| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 8 من 8

  1. #1

    الصورة الرمزية Mohamed Fawzy

    رقم العضوية : 124749

    تاريخ التسجيل : 16May2012

    المشاركات : 311

    النوع : ذكر

    الاقامة : Alexandria

    السيارة: Ford Focus 2012

    السيارة[2]: 2007 Accent 1998 + Elantra

    دراجة بخارية: لا يوجد

    الحالة : Mohamed Fawzy غير متواجد حالياً

    افتراضي تقرير كامل بالاسعار عن فورد فوكاس 2012 - Facebook Twitter whatsapp انشر الموضوع فى :

    hasad">

    تقرير عن فورد فوكس الجديدة 2012



    أولا : الشكل



    الخارجي:




    طبعا الشكل أولا وأخيرا مسألة أذواق انما انا شايف ان العربية شكلها الخارجي جيد جدا في نوع من الانسيابية الرياضية مع لمسة كلاسيكية في نفس الوقت يجمع بين العصرية في القسمات والزوايا كما في النيو النترا ولكن دون مبالغة مع البساطة والشياكة كما في الجيتا والاوكتافيا ولكن بطابع أكثر شبابية وكمان الفاميه في الزجاج الخلفي الجانبي والخلفي الاساسي مديها شياكة ونوع من الغموض والخصوصية (الدرجة 9/ 10)

    الداخلي:





    مقصورة السيارة من الداخل شبابية وعصرية جدا مع خامات معظمها من الجلد الطبيعي جيد الصنع والتقفيل


    شكل الطارة شيك جدا وتوزيع أزرار التحكم فيها جيد للغاية وسهل وسلس في التعامل


    سواء مع النظام الصوتي يمين التارة أو كوميوتر الرحلات يسارها وأيضا أزرار مثبت ومحدد السرعة في اليسار السفلي مع سهولة في الضغط على الكلاكس اسفل التارة يمينا ويسارا والعدادات واضحة الرؤية ومضيئة دائما مع شاشة في منتصف العدادات تعرض بيانات كومبيوتر الرحلات من استهلاك البنزين او الكيلو متر او مثبت ومحدد السرعة الخ و اعلى الشاشة يوجد بيانات نقلات الفتيس ودرجة الحرارة الخارجية



    كما يوجد اعلى مشغل السي دي شاشة اخرى تبين بيانات النظام الصوتي والساعة والتاريخ وتحذيرات الامان (حزام الامان - الابواب - المفتوحة - وضع الفتيس عند تبطيل المحرك - الاضاءة - وهكذا)
    أزرار التحكم في النظام الصوتي توجد اسفل شاشة المنتصف مقسمة الى صفين جانبيين على شكل افرع شجرة يفصل بينهم زر التشغيل والايقاف ومستوى الصوت كما تقوم باقي الازرار بالتنقل بين السي دي والراديو واليو اس بي وضبط مؤثرات الصوت



    اماكن التخزين الداخلية جيدة تتمثل في درج التابلوه الواسع وصندوق اسفل المسند الايمن للسائق واسع ايضا


    وجيوب في الابواب ودرج جانبي في اقصى يسار التابلوه اسفل فتحة التكييف




    النظام الصوتي جيد للغاية مع وجود ست سماعات ويرتبط مستوى الصوت بسرعة السيارة كلما زادت زاد مستوى الصوت ويقل عند انخفاض السرعة


    الصالون الداخلي متوسط المساحة ( مش واسع ومش ضيق في نفس الوقت ) قعدة السائق والراكب الجانبي مريحة جدا بس في ضيق بسيط بالنسبة لركاب الكنبة الخلفية



    مساحة الشنطة معقولة جدا وفتحها وغلقها مرتبك بالسنتر لوك وممكن تتفتح من الريموت كنترول
    طبعا العربية فيها وحدة رفع وانزال للزجاج وفتحة السقف عن طريق الريموت (الدرجة 9 / 10)

