الجير cvt ولا أوتو عادى والكتينة جنزير ولا سير

**د.اشرف هنداوى** · 07-06-2012 03:21 AM

غريب جدا ان الربية تكون موجودة في نيسان في القاهرة و الاسكندرية و .....

- ما فيش معلومات عن الأسعار حتي في التوكيل

- حتي المواصفات الفنية من ايرباجز و abs و خلافه كل واحد بيفتي علي مزاجه
مثلا توكيل اسكندرية يقولك ان الأوتو نازلة طرلز واحد بس ما فيش سوبر صالون و ان فيها abs
و توكيل القاهرة يقول العكس بامتياز

- اتفهم ان المشرف علي المنتدي مستني 10-6 علشان يقولنا علي تجربة القياده للعر بية

لكن حتي عدم الافصاح عن مواصفات السيارة المبالغ فيه سواء منه او من توكيل نيسان بالنسبة لعربية موجوده في التوكيل و المفروض الناس تحجزها !!!!!!

اسمحولي خلي الموضوع مااااااااسخ مش مثير و لا حاجه

**BassamHafez** · 07-06-2012 12:46 PM

يا جماعه انا شايف ان كل واحد مش عاجبه رد حد من الاخوة بيروح متريق وهو مش عاجبه

يا ريت يا جماعه نخلي عندنا شويه طوله بال ولو حد قال معلومه غلط احنا بنصلحها والحمد لله مش بنفتي ولو مش عارفين بنقول مش عارفين

واللي مش واثق في الردود يا ريت يطول باله لحد ما التوكيل ينزل العربيه بشكل نهائي ويتفضل يروح يتفرج عليها بنفسه ويسال عن امكانياتها

واذا كان المنسق مش عايز يقول عنها حاجه دلوقتي فا ده عشان هو برضو مستني المواصفات النهائيه من التوكيل عشان يكتبها مظبوطه ودي خدمه منه مش واجب عليه

وبعدين الموضوع مش غامض ولا حاجه لان العربيه اصلا خلاص نزلت وعليها حجز وموجوده في معارض نيسان وهي دي اللي ها تتسلم يعني ممكن انا اروح اشوفها بعيني واعرف كمالياتها ايه

اما بالنسبه لنوع الفتيس ايه احنا ردينا وقولنا انه اوتوماتيك عادي ودي معلومه مؤكده واللي مش مصدق زي ما قولت يروح يشوف بنفسه

ارجو تقبل مروري

بس انا كتبت الكلام ده عشان ملاحظ اليومين دول ان اللي مش عاجبه حاجه بيخش يشوط في الكلام وخلاص وبصراحه لا ده اسلوبنا و لا طريقطتنا في النقاش على الاقل في قسم نيسان

**semsem8100** · 08-06-2012 06:03 AM

على فكره الموتور 1500 سى سى 108 حصان وده كلام أوتو ايجيبت المهندسين من يومين

**takakan2005** · 09-06-2012 01:23 AM

يا جماعة الخير

عايزين إجابة مباشرة - يعنى الكاتينة جنزير ولا سير ؟؟
والجير سى فى تى ولا أوتو عادى ؟؟

**BassamHafez** · 09-06-2012 02:20 PM

المشاركة الأصلية كتبت بواسطة takakan2005

يا جماعة الخير

عايزين إجابة مباشرة - يعنى الكاتينة جنزير ولا سير ؟؟
والجير سى فى تى ولا أوتو عادى ؟؟

جنزير واتوماتيك عادي

**takakan2005** · 09-06-2012 03:53 PM

متشكر على الرد المباشر
بس متأكد يا بسام

**takakan2005** · 09-06-2012 04:05 PM

كان عندى حق لما شكيت فى موضوع الجير السى فى تى حسب ما إتنشر فى الأول

ده لو الجير يبقى سى فى تى تبقى العربية دى جبارة وتقش كل العربيات التانية اللى فى نفس الفئة مقارنة بسعرها

وكون إن الكاتينة جنزير فأعتقد دى سياسة نيسان من زمان علشان تدى عزم وأمان وإن كان ده حيكون على حساب الصوت شوية - مش مشكلة - بس هى مازالت من أفضل العربيات اللى نزلت السوق حديثآ

أشكر كل من إهتم ورد

**BassamHafez** · 09-06-2012 08:59 PM

المشاركة الأصلية كتبت بواسطة takakan2005

متشكر على الرد المباشر
بس متأكد يا بسام

قول يا رب

ان شاء الله متاكد

الموضوع: الجير cvt ولا أوتو عادى والكتينة جنزير ولا سير

LinkBack

أدوات الموضوع

عرض

-

-

-

-

المواضيع المتشابهه

انا بكرة رايح صيانة 1000 والعربية عاملة 900 كيلو عادى ولا مش عادى ؟

احترت كتير... فيرنا أوتو ولا ساجا أوتو؟؟

بحس أن الباور بيتقل شويه مع التكييف عادى ولا مش عادى

لانسر 2007 أوتو ولا ساجا أوتو زيرو

الكلمات الدلالية لهذا الموضوع

المفضلات

المفضلات

ضوابط المشاركة