الموضوع: الجير cvt ولا أوتو عادى والكتينة جنزير ولا سير

العربية دى منتظرها بقالى مدة ومش راضى أشترى أى حاجة تانية لغاية ما أشوفها وأعرف مواصفاتها الأول لكن الحلو ما يكملش لأن فيه مواصفات كتيرة غير معروفة وغير معلن عنها .

يعنى مثلآ الجير بوكس بتاعها الأوتوماتيك cvt ولا أوتوماتيك عادى وكمان الكاتينة جنزير - زى الصنى القديمة - ولا سير وكمان نسبة الأنضغاط علشان البنزين اللى حنستعمله حيكون 90 أو 92 ولا أعلى .

المفروض كل المواصفات والبيانات الفنية وعوامل الأمان يعلن عنها قبل أى حاجة تانية مش الأسعار والشكل والفوانيس والذى منه - الأهم فالمهم وعلشان نشوف هل تساوى السعر اللى حيعلن عنه ولا لأ وبأحاول أكون موضوعى شوية عند تقييم العربية دى على ضوء مواصافاتها .

مش عارف أيه رايكم ؟

منتظر رد أصحاب الشأن واللى عارفين وفاهمين.

وشكرآ

بص حضرتك هو اللى انا عارفه انها هتمشى ببنزين 92 و المتوقع يبقى الاستهلاك اقل من الاستهلاك بتاع الموديل الحالى و ده لسببين: الاول ان التكنولوجيا بتاعه الموتور احدث و التانى ان الموتور بتاع الموديل الجديد 1500 فقط مش 1600 زى القديمه و عامه الحجز بدأ ليها فمتوقع قريب قوى يضعوا كل المواصفات و النصيحه ان حضرتك تستنى كمان شويه الى ان تتضح الصوره و حد يكون جربها

المشاركة الأصلية كتبت بواسطة land_cruiser

بص حضرتك هو اللى انا عارفه انها هتمشى ببنزين 92 و المتوقع يبقى الاستهلاك اقل من الاستهلاك بتاع الموديل الحالى و ده لسببين: الاول ان التكنولوجيا بتاعه الموتور احدث و التانى ان الموتور بتاع الموديل الجديد 1500 فقط مش 1600 زى القديمه و عامه الحجز بدأ ليها فمتوقع قريب قوى يضعوا كل المواصفات و النصيحه ان حضرتك تستنى كمان شويه الى ان تتضح الصوره و حد يكون جربها

الموضوع نسبة وتناسب يعني موتور الصني القديم 1600 سي سي بس بيخرج 118 هورس بور عند 6200 لفة

اما الموتورالجديد 1500 سي سي بس بيخرج 108 هورس بور عند 6000 لفة فقط لاغير
يعني 118 هورس بور عند 6200 لفة تعتبر زي 108 هورس بور عند 6000 لفة وان كان في اختلاف يبقي اختلاف طفيف مع اختلاف السي سي

والحركة دي معمولة مخصوص عشان يبقي الاستهلاك اقل في البنزين وعزم الموتور يبقي قريب من بعضة ومفيش اختلاف واضح وكبير بينهم

وانا لله وانا إلية راجعون

أعتقد إن نوع البنزين حسب نسبة الأنضغاط compression ratio وده مش معلن عنه فى مواصفات وكتالوج السيارة .

حد يعرف ويقولنا .

المشاركة الأصلية كتبت بواسطة takakan2005

أعتقد إن نوع البنزين حسب نسبة الأنضغاط compression ratio وده مش معلن عنه فى مواصفات وكتالوج السيارة .

حد يعرف ويقولنا .

مهم جدا

المشاركة الأصلية كتبت بواسطة BassamHafez

نسبه انضغاط الموتور 10

الحاجة الوحيده الى ممكن أرد عليك فيها ان ناقل الحركة cvt لأن الى برة مصر نازل كده والى أعرفة ان الموتور مفيش فرق بينة وبين الى برة خالص الفرق بس فى الكماليات وفعلاانت عندك حق المعلومات دى فعلا مطلوبة وياريت أول ما حد يعرفها ينشرها للجميع

المشاركة الأصلية كتبت بواسطة GRADER

الحاجة الوحيده الى ممكن أرد عليك فيها ان ناقل الحركة cvt لأن الى برة مصر نازل كده والى أعرفة ان الموتور مفيش فرق بينة وبين الى برة خالص الفرق بس فى الكماليات وفعلاانت عندك حق المعلومات دى فعلا مطلوبة وياريت أول ما حد يعرفها ينشرها للجميع

و الله اللى اعرفه ان فيه فارق الموتور بره 1600 و الفتيس cvt
اللى هنا فتيس عادى ( بس اللى سمعته انه متطور جدا عن الفتيس بتاع الصنى القديمة) و الموتور 1500 (لانه اقتصادى اكتر)

متابع باهتمام ..