الموضوع: تقرير عن فورد فوكاس 2012

المشاركة الأصلية كتبت بواسطة yehiaseg

ايه اخبار العربية معاك ؟ اعتقد خلصت التليين والماتور اتفتح شوية؟؟!!!!!

اه الحمد لله لينت من زمان ده انا داخل على 3000 كيلو دلوقتي والعربية الحمد لله بخير أداءها ما شاء الله لا قوة الا بالله سواء ثبات سرعة عزل فرامل هي المشكلة بس ان استهلاك البنزين زيادة شوية مش قوي يعني زي اول تفولتين انما يعتبر زايد بردو يعني بتعمل 200 كيلو في الصفيحة

المشاركة الأصلية كتبت بواسطة hany63

اولا الف مبروك على العربيه
ثانيا اسمح لي افسر سبب النتشه في الزحمه
الفتيس بيتكون من عدد 2 اسطوانة دبرياج الاولى للنقلات الفرديه (1-3-5) و التانيه للنقلات الزوجيه (2-4-6)
لو الدنيا فاضيه الفتيس بيحرك العربيه من السكون بواسطة الاسطوانه الاولى من النقله رقم واحد و الاسطوانه التانيه بتكون في نفس الوقت على النقله التانيه stand by يعني محضره النقله وبعدين بس تتفعل وتكون العربيه بكده جابت التاني وتروح الاسطوانه الاولى stand by على التالت وهكذا
طبعا احنا بكده شيلنا اي احساس بالنقل اثناء التسارع و تقريبا شبه مافيش زمن بين النقلات عشان كل اسطوانه سلمت اللي بعديها
بصراحه اختراع بجد

بس للاسف عيب النظام ده عند السير في الزحام بيخلي الفتيس ينتش وهقول على مثال

هنفرض مثلا ان العربيه على سرعة 35 كم و جايبه تالت بالاسطوانه رقم 1 بديهي اسطوانه 2 بتبقى محضره رابع ركز في اللي جاي

لو شيلت رجلك بغرض التهدئه او هتدوس فرامل ايه اللي هيحصل؟
اول ما تشيل رجللك بغرض التهدئه الاسطوانه رقم 2 هتروح برضه للرابع عشان العربيه مش بتفهم انك بعديها هتدوس فرامل و لا بنزين ومره واحده نفس الاسطوانه و بكرر تاني نفس الاسطوانه هتروح للتاني من الرابع تقوم العربيه عامله رجة الجمل عشان ما حصلش تسليم في حالة ال down shift
ارجو اكون وضحت و الكلام ده عن تجربه عمليه اخوك دوب 2 فتيس dsg بسبب اني كل يوم باروح من صلاح سالم انما اصحابي اللي بيروجوا دايري غيروا الفتيس مره واحده و إن شاء الله يطلع الباور شيفت برقبة ال dsg و يعيش مع حضرتك العمر كله

الف شكر يا باشا على الشرح الوافي الجميل طيب ممكن حضرك تقولي ابتدى اعرف ازاي ان الفتيس قرب للنهاية يعني لما بيبوظ مثلا اعراضه على العربية ايه ما بتتطلعش اصلا ولا التجميع بيقل ولا صوت الموتور بيعلا والعربية مش بتمشي وبعدين هو العمر الافتراضي تقريبا للفتيس ال dsg لو انت بتمشي في زحمة كتير قد ايه تقريبا

المشاركة الأصلية كتبت بواسطة hany63

يا راجل إن شاء الله الفتيس بتاعك يطلع برقبة ال dsg عشان الشركه اللي عاملاه احسن من اللي انتجت dsg
نصيحه اخويه تجنب السواقه في الزحمه ان امكن عشان كده كده هيحصل تأكل طبيعي في الاسطوانات بسبب عدد النقلات و اعراض التلف بتكون رعشه عند الطلعه و بتزيد بمرور الوقت في الزحمه او رعشه في التاني او لا قدر الله تلقى العربيه ما تنقلش و اتخن فتيس dsg قعد 25000 كم بس ما تحطش الموضوع في دماغك و استمتع و كده كده معاك ضمانك و الفتيس انا متأكد انه انضف من dsg وتحت امرك في اي استفسار

متشكر قوي يا باشا على المعلومات القيمة وانا عن نفسي لو اكتشفت حاجة جديدة في الباور شيفت هاقولها على طول عشان الناس تستفيد انا عارف انه لسة جديد في مصر متجربش

المشاركة الأصلية كتبت بواسطة szaalouk

ربنا يبارك لحضرتك في العربيه و يكفيك شرها

ربنا يبارك فيك يا باشا تسلم