الموضوع: رايكو ايه هيونداى I30 وله دايهاتسون ماتيريا

بدام قسط يبقى لا دى ...ولا دى
الخسارة هاتبقى مضاعفة (فايدة +سعر اعادة بيع )
يعنى ممكن توصل الخسارة اكتر من نص تمن العربية
حرام

المشاركة الأصلية كتبت بواسطة Migo123

الماتيرا فئة من العربيات لسه ما انتشرتش في مصر .... فئة الميني فان والفئة دي تضم حاليا :
الدايهاتسو الماتيرا 100-107
الهيونداي الماتريكس85-90
سكودا رومستر 108-
كيا كرانز بس غاليه عشان 2000 سي سي
رينو سينك 150 - 165
الاوبل كانت عارضه عربيتين من نفس الفئة (زافيرا وواحده تانيه) وبيقولو ها تنزل في خلال شهر والسعر في حدود 130 الف بفتيس ايزي ترونيك بتاع الاوبل
فولكس فاجن نزلت عربيه من نفس الفئة السنه اللي فاتت بس ضايعه

المهم مميزات الميني فان ايه بقه
- الصالون بيديلك احساس بالوسع نتيجه لارتفاع السقف
- المساحه المخصصه للارجل اكبر لوضعية الكراسي العالية
- مساحة التحميل في الشنطة اكبر رأسيا وبتبقى مهوله لو الكراسي الخلفيه بتتشال او تنثني للامام يبقى معاك عربيه نص نقل
- عربيات مناسبه للرحلات والتخييم و دي ثقافه مش منتشره في مصر قوي

عشان كده العربيات دي كلها لم تحقق اي انتشار في مصر باستثناء الماتريكس وده راجع لسعرها المنافس

اللي بيدفع اكتر من السعر بتاع الماتريكس بيبقى عايز عربيه شياكه وبرستيج وفي عرف المصريين الشياكه في العربيه الطويله ....... السيدان يكسب في الاخر

انا شخصيا شايف العربيات دي ممتعه وعمليه جدا في الاستخدام اليومي ومناسبه للسفر بدون مشاكل .... لاني لما بسافر يومين باخد الشقه كلها معايا تقريبا ( ملابس ولعب وعجل وسكوتر ووووووو ..........)

نرجع للسؤال بقه
الماتيرا عربيه ياباني بسعر 107 بتاخد فيها كماليات تكلفك في العربيه الهيونداي الكوري حوالي 117 تقريبا يعني الياباني ارخص من الكوري
وكمان وكيل الكوري بدون منافس أسوء وكيل عربيات في مصر
والموضوع مش موضوع يا باني وكوري الموضوع ان نفس العربيتين بعد 5 سنين شوف دي حالتها ايه ودي حالتها ايه
عن تجربه للكوري لا يصلح لحاله الشوارع بتاعت مصر ......... هي عربيات جميله بس عايزه شوارع حرير ... غير كده العربيه ها تشخلل في خلال 3 - 4 سنين بالكتيير ومش هاترجع تاني زي الاول لو عملت فيها ايه خصوصا مع مستوى الخدمه السيئ عند الوكيل.
لو عاجباك I30 بص على السوبارو امبريزا اعتقد انهم كانو بيحاولو يقلدوها
وفرق السعر بينهم ضعيف جدا ولا يستحق التضحية بالامبريزا

شكرا يا باشا انا كان نفسى اسمع الكلام دا عن العربيات اللى تشبه الماتيريا بس بصراحه انا عجبانى الماتيريا جدا و الحمد الله استقريت عليها بس لسه بشوف نظام تقسيط كويس و اجبها علطوووول بأزن الله و ادعووووولى اجبها ان شاء الله

المشاركة الأصلية كتبت بواسطة king_de_egypt

شكرا يا باشا انا كان نفسى اسمع الكلام دا عن العربيات اللى تشبه الماتيريا بس بصراحه انا عجبانى الماتيريا جدا و الحمد الله استقريت عليها بس لسه بشوف نظام تقسيط كويس و اجبها علطوووول بأزن الله و ادعووووولى اجبها ان شاء الله

كنت بشوف فيلم" مسجون ترانزيت" امبارح تور الشريف كان عايز يشتري عربية فصلاح عبد الله قاله اشمعنا العربية دي بالذات فيه أحسن منها راح قايله "الركوبة أمزجة" عجبتني أوي الكلمة دي وهي فعلا واقعية

يعني أنا مثلا الماتيرا دي بالنسبالي شايفها انها المفروض يرخصوها "تحت الطلب" مش "ملاكي" :) لكن هي عاجباك فتوكل على الله وهاتها لان مهما أقنعناك بغيرها من الملاكي مش هتقتنع الا بسيارة تكريم الانسان دي :)

المشاركة الأصلية كتبت بواسطة Migo123

توكل على الله يا باشا وان شاء الله مش هتندم ---- سيبك من كلام الناس اللي مش عاجبهها الشكل المهم يبقى عاجبك انت----- بس برضه توقع لما تجيبها شوية سخافه من نوعيه ان البواب يضحك اول ما يشوفها او واحد غلس يوقف جنبك في الاشاره ويطلع راسه من الشباك ويقولك ............. وحدووووووووووووووه

على فكره التقسيط بتاعها مباشر مع الوكيل من غير بنك
ودي ميزه كبيره
روح فرع المعادي
او فرع المهندسين اللي في شارع السودان


وربنا يوفك ان شاء الله

ههههههههههههههههههههههههه ههههههه وحدووووووووووووه هههههههههههههههههه هقولو لا اله الا الله :) يا عم اللى يقول يقول المهم ان الواحد يركب العربيه اللى مريحاه شكلا و مضمونا و بعدين فى ناس كتييير حابه شكلها و فى ناس مش حابه

انا رأيي ماتيريا بغض النظر عن شكلها الغرييييييييييييييييييييي ييييييييييييب