الموضوع: حكايتي مع مصر للطيران "الناقل الجوي الوطني"

المشاركة الأصلية كتبت بواسطة elpasha009

)
وكمان كل طيارتها بتوصل المبني الجديد وينزله الركاب بالباص مش بالنفق زي باقي الرحلات لكل الدول الأخرى مع ان الأنفاق دايما فاضية

بالزمة بعد كل ده مش تبقى حاجة تحرق الدم لما يبعتوا على خط زي ده أزبل طيارات عندهم (مشكلة التكييف ديه مش أول مرة وبتتكرر كتيير جداااا ومش هي المشكلة الوحيدة اللي بتقابل المترددين على الخط ده)

عدد ال tubes محدود بالنسبة لعدد الرحلات , كمان مش كل الرحلات بتطلع من tubes بيبقى حسب اعداد الركاب وتوزيع الطائرات كمان حسب جهة السفر فى بعض الرحلات مش كلها زى نيويورك مثلا

فى رحلات الخرطوم من tubes وفى رحلات لأوروبا بتطلع من مواقع عادية بسلم

وبعدين مش دى الازمة ياباشا انا شوفت مطارات الركاب بتنزل تتمشى :)))

على فكرة موضوع اختيار الطيارات حسب الخطوط ممكن يكون فيه نسبة من الصح بس مش دايما انا ساعات بيجيلى طيارات من الخرطوم وغيرها فى افريقيا وطالعة بعدها اوروبا

المشاركة الأصلية كتبت بواسطة أحمد كمال

سيدي الفاضل ..... اشتكينا في موضوع التكييف و ما حصلش حاجة

موديل الطيارة اللي كنت راكبها ماكانش فيه فتحات تكييف خاصة بالركاب على فكرة

انا ما قلتش التكييف مش شغال انا قلت شغال بطاقة تبريد ضعيفة جدا لدرجة السودانيين كانوا بيهووا من الحر .....


الاسعار الاقل كلها على طيران scheduled ...... مش low cost و لا شارتر و لا الهوا ....


و فعلا هما كانوا بيلبسونا العمة ...... لان كلمنا المطار التاني و رحلة الطيران الكيني المتجهة للخرطوم مباشرة كانت طالعة في ميعادها ...... و كل ما نقول لهم المعلومة دي يستهبلوا اكتر

الطيارات اللى بتطلع الخرطوم a320 ودى فعلا فيها اختلافات ممكن تلاقى طيارات فيها فتحات للتكيف وطيارات تانية مفهاش

بصراحة مش عارف اقولك اية على التجربة السيئة وهى فعلا حاجة تكسف

بالنسبة للاسعار طبعا انت اولى بالفرق

اما موضوع المحطة فا دة غباء رسمى منهم لأن ابسط حاجة بمكالمة تليفون هتعرف حالة الجو هناك وكمان ايا كان سبب التأخير الموضوع كان ممكن يتم احتواءة باسلوب احسن

المشاركة الأصلية كتبت بواسطة أحمد كمال

حضرتك مقيم فين في الخرطوم؟ و لا بتيجي زيارات

انا سافرت 5 مرات معاهم في شهرين (5 فرد مش 5 رايح راجع) و خلاص كفاية اوي عليهم كده

أنا شغلي أصلا في السودان من 5 سنين بس حاليا طلبت نقلي القاهرة لظروف خاصة و راجع قريب جدا ان شاء الله.
أنا مقيم في المنشية أخر شارع الستين:)
أعتقد ان انت يا اما في الخرطوم 2 أو عبيد ختم صح؟؟

المشاركة الأصلية كتبت بواسطة ENG\AHMED

عدد ال tubes محدود بالنسبة لعدد الرحلات , كمان مش كل الرحلات بتطلع من tubes بيبقى حسب اعداد الركاب وتوزيع الطائرات كمان حسب جهة السفر فى بعض الرحلات مش كلها زى نيويورك مثلا

فى رحلات الخرطوم من tubes وفى رحلات لأوروبا بتطلع من مواقع عادية بسلم

وبعدين مش دى الازمة ياباشا انا شوفت مطارات الركاب بتنزل تتمشى :)))

على فكرة موضوع اختيار الطيارات حسب الخطوط ممكن يكون فيه نسبة من الصح بس مش دايما انا ساعات بيجيلى طيارات من الخرطوم وغيرها فى افريقيا وطالعة بعدها اوروبا

أنا عارف والله ان في خطوط أمريكا واوربا بتبقى بالاتوبيس بس اللي يحرق الدم بجد ان الطيارات مليانه وال tubes كلها فاضية وبرده ينزلك بالاتوبيس.
أبسط مثال رحلة الفجر اللي بتوصل مصر يوميا الساعة 6 الصبح بتكون الطيارة الكبيرة (تقريبا a321) الوحيدة اللي بتوصل المطار في الوقت بدرجة ان موضفين الجوازات بيكونوا نايمين وعلى ميصحوا من النوم بيسيبونا ملطوعين على الشبابيك ربع ساعة تقريبا.

