الموضوع: أعمل صيانة ال 10 الآف للنيو ألنترا في التوكيل ولا برة التوكيل

المشاركة الأصلية كتبت بواسطة ashturbo

السلام عليكم أسعد الله أوقاتكم ويارب تكونوا في أتم صحة وعافية ..

أنا عامل 9800 كيلو دلوقتي وعاوز أعمل الصيانة برة التوكيل فهل أعمله في مركز بره التوكيل ولا أعملها في التوكيل وأيه مفروض يتعمل في الصيانة دي أنا بعمل الموضوع ده علشان لو روحت التوكيل أحتمال أعمل خناقة جامدة معاهم فقولولي رأيكم أيه خاصة أن المركز مش معتمد هو مركز نظيف وكبير وبشوف عربيات كرايسلر وميني كوبر وهيونداي ودايو بيصلحوا عنده فهل ده مقياس ولا أيه رأيكم وقطع الغيار أجيبها من فين في أسكندرية ويكون محل ثقة ولو في مركز معين في أسكندرية حد جربه وطلع محترم يقول وأكون ممنون ليه وشكراً لأهتمامكم وردودكم مقدماً .

للاسف احنا لازم ندفع فلوس طول فترة الضمان ( للتوكيل او مركز معتمد )
لازم كل شهرين (تدفع فلوس ) رغم ان بعد ما ها تخلص فترة الضمان .. هاتلاقي انك كنت بتدفع ضعف الفلوس هناك
ومانتش عارف بيعملو ف عربيتك اية ... ( للاسف للاسف مافيش رقابة ) وممكن العربية زي ماتدخل تخرج منه تاني وها تدفع مصنعيات غالية وعلي الفاضي بس انتا مجبر علي ذلك

بالنسبة لقطع الغيار ..
فية معلومة مهمة ... للاشياء المهمة مثلا ( طقم سيور وخصوصا الكاتينا ) لازم من التوكيل ( علي سبيل المثال ) انتا لسة بدري علي الموضوع دة
زيوتك خليها من بره عادي ..

بالتوفيق

التوكيل أضمن وأحسن