الموضوع: يعني انا اصدق التوكيل ولا الكتالوج !! ؟

المشاركة الأصلية كتبت بواسطة Unendlich

مش logic خاااالص إن الوكيل يقولك 80 و هو 40, يعني تفكر هيخسر نفسه ؟!
ده لو 40 ممكن يجي هو يقولك 30 عشان يطلع بـمصلحة انما مش هيبقى 40 و يقولك 80
على سبيل المثال مية رادياتير الكورولا الجديدة بتنزل عند 160 ألف (و مش مكتوب وقت معين) و في التوكيل هتلاقيه بيحاول ينزلها قبل كده بكتيييييييير انما مستحيل هييجي يقولك دي بتنزل عند ال 200 مثلا
بوجيهاتها بتتغير عند ال 100, هو هيقنعك تغيرها عند ال 80 مثلا و هكذا

ده كلام منطقي وده اللى انا فكرته فيه !! مش معقول يبقى بيتغير وهو يقولك مابيتغيرش !! ده هنا في مصر ماشاء الله هدفهم الاول والاخير الكسب

المشاركة الأصلية كتبت بواسطة formulator

+111
لاااااااااااااااازم يتغير (زيت المانيوال)،
يعنى لو هنتكلم عـ الفتيس المانيوال، والـGearbox Oil (اللى هو مفروض أقل حساسية من فتيس الأوتو) وممكن يستحمل فترات تشغيل أطول..
حتى ده بيتغير، لأنه برضه Synthetic 75W-90 Gear Oil.. ماتقوليش انه هيفضل محتفظ بنفس اللزوجة دى طوال فترة التشغيل؟؟!!!

بالنسبة للفتيس الأوتو:
- الموضوع اختلف شوية عشان التطور الجامد اللى حصل فـ الـAutomatic-Transmission Fluids ودخول الـSynthetic تكنولوجى فيها..

يعنى: دا فتيس الهيونداى-كيا الـ6-سرعات أوتو الجديد.. بيقولك Maintenance-Free ومش بيحتاج تكمله Top-Up؟؟!! أصلا مافيهوش مقياس زيت؟؟؟!!!
(ده اللى بيركب عـ المواتير الـ2.0 والـ2.4، معرفش الـ1.6 بتاع مصر ظروفه أيه)؟؟

وكذلك بعض فتيسات الـGM والفورد والتويوتا كانت فـ Joint-Venture معاهم فـ حاجة كده..؟!!

دلوقتى فـ التويوتا:
المفروض انه نفس الكلام مالوش Service ومابيتغيرش (أو Longer Drain-intervals)،
بس الشركة سابت لك Limit لتقدير إذا كان يتغير ولا لأ يا Ahmod.. وقالك باللفظ حسب السواقة... تمام،

- أنا رأيى: ماتغيروش قبل الـ80,000 اللى قال عليها المانيوال (ونفض لكلام التوكيل، أو أقل واجب غيره فـ صيانة الـ60,000).
حتى لو سواقتك حارق وقرص وشد.. أنت بتقول ان الزيت مانقصش وده أول indication إذا كان فقد كفاءته وخواصه ولا لأ..!!

btw: أنا عارف ان توكيلات كتير فـ مصر بتغير القطع قبل ميعادها (وأحيانا عند 50% من عمرها الإفتراضى)،
يقولك فلاتر وبوجيهات عشان البنزين والهواء-التراب.. وسيور وبلى عشان الجو والزحمة يابيه..
بس ده لا ينطبق على زيت الفتيس الأوتوماتيك.. عـ الأقل عشان in-House developed by Toyota..!!

والله يا دكتور انا اول ماشفت في كتالوج زيت الفتيس يتغير عند 40 الف او 24 شهر ايهما اقرب قلت خلاص اغيره !! واتفاجات بقى لما لقيت مكتوب على مقياس الزيت No Need for change under normal driving conditions !!

بس برضوا هنرجع ونقول ان الحرق على الغيارات والمشي على سرعات عالية مايعتبرش تحت بند ال Normal driving conditions !! ولا انت شايف ايه ؟

+ اني اليومين دول حاسس ان استجابة العربية لل Kick down وتسقيط النقلات مابقتش زي الاول

يعني دلوقتي ببقى محتاج اجيب اخر الدواسة وادوس جامد جدا ! عشان العربية تستجيب وتسقط الاول كانت بتسقط اسهل من كدة

الى غير ان النهارده اديت Kick على 140 كدة تقريبا لقيت العربية نزلت لتالت بس نتشت نتشة جامدة اوي !! عارف لما تبقى سايق عربية مانويل وتسيب الدبرياج بسرعة !! ؟ اهو نفس الاحساس ولما نقلت بعدها رابع نتشت بقوة تاني !

النتشة دي ماكنتش بحسها الا لما كنت بحرق على التالت جامد !! يعني افضل على التالت لحد 160 كدة تقريبا اجي ادي الرابع تنتش !! بس برضوا كانت بطريقة اخف من اللى حصل النهارده

وبرضوا العربية بتقطع على الغيار الاول لما برعش بنزين في الزحمة او براحة !! بفضل دايس على البنزين براحة وتلاقي العربية اكني شلت رجلي من على البنزين ورفعتها ورجعتها تاني !! سعتها بحس العربية محتارة تنقل تاني ولا تفضل على الاول <<< على فكرة المشكلة دي راحت لما ركبت فلتر K&N مخروطي ورجعت تاني لما رجعت الفلتر الاستوك

واهم حاجة بقى وده السبب الرئيسي اللى هغير الزيت عشانه ان العربية مابتعديش ال 160 !! وانا حاسس انها من زيت الفتيس لاني عملت كل حاجة وفشلت

http://www.nilemotors.net/Nile/285641-160.html

فانا بقول اريح دماغي واغير الزيت !! ومش مشكلة يعني انا لقيته في مركز قطع غيار تويوتا ب 250 جنيه 4 لتر !! ولا انت ايه رايك يا دكتور ؟؟

انا بس خايف يكون زيت الفبريكة مش بيتعوض