والله يا جماعة انا سافرت كتير على شركات مختلفة احيانا بيبقى السفر حظوظ ممكن يحصل تاخير يعكر صفو الرحلة وتبقى واى موقف تاخدة بضيق يعنى مثلا اسوا رحلة فى حياتى كانت على الخطوط السعودية تاخير خمس ساعات طائرة اظن موديل السبعينيات اللى تقريبا كانت بكربراتير وبتقطع والتكيف كان بينقط وفين فوق راسى والطيارة كاملة العدد مش لاقى مكان انقل فيه ادونى فوطة احطهاعلى هدومى مشكلة مصر للطيران بقى فعلا اطقم الضيافة لانهم فى مصر بنعتبرهم صفوة المجتمع وهما بيتعاملوا على هذا الاساس بعنجهية شوية اقولكم بقى موقف كوميدى على مصر للطيران بدل الهم ده كنت راجع من الامارات لقيت المضيف بيبصلى قوى وبيكلمى بصباعة كانة هيحطه فعينى حضرتك استاذ محمد قلتلة ايوه يافندم وبصراحة قلقت شوية طيب ممكن تتفضل معايا ليه خير اتفضل معايا بس وقلقت اكتر اتفضل فين ياسيدى انت عايز ايه يافندم اتفضل بس- المهم قمت معاه- لو معاك شنطة هاتها معاك - ياخبر اسود ايه ياعم -اخدنى وتوجهنا لدرجة رجال الاعمال وقالى انت مش فاكرنى مش انت كنت معايا فى السعيدية الثانوية - لا مش فاكرك بس انا فاكرك انت كنت صاحب فلان وفلان -طيب خير لا ابدا انت بقى زميل دراسة قلت بقى انقلك الدرجة الاولى تعالى بقى اقعد هنا براحتك طيب ياسيدى شكرا وانا فى نافسى الله يخرب بيتك وقعت قلبى وقعد بقى اجيبلك عصيير اجبلك مش عارف ايه -طيب ياسيدى ماتقولى من الاول بدل الارهاب ده قالى ماهو مش عايز بقى اقول قدام الركاب انى هنقلك درجة اعلى علشان معرفة قديمة

المشاركة الأصلية كتبت بواسطة elpasha009

أنا عارف والله ان في خطوط أمريكا واوربا بتبقى بالاتوبيس بس اللي يحرق الدم بجد ان الطيارات مليانه وال tubes كلها فاضية وبرده ينزلك بالاتوبيس.
أبسط مثال رحلة الفجر اللي بتوصل مصر يوميا الساعة 6 الصبح بتكون الطيارة الكبيرة (تقريبا a321) الوحيدة اللي بتوصل المطار في الوقت بدرجة ان موضفين الجوازات بيكونوا نايمين وعلى ميصحوا من النوم بيسيبونا ملطوعين على الشبابيك ربع ساعة تقريبا.

غالبا رحلة 6 بتبقى A321 فعلا وعلى حسب مافتكر احيانا بتدخل على tube لو طالعة بعدها رحلة من tube
على فكرة بنى غازى مثلا دايما tube :))
سيبك انت من كل دة ابة رأيك فى مطار شفيق " القاهرة " الدولى , مش يستاهل ترشحه علشان المطار :))

الاغبى ان كان فيه رحلة تانية طالعة من القاهرة للخرطوم و طالعة في ميعادها

و نقول له يقول لنا لأ سلطات الطيران المدني السوداني قافلة المطار ....... يا شيخ؟

ماهو دة اللى بيقولوا عليه متامر واهبل
اكيد فى سبب تانى للتأخير وهو حب يعمل حويط
او ممكن تكون المشكلة فى طيارتكم عاملة سوء احوال جوية هناك :)))

بغض النظر عن التأخبر ده ايه سببه بس اللى بلاحظه ان احيانا لو فى مشكلة فى الطيارة وهتتتأخر مش بيقولوا لأن فى ناس بتبقى طالعه الطيارة خايفه اصلا ولما بيسمع كدة بيترعب وممكن توصل لأنه يلغى حجزه :))

مره طيارة طالعة نيجيريا وبعد لما الركاب دخلوا الطيارة وقبل ماتطلع حصل عطل مفاجئ " شئ طبيعى ووارد " المهم الطيارة اتأخرت شوية والناس ابتدت تضايق وكانوا كلهم نيجيريين وطلعوا فى ال tube وضربوا الامن ومندوب المحطة وحصل قلق , فى نفس الوقت الطيارة خلصت والمشكلة اتحلت ورفضوا يدخلوا الطيارة واصروا انها تتغير وحصل فعلا وغيرولهم الطيارة بالرغم من انها كانت جاهزة خلاص وطبعا دة زود التأخير زيادة عن التأخير اللى اتأخرته نتيجة النقل من طيارة لطيارة