انا لا اشكك فى نص الحديث و متأكد بدون بحث من صحته
انا كل اللى بقوله ان مش معقول ان الناس نزلت من 15 متر الى 1.7-1.8 متر مرة واحدة
فين الاطوال اللى بينهم , يعنى عمرك سمعت عن حد طولة 5 متر
مومياوات الفراعنة , مومياوات الانكا , نسبة كبيرة جدا من الحفريات اطوالها فى المعقول ( اطول او اقصر من الحالى ) بس فى حدود

و موضوع المؤامرة الكونية لاخفاء انسان طوله 15 متر دى محدش يصدقها
و االلى بيقرا فى الظواهر فوق الطبيعية حيلاقى حاجات كتير بالمنظر ده

فى مرة واحد كتب كتاب شبه ده كده , قال ان المسيخ الدجال و العياذ بالله ساكن فى مثلث برمودا و بيدمر السفن و الطائرات اللى معدية عشان محدش يشوفه و هرطقة من دى كتير

فى دراسات كتير بتؤكد ان الانسان يميل لتفسير الظواهر المجهولة له بتفسيرات فوق طبيعية مثل الجان او الفضائيين او حتى السحر

و انا ما بانكرش وجود السحر عشان محدش يزعل , بس ما ينفعش اى حاجة غريبة شوية نقول ده سحر او جن

يمكن الفراعنة دول ناس جامدة و فعلا بنو الاهرام و يمكن لأ
انما عشان مش عارفين اللى بنا الهرم بناه ازاى نقول اصلهم كانو ناس طولهم 15 م