطة النوبي

لا ياجماعه معلش لاكن 7 شهور مش قليلين ومش فتره كبيره ماشي لاكن علي الاقل تقدر تقيم من خلالها السوق وشغل المحل
السوق مريح يبقي الشغل يوم تحت ويوم فوق انما كل شهر مبيدخلش غير مصاريفه يبقي فيه حاجه غلط
انا اعتذر لصاحب الموضوع لو كلامي ممكن يتسبب له في بعض الضيق وده رأيي الشخصي من خلال عملي يحتمل الصواب ويحتمل الخطأ

بالعكس رأي حضرتك لم يضايقني اطلاقا ... والا ما كنتش سألت اصلا ..