    ثانيا: الثبات


    ثبات العربية مثال يحتذى به يعني ممكن يكون مقياس نقيس عليه ثبات العربيات التانية خصوصا طبعا اني كنت راكب قبلها النترا 2007 طبعا مش هانتكلم عن الفرق مع وجود ال esp والكاوتش الكونتننتال المحترم مقاس 16-55-215 طبعا فحدث ولا حرج ( الدرجة 10 / 10)

    ثالثا: الفرامل

    طبعا abs , ebd استجابة ممتازة تحس انك تقدر توقف العربية في اي لحظة وعند اي سرعة وبمنتهى السلاسة والبساطة وانت مش قلقان من حاجة ( الدرجة 9/ 10)

    رابعا: الموتور

    موتور قوي 1600 سي سي 125 حصان مالوش صوت تقريبا وعزمه كويس على تقل العربية بس يعيبه انه مالوش غطاء من فوقه يعني تفتح الكبوت تشوف الموتور بتفاصيله بوجيهات وخراطيم واسطوانات يعني مخلي شكل مكونات الكبوت من جوه مش حلو الدرجة (8 / 10)

    خامسا: الفتيس

    الفتيس طبعا جديد اسمه باور شيفت شكله شيك له مجرى واحد موزع عليه 5 اوضاع ترتيبهم من اعلى الى اسفل S-D-N-R-P ال S هنا مش السبورت انما الاستب ترونيك عند وضعه على ال S يتم النقل عن طريق زرارين في جانب زراع الغتيس نفسه زائد وناقص
    اما بالنسبة لأداؤه فبيدي عزم كويس وتسارع معقول انما حاسس انه بيتردد في النقلات خصوصا في الزحمة عند السرعات القليلة بحس انه بينتش يمكن اكون لسة ما اتعودتش عليه انما ده اللي انا حاسسه كمان أوضاعه قريبه من بعض ومقاومة التحريك بينهم ضعيفة يعني ممكن تبقى عايز ال N تجيب ال R أو ال D تجيب ال S والعكس (الدرجة 7 / 10)

    سادسا: الباور

    نقدر نقول عليه تقيل صحيح بيحسسك بالامان وان العربية مش خفيفة انما هو اتقل ما انا كنت متوقع خصوصا مع مقارنته بالالنترا طبعا شتان الفارق (الدرجة 7/ 10)

    سابعا العزل

    جيد جدا لو قفلت الزجاج وفتحة السقف وشغلت التكييف خلاص انت اتعزلت عن العالم الخارجي لا صوت يعلو على صوت السكون او طبعا السي دي لو مشغله (الدرجة 9 / 10)

    ثامنا: العفشة

    نقدر نخلصها في المقولة الشهيرة لمناديل فلورا (ناعمة وقوية وكلها حنية) العفشة تحس فيها بالنعومة الشديدة في المطبات مع القوة في نفس الوقت وبيبان الكلام ده مع عين القطة اللي على الطرق السريعة بردو وكمان العربية مع ان شكلها يبان واطي وقريب من الارض انما قوة العفشة ما بتخليهاش تحك خالص في المطبات العالية انا جربت ده في كذا مطب كنت بحك فيهم بالالنترا عموما انا شايف ان العفشة ممتازة ( الدرجة 9 / 10 )

    تاسعا: التكييف

    على الرغم ان في ناس كتير حذرتني من التكييف الاوروبي وان اداؤه مش ولا بد انما انا شايفه جيد يعني نقدر نقول انه في مستوى الالنترا مثلا طبعا مع وجود نظام الدويل كوول يعني ظبط درجتين حرارة مختلفتين للسائق والراكب الجانبي من خلال شاشة ديجيتال اسفل منتصف التابلوه ومفيش فتحات تكييف خلفية (الدرجة 8 / 10 )

