الموضوع: باركولي يا جماعة جيبت لوجي النهاردة

الله يبارك فيكو يا أحلى أعضاء .... وبجد شكرا جدا على الروح الطيبة دي

ربنا يديك خيرها ويكفيك شرها

اولا الف مبروك يا باشا ربنا يديك خيرها ويحميك شرها يارب
ثانيا كنت حابب اعرف من حضرتك انت حجزت العربية واستلمتها بعد اد ايه ومنين بالضبط وهل كان فيه مشكلة في اختيار الالوان وكنت مجبر على لون معين؟ واسف لو طولت

المشاركة الأصلية كتبت بواسطة m_elgharawy

أنا طبيت عليهم لغاية دلوقتي مرتين :)) بس لو في حاجة كبيرة عندك لازم تحجز بالتليفون زى مثلا صيانة ال 5000 بس كدة
وربنا يكفيك شرها يا ريس والله يبارك فيك

متشكر لردك، طيب ده شئ كويس، أنا عايز أجيب كود الكاسيت وأسأل على موضوع إلغاء السخن بتاع التكيف ودراع التحكم في الكاسيت فيه مشكلة وعايز أتلككلهم يغيروه، هجرب أطب عليهم وأشوف إيه الكلام.

ياريت بس حد يتكرم ويوصفلي مكان فرع سموحة ومواعيده، وياريت بجد يكون فيه مقابلة للوجانوية إسكندرية قريب

المشاركة الأصلية كتبت بواسطة mogha

اولا الف مبروك يا باشا ربنا يديك خيرها ويحميك شرها يارب
ثانيا كنت حابب اعرف من حضرتك انت حجزت العربية واستلمتها بعد اد ايه ومنين بالضبط وهل كان فيه مشكلة في اختيار الالوان وكنت مجبر على لون معين؟ واسف لو طولت

أولا ولا طولت ولا حاجة إحنا هنا أكيد لازم نساعد بعض
ثانيا أنا جيبتها من الطارق فرع كارفور وإستلمتها بعد أسبوع وكنت ممكن أستلمها ساعتها بس قاللي حسلمهالك بنمر تجارية وبعد كدة تجيلي علشان حبعت أجيبلك ورق الترخيص وكدة .....
بس قولت لأ أستنى أسبوع أحسن ويكون جابلي كل ده علشان أروح أرخص على طوووووووووووول
ومكنش في أى إجبار على لون معين والله يبارك فيك

المشاركة الأصلية كتبت بواسطة ahmed_m_ashraf

متشكر لردك، طيب ده شئ كويس، أنا عايز أجيب كود الكاسيت وأسأل على موضوع إلغاء السخن بتاع التكيف ودراع التحكم في الكاسيت فيه مشكلة وعايز أتلككلهم يغيروه، هجرب أطب عليهم وأشوف إيه الكلام.

ياريت بس حد يتكرم ويوصفلي مكان فرع سموحة ومواعيده، وياريت بجد يكون فيه مقابلة للوجانوية إسكندرية قريب

بص يا ريس وإنت جاى من زهران مول من صنية سموحة و رايح على أنطونيادوس وحديقة الحيوان حتحود شمال لما توصل أنطونيادوس و حتفضل ماشي لغاية لما تلاقي ترعة المحمودية حتعدي الكوبري بتاعها وتفضل مكمل حتلاقي التوكيل على إيدك الشمال جنب شركة لورد
و على فكرة هم ناس ذوق جدا ومحترمة