الموضوع: حكايتي مع مصر للطيران "الناقل الجوي الوطني"

المشاركة الأصلية كتبت بواسطة أحمد كمال

بالظبط ..... مش عاجباه ماكانش اشتغلها

معظم المضيفات الجداد وسايط بنسب عالية
واهم حاجة الحركات وكلمتين انجليزى ( طبعا فى منهم محترمين سواء على المستوى الشخصى او المهنى )
ومعظمهم واخدين الشغلانة فلوس وفسح ولما تزهق او تتجوز هتسيبها
فا بالمواصفات دى مش هتتعب نفسها علشان تجيبلك حاجة دة غير انك فى شركة حكومية يعنى النظام مريح شويتين :))

المشاركة الأصلية كتبت بواسطة tutankhamoun

أنا جربت مصر للطيران لرحلات أوروبية ....... ممتازين.

و رحلات في دول شرق آسيا ........ رضه كانوا ممتازين .
وضاح أنهم مختلفين على كل خط !!!!

و دي مش أحترافية في التعامل !
و بصراحة أنا بركب مصر للطيران تشجيعا للشركات المصرية و برضه علشان ما قابلنيش أي مشاكل معاهم حتى الآن .

اللى بشوفه انهم بيتعاملوا حسب الراكب وحسب الموود :))
بس كلمة حق مستوى الضيافة كاداء اشخاص على الشركات الخاصة المصرية احسن من مصر للطيران
طبعا مش قاعدة عامة لأن فى مصر للطيران ناس محترمين جدا بس لو انت اخدت مقارنة ككل هنا وهنا هتطلع الشركات الخاصة احسن

المشاركة الأصلية كتبت بواسطة yoko

انا في الخط بتاع القاهرة الدمام
بحالات على حسب الستف لكن الفتره الأخيره بيحطوا أسوء طيارات عندهم (بتزيق من كل حتة وبتكون airbus قديمه)

عادة الاصوات اللى فى take off & landing بتبقى من شنط الركاب فى overhead stowage اللى فوق الكراسى ومن ال trolleys بتاعت الاكل

المشاركة الأصلية كتبت بواسطة yoko

انا بقالي بتاع 18 سنه بركب الدمام (الظهران زمان) القاهرة
أنا عارف أصوات التزيق دي لكن اليحصل أكتر من مره خصوصا لما بيكون في معاد مقتول (بعيد عن السيزون) بتبقى الطياره الairbus القلم الي هي a320 تقريبا (مش متأكد)
المكان بتاع الشنط فوق مش ماسك نفسه وبيلعب طول ما الطيارة ماشيه وكذا مره اللوك بايظ وملزوق بسوليتب ومره واحده يفك ويترزع
الكرسي سايب من مكانه
مكان الرجلين يا مش موجود يا مكسور (متعلق من ناحيه واحده)
حتى طربيزة الاكل مره جيت أفتحها لقيت الذراع ماسك ناحيه والناحيه التانيه مفيش وغيرت مكاني بسبب الحوار ده
لأ أنا بشوف مهاذل
ومسافر تاني عليها للأسف للدمام يوم 7 أغسطس الطيارة بوينج 777 (غالبا بتكون محترمة عشان وقت سيزون)
وراجع 16 سبتمبر الطياره a340

واضح انك عانيت كتير :))
مشكلة الطيارات القديمة انك هتلاقى مشاكل الكابينة كتير شوية

بص حتة ان مكان الشنط يلعب دى صعب شوية ( مش بكدبك ) وبالاخص اثناء الرحلة ممكن يبقى فيه هزة خفيفة فى ال landing او ال take off اول لما الطيارة تسيب الارض وقبل مايلم العجل ... انما سايب فا دة عيب no go

اللوك المكسور معاك , ممكن يكون اتكسر ومفيش وقت لتغييرة فا بيتقفل بشريط كويس ولا يتم استخدامة , دة عيب لا يؤثر على سلامة الطيارة ( ممكن فى الرحلة دى متلزقش كويس وبالتالى فتح )

الكرسى مش ثابت صعب جدا دة no go item , انا هقولك الفرق :
- الكرسى نفسه مش ثابت فى ارضية الطيارة دة صعب جدا وغير مسموح
- ضهر الكرسى بيتحرك ودة طبيعى بيبقى فيه بوش وبيبقى ليه حدود مسموح بها

اماكن الرجلين اعتقد ان كان نزل تعديل بالغائهم ( الكراسى الجديدة على الطيارات اللى اتجددت مش هتلاقيها حتى فى البيزنس )

معظم مشاكل الكابينة زى حاجة مكسورة حاجة سايبة بتبقى لو الطيارة جاية من رحلة وطالعة على طول والراكب اللى اتكسر منه سكت وطنش ومبيبقاش فى وقت للكشف على الكابينة كلها بس فى الحالة دى من حقك تغير الكرسى وبيتقفل الكرسى علشان محدش يقعد فيه