الموضوع: ارجوا الافادة بسرعة سكودا a5 ولاعيون 99 او 2000

عيون مرسيدس موديل 99 او 2000 ايهما افضل محتار جدا وهل عيب الاوكتافيا وصيلنتها صعبة وشكرا

انت قصدك كورولا عيون 99 لو قصدك عليها يبقي مفيش وجه للمقارنة بين الاتنين اوكتافيا طبعا انما لو قصدك مرسيدس عيون 2000 بلاش عشان قطع غيارها ولعة و غالية جدا جدا جدا و مش اي حد بيفهم فيها لازم متخصصين زي احمد عبيد كده و مكلفة اوي بس هي ركوبة طبعا و موتور اقوي و اشد 2000 و 2300 سي سي و حجم رهيب و برستيج و متانة و ثبات عالي جدا جدا الاوكتافيا برستيج برضه بس اقل طبعا و قطع غيارها ارخص طبعا و الماني و 1600 عشان الضريبة و البنزين و ركوبة برضة و تحمل و ثبات ممتاز شوف احتياجاتك و قرر

واحد قالى ان المرسيدس عشان استعمال اى حد يصلحها بس انا معجب جدا الاوكتافيا لانها جميلة من جميع المقايس وخوفى الثانى الصيانة لانى من المنصورة فهل ممكن تتصلح عندنا اوهل يوجد مركز صيانة كويس فى المنصورة او قريب منها لو فى لاقدر الله صيانة ---------

انا مش عارف في مراكز صيانة عندكم ولا لا بس بصراحة لو مكانك هجيب الاوكتافيا للاسباب الاتية:

1-عندنا مرسيدس 280Sel :)
2-اوفر في البنزين و الضريبة
3-الماني made in vw audi seat
4-ثبات رائع و تحمل و وقار تتميز به سكودا في تصميماتها
5-صالون فخم جدا جدا من سكودا كماليات رائعة و وسع داخلي سواء في الصالون او الشنطة 560 لتر..
6-قطع غيار ارخص و صيانتها اسهل من المرسيدس المرسيدس تفاصيلها كتييييييييييييير و بتستهلك حاجات كتير يعني زيت موتور كتير و زيت فتيس كتير و فيها فلتر زيت فتيس يجب تغييره كل 20 الف كيلو و فلتر تانك بنزين يتغير كل 10 الاف كيلو عشان الطرمبه حساسه جدا جدا لو دخل فيها اي شوائب هتضرب ده غير التريجر بوكس اللي هو موزع الكهربا بتاع الموتور حاجة كده غير الموبينا و الاسبراتير و غالي مش رخيص
7-بتشتري جودة و زيرو و موديل 2007 او 2008 مش 99 ولا 2000


طبعا المقارنة دي مش معناها اني بعيب في المرسيدس لحسن حد يفهمني غلط لا طبعا الكبير كبير بس طالما احتياجاتك متوفرة في الاوكتافيا اتوكل علي الله العربية تحفة و ممتازة جداااااااااااااااااااااا

بص ياسيدي أنا حكلمك عن الأسعار بره وسيبك من الأرقام الفلكية بتاعت سوق المستعمل في مصر
مثلا في السعودية :
E200 موديل 2000 لو نضيفة جدا جدا وفابريكة بره وجوه عمرها ماتعدي ال 30 ريال بالكثيير
أما الأوكتافيا بسعر 70 ألف ريال يعني سعرها قد المرسيدس مرتين ونص
يعني لو جبت مرسيدس مستعلمة حتبقى دافع أكتر من تمنها الحقيقي مرتين ونص

الميتسوبيشى الجديد والكورولا2008 من جميع النواحى والاوكتافيا الخليجى كاملة ما عدا فتحة السقف بتعمل 180 الف اية رايكم فى السعر وشكرا

الاوكتافيا تمنها فيها لو جبتها و ركبتها بس كده هتحس بأحساس غريب يخليك دايما محلق في السما بعيدا عن باقي السيارات