الموضوع: قيادة السيارة المانيوال بدون دبرياج - في حالة انقطاع سلك الدبرياج

المشاركة الأصلية كتبت بواسطة wesam_salom

هههههههههههههه
فكرتنى بأيام العربيه الريتمو
انا رجعت بيها من عبود لحد طنطا بدون سلك دبرياج
الله لا يعودها ايام
كان معايا عربيه ريتمو كانت بتقطع سلك دبرياج كل شهر او اسبوع وساعات مبيكملش يومين
بسبب انى اول ما اشتريتها كنت ركبت واحد بنفسى بس معرفتش اركبه
فحك فى الصاج اللى السلك بيعدى منه وكحته
وبعدها عمر السلك ما يركب مظبوط
كان دايما معايا سلك احتياطى فى شنطه العربيه
وكتير جدا كانت بتقع وامشى بيها
لحد ما خلاص كنت حاسس انى راكب اوتوماتيك من غير دبرياج
وكان الدبرياج هو اكتر حاجه مخليانى نفسى اغير العربيه
وجربت كل الحلول ومنفعتش
لحد ما بعتها بعد ما قعدت معانا 10 سنين
وبعدها كنت مصر اشترى اوتوماتيك
ماهو اللى اتلسع من الريتمو ينفخ فى الهيونداى

المشاركة الأصلية كتبت بواسطة saif3s

ياه فكرتنى بايام زمان (ده انا باين عليا عجزت ولا ايه)
الموضوع ده عملته فى عربيه فيات ريتموا كانت معايا سنه 94 و مشيت بيها كده من كفر الدوار الى الاسكندريه,
فكرتنى والله زى ما يكون أمبارح

المشاركة الأصلية كتبت بواسطة mkhalifa73

عملتها قبل كده بالريتمو
وعلشان الغيارات متزعقش بعد كده
لازم تحرق الغيار اللى انت ماشى عليه وتقوم ناتش الغيار اللى بعده بسرعه جدا هتلاقيه بينقل بمنتهى السهوله

هو ده كان عيب فى كل الريتمو ولا ايه

وانا كنت فاكر ان عربيتى بس اللى بايظه

المشاركة الأصلية كتبت بواسطة R A N A

حلوة الطريقة دي في حالات الطوارئ بس للأسف انا مش مستوعباها خالص غريبة اوي ان الفتيس ممكن ينقل لوحده من غير ماتكون دايس دبرياج لو انت علي السرعة اللي بعديها
بصراحة مش قادرة افهما خالص :k41:

وبصراحة هاخاف اجربها كمان

اوعي تجربيها خالص في النيو ازكان هيا بترزع اصلا واحنا دايسين دبرياش ههههههههه

الموضوع ده مايحصلش غير فى العرربيات القديمه بس
اللى فتيسها متلين جامد او متاك كمان بس

انا بئى ووالدى عملنا الجديد انا مشيت 120 كم من غير سلك (بنزين)
كنا على الصحراوى بعربيه داتسون مو 80 وسلك البنزين اتقطع
بطلت العربيه وحطيت طوبه عند سوستة الاكسراتير تخليه اكنها دايسه بنزين على الاخر
وركبت العربيه وجيبت الاول وانا دايس دبرياج ودورت وشيلت رجلى من عالدبرياج طبعا العربيه فحتت وطلعت تجرى اقوم دايس دبرياج وناقل بسرعه فى اقل من الثانيه وهكذا العربيه ثبتت سرعه على 150 وفضلت ماشى بيها كده لحد ماوصلت
داخل المدينه اومت مغير الطوبه بواحده صغيره عشان اعرف امشى بالراحه لحد ماوصلت عند ميكانيكى
حطلى سلك فرامل بتاع فيزبه مكان سلك البنزين وشغال لحد دلوائتى هههههههههه
فكرة الطوبه كانت فكرتى ووالدى اللى كان سايق

الموضوع مهم جدا
وفعلا زى ماحضرتك قولت الكلام ده حساسا جدا
وماينفعش نستعمله الا للضروره القصوى لحين الوصول لاقرب ميكانيكى ولو ينفع تتصرف وتجيب الميكانيكى يبقى افضل