الموضوع: إستشاره لكل الياريساويه لأنى احترت بخصوص ميعاد تغيير زيت الفتيس الأوتوماتيك

المشاركة الأصلية كتبت بواسطة asemx1

جيت على الجرح
لسه مغيره امبارح بزيت تويوتا اصلى صنع فى اليابان ب 220 جنيه 4 كيلو
الحكايه .... .... .... اسرح معايا

بقالي فتره العربيه بتنتش من الاول للتانى وسعات تروح
قولت ايه يا بت يا ياريس اوتوماتيكييك باظ ولا ايه
قومت قولت اشوف الزيت
لقيت لونه اسوووووووووووووووود .... يانهار اسود دا بيبقى لونه احمر زى الشربات جه منين السواد دا كله
ياخساره دا انا كنت عايز افضل الزيت دا بعمر العربيه
قولت لا اغير بقى
جبت الزيت وطلعت عند ميكانيكى تبعنا كدا
قام فاكك المصفحه وفاكك الطبه بتاعت الفتيس ونزل الزيت ( اذ الاقى لوننه اسود اكنه زيت ماتور محروق بالظبط )
بعد ما الزيت نزل كله قام فاكك الغطا تحت وطلع الفلتر ونظفه ببنزين واسبراى
وقام عامل جوان كدا على المقاس وقام مركب
حطينا الزيت 4 كيلو فى خرم المقاس ودور وشغل واذ الاقى بسم الله ماشاء الله نعومه فى النقل وسلاسه فى الحركه

نصيحه يرجى تغيير الزيت على 50 الف كيلو بالكتيييييير
انا مغيره على 82 الف ونازل هباب ............ حفاظا على الفتيس
تكلفه التغيير ..
1 - 220 جنيه زيت اصلى تويوتا جركن 4 كيلو صنع فى اليابان
2- 55 جنيه جوان غطا فتيس عموله + اسبراى + سيليكون
3- 40 جنيه مصنعيه


تحياتى لكم ... م\ عاصم جاد

شجعتني اني اغيره يا باشمهندس عاصم

انا كنت ناوي اغيره لان برضوا بحس بنتشات كدة سعات في النقل خصوصا على السرعات العالية

وكنت قريت في الكتالوج بتاع العربية انه بيتغير عند 40 الف كيلو

رحت لمركز خدمة معتمد قالي مش بيتغير ووراني انه مكتوب على مقياس الزيت

No need for replace under normal driving condition

هو انا الزيت عموما طالع لونه وردي غامق مش مسود بس ناقص شوية

فان شاء الله هروح اغيره من باب الاحتياط برضوا

بس هي العربية سمعت انها بتاخد 3 لتر بس !! ؟ انت حطيتلها 4 لتر ليه ؟