قيادة السيارة المانيوال بدون دبرياج - في حالة انقطاع سلك الدبرياج

**ahmedezzat78** · 14-11-2008 01:41 AM

عكلتها زمان مرتين فى عربيتى 128 الله يرحمها
و فى عربيه والدى مازدا لما ماستر الدبرياج باظ مشيت بيها للميكانيكى

بس اعتقد ان الموضوع صعب يتعمل فى فتيس جديد لانه بيبقى محكوم و التروس مش متاكله

لكن الفتيس القديم فيه بوش

زى لما تكون العربيه بتتحرك و تجيب الاولانى ........... لو فتيس جديد مش هيرضى الا بصعوبه

**Amrrr** · 14-11-2008 03:19 AM

كتييييييييييييييييييييييي ر بعربيتي القديمة سيات 133 واول مرة كنت مخضوض جدا لحد ماتعودن على الموضوع دة

**د.أبونضال** · 14-11-2008 05:12 AM

عملتها لما زيت الباكم فضي من الدبرياج ، بس طبعا كانت حاجه مزعجة جدا لأن إذا اضطريت أقف فجأة كانت العربية بتبطل ..لكن ركبت مع سواق تاكسي مرة ما كانش بيستعمل الدبرياج خالص كان بيعرف بالظبط امتى يحرك العصاية من غير ما يدوس دبرياج ويحطها في النقلة الأعلى أو الأوطى .. كان فيلسوف في السواقة الحقيقة..

**Sameh** · 14-11-2008 06:34 AM

المشاركة الأصلية كتبت بواسطة KareemSafwat

مينفعش تبطل ال عربيه و تنقل من غير دبرياج, كده هتكسر الجيربوكس علشان المفروض سرعة الموتور و العجل تكون متقاربه, حضرتك لما بترمي بتكون دايس دبرياج لحد ما تتزء و تاخد سرعه.
أنا جربت الطربقة ده في كل العربات و نفعت. كل الفكره إنك بعد ما تفك الغيار توازن برجلك على البنزين مابين دورات المحرك و سرعة العربية. كده كإنك لغيت دور الدبرياج و هو فصل حركة الموتور عن العجل علشان كده الإثنين نفس السرعه.
مثال: العربيه علي التاني سرعتها 40 على 3000 دورة, لو نألت التالت هتكون 2000 دوره على نفس السرعه. علشان تنقل من غير دبرياج لازم بعد متفك التاني تدوس سنه صغيره تخلي عدد الدورات حوالي 2000 و تنقل بكل بساطه.
محتاجه بس شوية تعود.

+1

كنت لسة هرد أقول كدة ، لو هو خطر والموتور داير والعربية ماشية ، ما بالك لو العربية ماشية والموتور متوقف ؟؟ بالإضافة إنه خطر جدااااااً تبطل الموتور والعربية بتتحرك عشان بتفصل ضغط زيت الفرامل والباور وده فى منتهى الخطورة حتى لو للحظات

**KareemSafwat** · 16-11-2008 01:07 AM

المشاركة الأصلية كتبت بواسطة Sameh

+1

كنت لسة هرد أقول كدة ، لو هو خطر والموتور داير والعربية ماشية ، ما بالك لو العربية ماشية والموتور متوقف ؟؟ بالإضافة إنه خطر جدااااااً تبطل الموتور والعربية بتتحرك عشان بتفصل ضغط زيت الفرامل والباور وده فى منتهى الخطورة حتى لو للحظات

كلامك صح طبعا بس أنا سعات في الإبيزا كنت بجيب الفتيس على المور و أبطل العربية و هي ماشيه علشان أشيل المفتاح من الكونتكت أفتح بيه التبلوه و أنا ماشي من غير ما أركن و بعد كده أشغل العربيه و أكمل ولا كإن في حاجه حصلت :D

**karimone** · 30-01-2009 04:24 PM

تبطيل العربيه اثناء سيرها غلط جداً لانه ببساطه ممكن الدركسيون يسوجر و ماتعرفش توجه العربيه و ده ممكن يتسبب في حادثه جامده لا قدر الله

**kasten** · 23-10-2009 09:38 PM

إعمل نفسك ميت

**magyver** · 24-10-2009 03:54 AM

انا باعملها كتييير جدااااااااااااا

**MohamedFadel5** · 24-10-2009 04:38 PM

المشاركة الأصلية كتبت بواسطة karimone

تبطيل العربيه اثناء سيرها غلط جداً لانه ببساطه ممكن الدركسيون يسوجر و ماتعرفش توجه العربيه و ده ممكن يتسبب في حادثه جامده لا قدر الله

+111111111111111111111111111111

**goge** · 24-10-2009 06:14 PM

انا بقى اجبرت عليها لان عزيزنى 128 الله يكرمها كانت وصلت لاخرها منى اول ما اتعلمت السواقة و راحت فاصلة دبرياج فى شارع الميرغنى عند بوابة بيت الريس و عينكم ما تشوف الا النور اتسمرت فى مكانى و مردتش اتحرك و لا اكلم فى موبايل و لا حتى ابص جنبى لغاية واحد من امن الرياسة جه لغاية عندى و قالى اتحركى قلتله هات ونش يحركنى العربية مش راضية تشتغل بصراحة اصلا مكنتش عارفة اوصف المشكلة بدقة المهم قالى البطارية نايمة قلتله لا بتشتغل بس العربية مش بتجيب لا اول و تانى هات الونش ينقلنى من هنا المهم جاب لى الونش فى 5 ثوانى و زقنى و كان الونش هيسيبنى فوق نفق العروبة و كمان ع الشمال لولا صرخت فى الضابط انه يسيبنى ازاى هنا لازم يودينى ع اليمين علشان الطريق ده سريع و انا مش هاعرف انقل و كمان يبعدنى عن النفق و الحمد لله تم المراد بعد ما اعصابى راحت و كلمت والدى و جه ساقها بدون دبرياج لحد الميكانيكى بس اعصابى
ده الموقف النذل الوحيد اللى عملته عزيزة معايا بس بجد الله يكون فى عونها منى اول ما بدأت السواقة الان الحمد لله هى ربنا يحرسها زى الفل
اسفة ع الاطالة بس كل ما حد يفتح الموضوع ده افتكر بيت الريسربنا ميكتبها على حد