الموضوع: عايز اجمع عده صوت محترمه اووووووى بس جاهل

المشاركة الأصلية كتبت بواسطة 3mr farrag

كلام جميل يا باشا علي السماعات ...
بس الجي امات اللي قولت عليها مش هتقوم الحاجه صح خالص
المفروض يركب جي ام 600 2 شانيل اللي بيطلع 100 ار ام اس علي السماعات بس
و يجيب جي ام كينوود تاني للصب 350 و فيه منه اتين واحد قديم و واحد جديد بيفرق في الار ام اس 55 و التاني 60
طبعا مع البريدج اعتقد كان بيوصل لي 175 ار ام اس
و تركب عليها صب الاحسن ما يكترش عن 200 ار ام اس
و يا سلام لو يكون شالو بس اعتقد انه هيفرق جامد في السعر
او بقي لو عايز يركب الصب 1000 وات يبقي يركب معاه برضوا نفس الجي ام بتاع السمعات
بس الميزانيه ممكن تعلي شويه عن 2000
بس انا رأيي كتير صب 1000 علي السمعات ديه
هيكون البيز عالي اوي
بس

موضوع إنه يكب الجي إم 600 2 شانل يطلع 100 rms على السماعات كتير أوي أوي أوي على السماعات و ممكن يضرب السماعات منه بسرعة .. لاحظ إن حتى لو السماعات 100 rms لازم يديها باور أقل شوية من ال 100 عشان تفضل سليمة

مع الجي إم البايونير 760 وات أو الكينوود 720 وات هيركب ..
السماعتين الجي بي إل في تشانل و ميزة الجي بي إل إنها 2 أوم فكده هيبقوا واخدين باور 85 وات .. و هيركب الصب أو البازوكا على البريدج و كده هيبقى واخد باور 180 وات أعتقد إنه بالشكل ده كفاية جداً إنه يديله صوت تحفة و قوي جدا جدا جدا جدا من غير ما يضربله سماعات أو صب

المشاركة الأصلية كتبت بواسطة 3mr farrag

انت يا بااشا راجل تمام
انا ماكنتش عارف ان السماعات 2 اوم
بس لو كانت 4 ما تقلقش خالص ان السماعات تبوظ...الرك علي تظبيط الجان
ده انت ممكن تحرق سماعه بجي ام نص قدره السماعه لو عليت الجان وعليت ...

لو انت متأكد انها 2 اوم يبقي يركب الجي ام الكينوود 720....بس انا مش بحب اركب سماعات و صب علي نفس الجي ام...
لأن ممكن الجان بتاع السمعات ليه تظبيطه تانيه غير الصب...
بس يجيب صب في حدود 200 ار ام اس لو 2 اوم ...و يحاول يجيبه شالو ...لأنه في نظري الصب علي الرف انضف
و شكرا يا باشا علي معلومه 2 اوم ...دانا كنت بفكر اجيب السمعات ديه مع الجي ام 600 و اركبه 4 اوم :(

في الجي إم ال 4 تشانل سواء الكينوود أو البايونير بيبقى الصب على البريدج ليه مفتح جين لوحده و السماعات على الشانل التانية و ليها جين لوحده فإنت كده بتظبط جين السماعات بعيداً عن الجين بتاع الصب أو البازوكا

موضوع الصب على الرف بيبقى الصب الفري تو إير مش الشالو ماونت لإن الشالو ماونت بيحتاج يركب في صندوق برضو بس بيبقى أصغر في العمق بتاعه
ثانياً موضوع الصب على الرف أصلاً مش ينفع في العربيات السيدان لإنه هيضطر يقص كتير في الصاج و غير كده معظم الأرفف الخلفية للعربيات السيدان مش بتبقى واسعة بشكل كافي إنه ياخد الصب كله عليه فالأحسن إن الصب يركب في صندوق بالمقاسات الموجودة في المانيوال بتاعه

المشاركة الأصلية كتبت بواسطة 3mr farrag

ايوا انا قصدي علي الفري اير...
انا اللي اعرفه ان الفير اير هو الشالو او السليم
اللي هو بيكون ارفع و مش بيحتاج صندوق
ممكن يكون مصطلح الكلام غلط

طيب و موضوع الجان في 4 تشانيل هو مش بيبقي جان واحد ولا اتنين
انا اللي فاكره انه واحد بس علشان قلت ليه مش بحب جي ام واحد
مش فيه برضوا انواع فيه جان واحد

و منك نستفيد

أنا مشوفتش في الوقت الحالي جي إم 4 تشانل بمفتاح جين واحد

أنا عندي البايونير فيه 2 جين و كل تشانل عليها فلتر تحدد عايزها هاي باس ولا لو باس

بجد يا رجاله الف شكر على الردود المحترمه دى......بس مع الاسف انا توهت وما وصلتش لحاجه.....
عموما انا اللى يهمنى اوى هو نقاء الصوت يليه الصوت العالى والبيز يكون قوى وواضح بس مش هبد ورزع.......
وياريت براحه عليا شويه