    عاشرا: الرؤيا




    الرؤيا جيدة جدا مع امكانية ضبط كرسي السائق للامام وللخلف ولأعلى و لأسفل ووضوح المرايات الجانبية ومرآة التعتيم في المنتصف وسهولة ضبط المرايات الجانبية كهربائيا لتعطي افضل رؤيا اثناء السير او الركن مع وجود السنسور بارك في الاكصدام الخلفي ( الدرجة 8 / 10)

    الحادي عشر: الاضاءة


    الاضاءة ممتازة ومن اجمل الاشياء في العربية بمجرد ما تفتح العربية خصوصا بالليل اكتر من 12 لمبة بتنور لمبتين صغريتين في المصابيح الامامية واسفل المرايات




    وثلات لمبات داخلية و لمبات خلفيتان ومع صغر هذه اللمبات انما اضاءتها قوية جدا بتفكرني باللمبات اللي في السينما وطبعا فيها فوانيس شبورة امامية ممكن تغنيك عن النور الواطي



    وشبورة خلفية عشان الضباب والنور الواطي يمكن ضبط ارتفاعه وبيعطي وضوح جميل للطريق في الظلام والنور العالي كمان معقول جدا ( الدرجة 9 / 10 )



    الثاني عشر: استهلاك البنزين

    انا فولت مرتين لحد دلوقتي وحطيت بنزين 95 في المرتين استهلاك البنزين سيء من وجهة نظري معرفش ده عيب في العربية ولا في سواقتي مع اني مش بقرص عليها خالص عشان التليين ما بزودش عن 3000 RPM بس مش عارف المشكلة فين انا عموما هاقولهم على الكلام ده في صيانة ال 1000 لما اروح التوكيل لأن الاستهلاك حوالي 150 كم في الصفيحة يعني لكل 20 لتر (الدرجة 4 / 10)


    في النهاية أحب أوضح ان طبعا التقرير ده انا عامله بعد 3 ايام سواقه بس صحيح انا عملت فيهم 400 كم عشان سافرت من القاهرة لاسكندرية انما بردو الفترة تعتبر بسيطة يعني نقدر نقول ان ده هو الانطباع الاول عن العربية انما ان شاء الله لو اكتشفت حاجة جديدة هاقولكم
    ولو حد عنده سؤال عن اي تفاصيل تانية يسأل وانا اجاوبه ان شاء الله

    تحياتى
    محمد فوزى
    خاص جدا وحصرى لنايل موتورز

    مع الشكر.
    م.محمد فوزي

    [mshosh3]http://img821.imageshack.us/img821/7822/fordfocus20122.jpg[/mshosh3]


  2. #2

    الصورة الرمزية night_whisper

    رقم العضوية : 1277

    تاريخ التسجيل : 01Jul2007

    المشاركات : 2,199

    النوع : ذكر

    الاقامة : Cairo

    السيارة: coming soon

    السيارة[2]: Nissan Sunny - Super Salon

    دراجة بخارية: no

    الحالة : night_whisper غير متواجد حالياً

    افتراضي -

    تقرير ممتاز
    ألف ألف مبروك على العربية
    سيارة رائعة ما شاء الله
    ربنا يسعدك بيها و يكفيك شرها


  3. #3

    الصورة الرمزية mr_hide

    رقم العضوية : 125162

    تاريخ التسجيل : 25May2012

    المشاركات : 59

    النوع : ذكر

    الاقامة : cairo

    السيارة: 2

    السيارة[2]: 1

    دراجة بخارية: no

    الحالة : mr_hide غير متواجد حالياً

    افتراضي -

    اخبار الفتيس معاك ايه يا باشا ؟؟؟ انا سامع انو عامل مشاكل في العربية دي الكلام من على ريفيوهات من امريكا عن العربية

    و الف مبروك على العربية


  4. #4

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    جزاك الله خيرا ..


