طرح شركة النصر للسيارات للبيع أول يوليو وغبور يبدي رغبته في الشراء

**CryptonX** · 17-06-2008 08:19 PM

المشاركة الأصلية كتبت بواسطة Ahmed Anwer

لاااااااااااا يا باشمهندس كريم ،،

مصنع شركة النصر فيه امكانيات جامدة جدا

أي مصنع تجميع في مصر يعتبر ورشة صغيرة بالنسبة ليه ،،

المشكلة في الإدارة

الكلام ده سمعته من مهندسين ميكانيكا

بس مش متأكد من مدي صحته

امكانيات جامدة لانتاج ايه بالظبط ؟

الفيات ريجاتا بتاعة السبعينات ؟ ولا الزاستافا فلوريدا الي مصنعا فيات اشترته في الصرب ؟ ولا النصر 128 ؟؟

خطوط انتاج عتيقة جدا ! اعقتد انها لاتصلح لأي سيارة حديثة بدون تطوير شامل !

**arch_peter** · 17-06-2008 08:51 PM

عاوز اقول حاجة مهمة سمعتها قريب ليها علاقة بالخبر ده
للأسف الشديد الشاهين مش هاتنزل تانى - ياريت حد يؤكد ده او ينفيه !!!!!!!!!!!!!!
انا زعلت اوى لانى باحب الشاهين جدا واتعلمت عليها السواقة وياما اعتمدت عليها وهى عربية عائلية وقوية ومتحملة جدا فى البلد دى
انا معايا فيرنا بس مازلت باحن للشاهين اوى

**aif** · 17-06-2008 09:01 PM

المشاركة الأصلية كتبت بواسطة Hossam_Hassan

بالظبط كده المصنع اللى فى حلوان كنت بامشى فيه بالعربية ييجى 3 كم لما اجيب اخرها، ده غير الأرض اللى فى أول الطريق الصحراوى فى منطقة الفيلات و مراكز الصيانة، و الخ الخ الخ

غالبا هم بيحسبوا الأرض فى الشركات المتخصخصة كأصول مستهلكة و كل سنة يقللوا قيمة الأستهلاك من قيمتها.

الأرض لا تستهلك ... ده مبدأ محاسبي
لكن الموضوع ان ال90 مليون دول التكلفة الفعلية اللي اتأسست بيها الشركة ....باسعار وقتها ..... انسي الرقم دة تماما ... ده تاريخ .... زي ما ناس مشتريه ارض في الستينات باسعار زهيدة جدا ... لو باعتها دلوقت ح تبيع بارقام تانية خالص
طيب ماهو سهم موبينيل اساسا قيمته الاسمية كانت 10 جنية ... شوف دلوقت بكام
العبرة في موضوع البيع هو تقييم الأصول والخصوم للشركة .... كمان المفروض تكون فية مناقصة مفتوحة ... وممكن يكون فيها ممارسة كمان .....واللي يدفع اكتر بالشروط اللي الحكومة شايفاها ....يشيل

**Nile_Storm** · 17-06-2008 10:40 PM

الخبر ده عارفه من زمااااان
لاني الميكانيكي بتاعنا شغال في خط الانتاج بشركه النصر
المهم هوا قاللي انه هيستخدم المصنع لتجميع الفيرنا علشان يفرغ نفسه لتجميع حاجات تانيه

**د.أحمد سمير** · 17-06-2008 11:00 PM

أرض مركز صيانة مدينة نصر فقط مساحته حوالي 13 ألف متر على ناصية مكرم عبيد وأحمد فخري ، وراه أرض فضاء تابعة للشركة تبلغ مساحتها 11 ألف متر آخر ..
المجموع 24 ألف متر بسعر المتر ( بالجملة يعني ) 5 آلاف جنيه (رغم إن سعر الأرض الحقيقي في هذه المنطقة يزيد عن العشرة آلاف بكثير ولكن أهه ياللا خليهم يسترزقوا )
يبقى سعر الأرض الإجمالي فقط 120 مليون جنيه ... هذا هو مركز صيانة الشركة في مدينة نصر فقط ... دون أي اعتبار للمصانع والمباني الإدارية ، وبقية مراكز الصيانة ، والورش ، والأراضي المستأجرة بالقانون القديم ، ومعارض البيع في وسط لمدن الرئيسية في مصر ..

يعني الهبرة ... هبرة كبييييرة ..
هذه الشركة ببساطة سعر أصول بيعها العقارية دون الصناعية منها يربو بالراحة عن 2.5 إلى 3 مليار جنيه ..

**Ahmed Anwer** · 17-06-2008 11:22 PM

لا حول و لا قوة إلا بالله

هما بيعملوا كده ليه ؟؟

ماشي يبيعوا بس يبيعوا بالمعقول ،،

بيفكروني بالسمسرة اللي عملها محمد نصير و بقشان بتوع السعودية علي الشعب المصري الغلبان

اشتروا شركة بيبسي من الحكومة ب 158 مليون جنية مصري

وهو ثمنٌ لا يتعدى ثمن الأرض فقط أو ثمن مصنعين من مصانع الشركة؛

بدليل أن المشتري الأول والثاني باعا حصةً تبلغ 77% من الشركة المصرية بعد ذلك بفترة قصيرة لشركة "بيبسي كولا" العالمية بمبلغ 400 مليون دولار!!

**فادى** · 18-06-2008 01:37 AM

المشاركة الأصلية كتبت بواسطة Ahmed Anwer

لو علي كده يبقي مصنع البافارية و مرسيدس في مصراحدث مصنع في العالم

مالهاش علاقة بالعربية اللي بيجمعوها

و بعدين وصلوا لنسبة مكونات محلي كبيرة جدا في الأتوبيسات و عربيات النقل

نستني رأي المتخصصين

بالفعل ده صحيح ملهاش دعوة بالسيارة اللى بتتجمع, ببساطة لأن كل كمبيوترات المرسيدس و البى ام بتيجى متقفلة و ماعلى المصنع سوى تركيبها فى المكان الصحيح و توصيل الأسلاك بطريقة صحيحة!! بالضبط زى تركيب لوحة المفاتيح فى جهاز الكمبيوتر.
مصنع النصر للسيارات وصل لأعلى نسبة تصنيع فى مصر( 56% فى السيارة نصر شاهين), و هو ما لم يصل اليه أى مصنع أخر.
و الشاهين لا تختلف كثيرا فى التكنولوجيا عن الفيرنا على فكرة, فمحركها مثلا الجديد هو محرك التمبرا, و هو محرك حديث نوعا ما و لازال معتمدا فى بعض سيارات فيات الى الأن.
و عموما تكنولوجيا المحرك و غير ذلك, لا تدل على المصنع, لأن المحرك بكل ما فيه من تكنولوجيا بييجى حتة واحدة فى كرتونة لمصنع التجميع!!