الموضوع: كيف تحكم على مشروع بأنة ناجح ؟

المشاركة الأصلية كتبت بواسطة solyelissa

شكرااا لردك الكريم ..

المحلات المجاورة كالاتي محل بيتزا - ادوات كهربائية -صيدلية- -سوبر ماركت -محل خضراوات- ومحل لسة فاتح فرن عيش شامي- كوافير ومكتب تكيف- ولا يوجد مثل النشاط الا محل صغير ولكن يفتح يوم ويقفل باقي الاسبوع مش في دماغة يعني .. والاسعار ارخص من السوق ... والمفروض المنطقة سكنية ..

يعني بمثل هذة المواصفات المفروض يكون اية ؟؟ يعني الموضوع كدة صح ولا غلط ولا اية ؟؟؟

معلش الظاهر انك مش بتقعد في المحل وسايبه لحد يقف فيه وكمان برضه احتمال ان حضرتك مش متابع السوق كويس في القصه دي
يبقي اهم شيء انك تفضل في المحل فتره اطول وتتابع بنفسك الشغل وحركه الزبون وهل الزبون بيتقدمله معامله كويسه ولا لا
هل العرض بتاعك ملفت وفيه ناس بتدخل بس مفيش بيع (ده عادي) يبقي انت كده بتكسب لانهم مجرد انهم يدخلوا عندك ده مكسب بعيد المدي
طيب مابيشتروش ليه
1-ملقيش اللي هو عايزه ولا حتي قريب منه (ودي متوقفه عليك انت لانك المفروض انت اللي تشتري بضاعه المحل وعارف ايه اللي ماشي )
2-السعر
3-الخدمه والاهتمام ودول من اهم اسباب النجاح
نضافه المكان من حيث الخامات بتاعه التوضيب والديكور ودول بيجيبوا الزبون اللي بيشتري
لان الزبون بتاع الفرجه لما بيشوف المكان نضيف قوي بيقلق انه يدخل وميشتريش

معلش لو انت مقصر في شيء من دول يبقي السبب عدم الاهتمام بالمحل وجعله ثانويا
المشاريع الخاصه سهل انها تفشل وصعب انها تنجح
بتفشل لان الناس فاكره انك هتفتح وتبيع وشكرا وطبعا دي فكره غلط
وبتنجح لان الواحد بيركز وبيبذل مجهود في ارضاء اكبر شريحه بتدخل المحل
علشان كده فيه ناس بتفتح محل واتنين وعشره بس اول ما بيفتح محل مش بيسبه وبيبقي شويه وهيبات فيه علشان يتأكد ان الزبون بيلاقي معامله جيده وان طلبات الزبون موجوده وبعد كده بيتابعه من بعيد
الصح كده