  5. #5

    الصورة الرمزية heba hesham

    رقم العضوية : 130032

    تاريخ التسجيل : 08Oct2012

    المشاركات : 27

    النوع : انثى

    الاقامة : cairo

    السيارة: ________

    السيارة[2]: fiat uno

    دراجة بخارية: _____

    الحالة : heba hesham غير متواجد حالياً

    افتراضي -

    تقرير اكتر من رائع لسيارة محترمة جدا بالفعل
    ويارب الانطباع الحلو ده يفضل على طول..
    بالتوفيق

    استغفر لله الذى لا اله الا هو
    الحى القيوم وأتوب اليه..


  6. #6

    الصورة الرمزية MohssenRashed

    رقم العضوية : 63709

    تاريخ التسجيل : 01Mar2010

    المشاركات : 2,338

    النوع : ذكر

    الاقامة : Alexandria

    السيارة: Daihatsu Terios 2007

    السيارة[2]: Hyundai Grand I10 HB

    دراجة بخارية: MAXSYM 400I

    الحالة : MohssenRashed غير متواجد حالياً

    افتراضي -

    الف الف مبروك جميلة جداااااااا و شيك اوي.

    ممكن تقلنا السعر؟؟؟

    [img3]http://nileup.com/up/uploads/nilemotors_13674813821.jpg[/img3]


  7. #7

    الصورة الرمزية Mohamed.Ramah

    رقم العضوية : 40298

    تاريخ التسجيل : 14May2009

    المشاركات : 5,965

    النوع : ذكر

    الاقامة : Heliopolis- Masr El Gedida

    السيارة: I do not have

    السيارة[2]: لا

    دراجة بخارية: I do not have

    الحالة : Mohamed.Ramah غير متواجد حالياً

    افتراضي -

    شكرا على التقرير السيارة اكثر من رائعة بعد التجربة وتستاهل فعلا المبلغ المدفوع بها وتعتبر المنافس الاقوى فى هذة الفئة ويليها سوبارو امبريزا

    [img3]http://s11.postimg.org/5u651o4eb/bsmlhe41104899dnj0zx5.gif[/img3]


  8. #8

    الصورة الرمزية m_adeleid

    رقم العضوية : 74660

    تاريخ التسجيل : 05Jul2010

    المشاركات : 842

    النوع : ذكر

    الاقامة : Cairo-Egypt

    السيارة: Kia Pride 2001 Automatic

    السيارة[2]: لانسر كريستاله 98 مانيوال

    دراجة بخارية: لا يوجد

    الحالة : m_adeleid غير متواجد حالياً

    افتراضي -

    hasad">

    الف مبروك يا باشا
    ربنا يديلك خيرها و يكفيك شرها
    ممكن الاسعار ؟؟



 

المواضيع المتشابهه

  1. تقرير عن فورد فوكاس 2012
    بواسطة Mohamed Fawzy في المنتدى فـــــورد
    مشاركات: 339
    آخر مشاركة: 15-07-2016, 09:43 PM
  2. فورد فوكاس 2012 للبيع
    بواسطة olver في المنتدى فـــــورد
    مشاركات: 0
    آخر مشاركة: 10-09-2012, 03:01 AM
  3. بعض الاستفسارات عن فورد فوكاس 2012
    بواسطة Mohamed Fawzy في المنتدى فـــــورد
    مشاركات: 30
    آخر مشاركة: 09-08-2012, 11:21 AM
  4. سؤال على الماشى بخصوص فورد فوكاس 2012 والجمارك
    بواسطة ashrofa72 في المنتدى قســـــــــم المقارنــــات
    مشاركات: 13
    آخر مشاركة: 09-06-2012, 08:03 PM
  5. فقط على نايل موتورز اسعار وموصفات فورد فوكاس 2012
    بواسطة احمدعبدالعزيز في المنتدى أخبار السيارات في مصر والعالم
    مشاركات: 27
    آخر مشاركة: 12-03-2012, 06:00 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2